Inatsisartut minnerpaamik ukiumut marloriarlutik ileqquusumik ataatsimiittarput. Inatsisartut ukiuat septemberimi tallimanngornerit pingajuanni aallartittarpoq ukiullu tullissaani taamaalinerani tallimanngorneq tikillugu atuuttarluni.
Inatsisartut siulittaasuata pisariaqartutut isigippagu Inatsisartuttaaq immikkut ittumik sukkulluunniit ataatsimiisinnaapput. Aammattaaq Inatsisartut ataatsimiittussaapput Naalakkersiusut siulittaasuata imaluunniit minnerpaamik Inatsisartunut ilaasartat affaasa piumasarippaasuk. Immikkut ittumik ataatsimiinnerni suliassat immikkut ittumik ataatsimiigiaqqusinermut tunngaviliisuusut taamaallaat Inatsisartut suliarisussaavaat.
Inatsisartut ataatsimiinnerinut atasumik Siulittaasoqarfik ullormut oqaluuserisassanut ataatsimiititaliatut atuuttussaavoq. Tassa imaappoq, Siulittaasoqarfik siunnersuutinik, apeqqutinik il. il., ataatsimiinnermik pineqartumi suliarisassangortitanik qanoq siliarineqarnissaannik Inatsisartunit akuersissutigisassamik inassuteqaasiortussaavoq. Ataatsimiinneq aallartitsinnagu Siulittaasoqarfik siunnersuutinik, apeqquteqaatinik il. il., Inatsartunut ilaasortanut ataatsimiinnissami isumaqatigiinniutigineqartussatut naatsorsuutigisanik allattukkamik takussutissiortussaavoq.