8. februar 2012
Keermiaa AG naqqinneqartariaqarpoq - qassissaa pinerpoq
Inatsisartut Siulittaasuannit Atuagagdliutit AG normumini nr. 6-imi "Tuusip atorfimminut atatillugu illua isaterneqassaaq" qule-qutserlugu allaaserisamini aammaarluni paasissutissanik eqqunngitsumik siammarterinermigut innuttaasunik tammarsaavoq. Naluara qulequtaq suminngaanneersuunersoq, tassami Nuummi illumik pigisaqanngilanga.
8. februar 2012
"Tuusip atorfimminut atatillugu illua isaterneqassaaq" pillugu
Inatsisartut eqqarsaatigalugit AG-mi allaaserisat eqqoratillu pissusiviusunik equtitsisut, kingullermik AG-mi nr. 6 2012-imeersumi ullumi saqqummersumi allaaserisakkut qulaani issuarneqartutut qulequtalimmi, ajoraluartumik uparuarneqartariaqarput pissusiviusut ersersinniarlugit.
8. februar 2012
Naalakkersuisunut Inatsisartullu siulittaasuannut inissianik pisineq
KNR-ip radioaviisia ulloq 7. februar 2012 pineqartoq pillugu ilanngussaqarpoq. Radioaviisikkut ilanngussaq tamatuma kingorna KNR-ip nittartagaanut ilanngunneqarpoq "Demokratip aqqani tamanna akuersaarneqarsinnaanngilaq!" qulequtaralugu. Ilanngutassiami naalakkersuinikkut pissutsit pillugit oqaaseqartartoq Jakob Janussen oqaaseqar-tinneqarpoq innuttaasunik kukkusumik ima isumaqalersitsisinnaasumik suliassaq manna inatsisit naapertornagit Aningaasaqarnermut Ataatsimiititaliami suliarineqarsimasoq.
31. januar 2012
Inatsisartut immikkut ittumik ataatsimiigiaqquneqarnissaannik kissaateqarneq pillugu Si-ulittaasoqarfiup aalajangernera
Inatsisartut immikkut ittumik ataatsimiigiaqquneqarnissaannik Siumut piumasarsimavoq.
26. januar 2012
2011-mi Inatsisartut ukiakkut ataatsimiinnerat maanna DVD-nngorlugu misigeqqinneqarsinnaanngorpoq
Siorna Inatsisartut ukiakkut ataatsimiinnerat maanna DVD-nngorlugu tusarnaarneqarsinnaalerpoq. Inatsisartut Ataatsimiittarfianni ataatsimiinnerit immiunneqarsimapput, taamaallaallu qarasaasiat atorlugit tusarnaarutikkut tusarnaaqqinneqarsinnaanngorlugit saqqummersinneqartarlutik. 2011-mi ukiakkut ataatsimiinnermi tamarmiusumi oqaluuserisani immikkoortut tamarmik ataasiakkaarlugit nipitalerlugit pappiarartaalu naqinneqarsinnaasunngorlugit DVD-mi nassaarineqarsinnaapput.
25. januar 2012
Unnuk Kulturisiorfimmi inersimasunik meeqqanillu eqquiniaasitsinermi ajugaasut makinneqarput. Eqquisimanerlutit takujuk.
Ulloq 21. januar unnuk kulturisiorfimmi unammisitsinerni marlunni eqquisut Inatsisartut siulittaasuata tullianit siullermit Per Berthelsenimit makinneqaqqammerput. Eqqukkat Inatsisartut Allattoqarfiannut aaneqarsinnaapput.
25. januar 2012
Inatsisartuni Ilaqutariinnermut Peqqissutsimullu ataatsimiititaliap tusagassiorfinnut nalunaarutaa
Inatsisartut ataanni Ilaqutariinnermut Peqqissutsimullu ataatsimiititaliami ilaasortat ulluni 19.-22. januar 2012, assigiinngitsunik arlalinnik suliaqarnertik nangillugu Nuummi naapipput.
24. januar 2012
Inatsisartut Siulittaasuat Josef Motzfeldt Tromsømi Arctic Frontiers (Issittumi tikitat nutaat) qulequtaralugu ataatsimeersuarnermut peqataavoq
Inatsisartut Siulittaasuat Josef Motzfeldt januaarip ulluisa 22-ianniit 24-annut nunarsuatta avannaarsuani nukissamik iluaquteqarniarneq sammillugu Tromsømi ilinniarnertuut atuarfissuanni Issittumi tikitat nutaat Arctic Frontiers qulequtaralugu ataatsimeersuarnermut peqataavoq. Ataatsimeersuarneq taamatut qulequtaqarluni ataatsimeersuarnerit arfinilissaraat.
20. januar 2012
Nunatta Canadallu akornanni aasaanerani aqqut nutaaq tamatta pissarsiffigissavarput
Inatsisartut Nunanut Allanut Sillimaniarnermullu Ataatsimiititaliaata Nuup Eqaluillu akornanni ukioq manna juunip ulluisa 18-ianni siullermeersumik aasaanerani toqqaannartumik timmisartuusseqqittalernissaminik Air Greenlandip nalunaaruteqarnera nuannaarutigalugulu qiimmattaatigaa.
17. januar 2012
Unnummi Kulturisiorfimmi Inatsisartut nal. 16-imit nal. 19-imut ammassapput
Ukioq manna aamma Inatsisartut unnummi kulturisiorfimmi nalunaaqutaq 16:00-miit 19:00-imut matut ammatissavaat.
13. januar 2012
Inatsisartut Siulittaasuat Josef Motzfeldt Dronningip naalagaaffeqatigiinni qullersatut ukiunik 40-nngortorsiorneranik nalliuttorsiutiginninnermut peqataavoq
Dronningip nalliuttorsiorneranik Folketingimi malunnartitsiniaaneq Ulloq 10. januar sapaatip akunnerani matumani Dronningip taamatut atuuffeqarnerminik ukiunik 40-nngortorsiornera malunnartinniarlugu pisortatigoortumik nalliuttorsiualaarnerit aallartillugit Folketingimi malunnartitsiniaanermi peqataavoq.