Sanaartornermut ataatsimiititaliaq paasisassarsiorluni Svalbardimut angalalerpoq

Inatsisartuni Sanaartornermut ataatsimiititaliaq piffissami 19.-miit 22. januarimut 2026, Svalbardimut paasisassarsiorluni angalaniarpoq.

Issittumi attaveqaasersuutinik pilersitsinermi teknikikkut iliuusissanillu pilersaarusiornermut ilisimasaqalernissaq angalanermi siunertarineqarpoq. Ataatsimiititaliap Kalaallit Nunaanni attaveqaasersuutinik tunngassuteqartunik suliaqarneranut tapertaassaaq.

Attaveqaasersuutit, angallassineq takornariaqarnerlu aamma talittarfiit ingerlanneqarneranni qanoq ataqatigiissaarisoqartarnera soorluttaaq umiarsuarnik takornariartaatilerinermi atortuutit pilersinneqartarneri, ingerlanneqartarneri isumagineqartarnerinilu misilittagarineqartut ataatsimiititaliap tikeraarnermini immikkut ukkatarissavai.

Inatsisartut attaveqaasersuutit pillugit suliassani ilisimasassaqarnerunissaat anguniarlugu ataatsimiititaliaq paasisassarsiorluni angalaneq ingerlatissavaa.

Justus Hansen
Sanaartornermut ataatsimiititaliami Siulilttaasoq 
Annertunerusumik paasisassarsiorniaraanni siulittaasoq mobilimut +299 53 12 10-mut attavigineqarsinnaavoq