Nutaarsiassat
24. maaji 2013
Kalaallit Nunaata Issittumi Siunnersuisoqatigiinni suleqatigiinnermut peqataanera pillugu Nunanut allanut Sillimaniarnermullu Ataatsimiititaliaq ilisimatinneqarpoq
Ulloq 23. maj Inatsisartut Nunanut allanut Sillimaniarnermullu Ataatsimiititaliaat Kalaallit Nunaata Issittumi Siunnersuisoqatigiinni suleqatigiinnermut peqataanera pillugu Nunanut allanut Naalakkersuisumit ilisimatinneqarpoq.
15. maaji 2013
Tusagassiorfinnut nalunaarut - Nunanut allanut Sillimaniarnermullu Ataatsimiititaliaq
Nunanut allanut Naalakkersuisoq ulloq 14. maj "Issittumi Siunnersuisoqatigiinni sulineq Naalakkersuisut unitsikkallaraat" tusagassiorfinnut nalunaaruteqarpoq. Tusagassiorfinnut nalunaarummi ilisimatitsissutigineqarpoq aalajangerneq Nunanut allanut Sillimaniarnermullu Ataatsimiititaliami oqaluuserineqarsimasoq.
10. maaji 2013
Atugarissaarnerup sammineqarnissaa siunertaralugu ulluni 6. - 9. maj 2013-imi Nuummi ulluni sammisaqarluni Ilaqutariinnermut Peqqissutsimullu Ataatsimiititaliami ilaasortat ingerlatsipput
Inatsisartut Ilaqutariinnermut Peqqissutsimullu Ataatsimiititaliaat ulluni 6. - 9. maj 2013-imi sammisassanut pilersaarut ilanngunneqartoq naapertorlugu Naalakkersuisunik apersuinernik, paasisassarsiorluni ataatsimeeqateqarnernik Qeqertarsuatsiaanullu paasisassarsiorluni tikeraarnermik ingerlatsivoq.
8. maaji 2013
Aatsitassanut Ataatsimiititaliaq aamma Aningaasaqarnermut Akileraartarnermullu Ataatsimiititaliaq ulluni 6. - 8. maj 2013 isumasioqatigiittut
Inatsisartut Aningaasaqarnermut Akileraartarnermullu Ataatsimiititaliaannut kiisalu Aatsitassanut Ataatsimiititaliaannut ilaasortat ulluni 6. - 8. maj 2013 nunatsinni aatsitassarsiornerup ineriartornera pillugu inuiaqatigiillu kalaallit ineriartornermit tamatuminnga qanoq annertunerpaamik pissarsiaqarsinnaanerannut paasisaqarnerorusullutik Nuummi isumasioqatigiipput.
7. maaji 2013
Aatsitassanut Ataatsimiititaliaq aamma Aningaasaqarnermut Akileraartarnermullu Ataatsimiititaliaq ulluni 6. - 8. maj 2013 isumasioqatigiittut
Inatsisartut Aningaasaqarnermut Akileraartarnermullu Ataatsimiititaliaannut kiisalu Aatsitas-sanut Ataatsimiititaliaannut ilaasortat ulluni 6. - 8. maj 2013 nunatsinni aatsitassarsiornerup ineriartornera pillugu inuiaqatigiillu kalaallit ineriartornermit tamatuminnga qanoq annertu-nerpaamik pissarsiaqarsinnaanerannut paasisaqarnerorusullutik Nuummi isumasioqatigiipput.
1. maaji 2013
Ilinniartitaanermut, Kultureqarnermut Naligiissitaanermullu Naalakkersuisoq atuarfimmi atuartut aammalu Saviminilerinermut Ilinniarfimmi ilinniartut misilitsinnerminni angusaat appasissut pillugit Kultureqarnermut, Ilinniartitaanermut, Ilisimatusarnermut Ilageeqarnermullu Ataatsimiititaliamit apersorneqarpoq
Ilinniartitaanermut, Kultureqarnermut Naligiissitaanermullu Naalakkersuisoq ulloq 28. april 2013-imi Kultureqarnermut, Ilinniartitaanermut, Ilisimatusarnermut Ilageeqarnermullu Ataatsimiititaliamit apersorneqarpoq.
23. apriili 2013
Meeqqat atuarfiani atuartut aammalu Saviminilerinermik Ilinniarfimmi ilinniartut an-gusaasa pitsaannginnerarlugit tusagassiutitugut eqqartuinermut atatillugu Ilinniarti-taanermut, Kultureqarnermut, Ilageeqarnermut, Naligiisitaanermullu Naalakkersui-sumik apersuinissaminut aggersaaneq
Kultureqarnermut, Ilinniartitaanermut, Ilisimatusarnermut Ilageeqarnermullu Ataatsimiititaliap matumuuna nalunaarutigissavaa, qulaani pineqartunut tunngatillugu Ilinniartitaanermut, Kultureqarnermut, Ilageeqarnermut, Naligiisitaanermullu Naalakkersuisumik apersuinissa-minut aggersaammat.
