Kommunalbestyrelsinut, nunaqarfinni aqutsisunut ilagiillu sinniisaannut qinersisarnerit pillugit Inatsisartut inatsisaat nr. 10, 31. oktober 1996-imeersoq naapertorlugu Naalakkersuisut Qinigaasinnaassutsimut ataatsimiititaliamik pilersitsisarput makkuninnga inuttaqartumik:
a) Siulittaasuussaaq Kalaallit Nunaanni landsdommeri.
b) Marluk
c) Inatsisartunut ilaasortat marlut Inatsisartunit toqqakkat.
d) Ilaasortat marlut kommunalbestyrelsini nunaqarfínnilu aqutsisunut ilaasortat akornannit Kalaallit Nunaanni Kommunit Kattuffiannit (KANUKOKA) toqqakkat.
Qinigaasinnaassutsimut ataatsimiititaliami ilaasortanut sisamaasunut sinniisussanik toqqaasoqassaaq.
Nunatsinni kommunalbestyrelsini, nunaqarfimmi aqutsisunut ilagiillu sinniisaannut qinigaasut inuit qinigaasinnaassusiat misilissallugu Qinigaasinnaassuseq pillugu ataatsimiititaliap suliassaraa.
Kommunalbestyrelsinut, nunaqarfinni aqutsisunut ilagiillu sinniisaannut qinersisarnerit pillugit Inatsisartut inatsisaat nr. 10, 31. oktober 1996-imeersoq naapertorlugu qinersinerit ingerlanneqareerneri tamaasa, qinigaaffiullu ingerlanerani pisariaqartitsineq naapertorlugu Qinigaasinnaassuseq pillugu ataatsimiititaliaq ataatsimiittarpoq.
Qinigaaneq ukiunut sisamanut atuuttarpoq.
Qinigaasinnaassuseq pillugu ataatsimiititaliami ilaasortat sinniisussallu qinigaaffiat maanna qinigaaffiup ingerlanera atuuffialu 2010-mi 31. december atuukkunnaaq.
Inatsisartut kingusinnerpaamik UKA 2010-imi piffissami 1. januar 2011-imit 31. december 2014-mut Qinigaasinnaassuseq pillugu ataatsimiititaliami ilaasortassanik sinniisussanillu toqqaassapput.