9. apriili 2013
Aalisarnermut, Piniarnermut Nunalerinermullu Ataatsimiititaliaq inisitsiterpoq
Ataatsimiititaliat sinneri ippassaq inssitsitereersut Aalisarnermut, Piniarnermut Nunalerinermullu Ataatsimiititaliaq ullumi inissitsiterpoq.
8. apriili 2013
Inatsisartut ataatsimiititaliaat inissitsiterput
Inatsisartut ullumi immikkut ataatsimiinneranni ataatsimiititaliat inissitsiterput.
8. apriili 2013
Vera Leth Ombudsmanditut Inatsisartunit qinerneqarpoq
Ullumikkut Inatsisartut immikkut ittumik ataatsimiinnerminni Vera Leth Inatsisartut Ombudsmandiattut qineqqippaat.
5. apriili 2013
Lars-Emil Johansen Inatsisartut siulittaasussaattut qinerneqarpoq
Ullaap tungaa nalunaaqutaq aqqanernut Inatsisartunut sivisunerpaamik ilaasortaasimasup Lars-Emil Johansenip Inatsisartut inissititerfiusumik ataatsimiinnerat ammarpaa, tamatumalu kingorna Inatsisartut siulittaasussaattut qinerneqarluni.
31. martsi 2013
Inatsisartut.gl nutaamik iluseqalerpoq
Inatsisartut.gl nutaamik qarasaasiaaqqanik tabletinik atuisunut amerliartortunut tulluarsakkamik ilusilerluni takuneqarsinnaalerpoq.
25. martsi 2013
Inatsisartut Inissitsiterlutik Ataatsimiinnerat IIA13 ulloq 5. april 2013
Inatsisartut oqaluuserisassanut ataatsimiititaliarigallagaata ullumi ataatsimiinnermini aalajangerpaa Inatsisartut inissititernissaminnut ataatsimiigiaqquneqassasut tallimanngornermi ulloq 5. april 2013 nal. 11.00.
25. februari 2013
Inuusuttut Inatsisartui 2013 iluatsilluartumik ingerlanneqarpoq
Inuusuttut Inatsisartui sapaatip akunnerata naanerani pissanngatigineqarsimaqisumik nutaamik imaqarluni aaqqissuussaallunilu ingerlanneqarpoq.
21. februari 2013
Ilitsoqqussaralugu oqaatsit ulluat, 21. februar 2013
Februarip 21-at Naalagaaffiit Peqatigiit 1999-imi ataatsimeersuarneranni akuerineqartutut ilinniartitaanermut, inooqatigiinnermut piorsarsimassutsimullu immikkoortortaata UNESCO-p ilitsoqqussaralugu oqaatsinut ullorititaraa.
18. februari 2013
Inuusuttut Inatsisartui sapaatip akunnera una ingerlanneqassaaq
Sapaatip akunnerani uani tallimanngorpat Inuusuttut Inatsisartuinik taallugu aaqqissuussineq aallartissaaq. Ulluni pingasuni meeqqat atuarfianni 9. aamma 10. klassini atuartut aaqqissuussinermut peqataassapput. Peqataasussanit 35-iusunit 29-it illoqarfinnit nunaqarfinnillu Nuup avataaneersuupput. Inuusuttuaqqat peqataasussat 14-it 16-illu akornanni ukioqarput.
1. februari 2013
Naalakkersuisoq Anthon Frederiksenip januarip 31-ani 2013-imi Inatsisartuni sulinngiffeqarnini taamaatippaa.
Inatsisartut Siulittaasoqarfiata tamanna tusaatissatut tiguaa. Anthon Frederiksenip Inatsisartuni ilaasortatut uterneratigut sinniisuusoq Knud Fleischer ingerlaannartumik atuutilersumik sinniisutut atuukkkunnaarpoq.
30. januari 2013
Nunat Avannarliit Siunnersuisoqatigiiffiata Reykjavikimi ulluni 28. aamma 29. januar 2013-imi ataatsimiinnerani Kim Kielsen aamma Justus Hansen Inatsisartut sinnerlugit peqataapput
Inatsisartunut ilaasortat Kim Kielsen (S) aamma Justus Hansen (D) Sverigemi, Danmarkimi, Islandimi, Savalimmiuni Ålandimilu naalakkersuinermik suliaqartut peqatigalugit Nunat Avannarliit Siunnersuisoqatigiiffiata januarimi ataatsimiinnerani, tamatumuuna Islandimi Reykjavikimi ingerlanneqartumi peqataapput.
