Ukioq toqqaruk
Partiit
Atassut: 9
Demokraatit: 25
Inuit Ataqatigiit: 32
Naleraq: 66
Siumut: 33
Attaviitsoq: 0

§ 37 Naapertorlugu Apeqqutit

165.Inatsisartuni ilaasortaq Mette Arqe-Hammeken, Naleraq
1. Peqqinnissaqarfiup aaqqissuussaanerata kingorna1, kina Peqqinnissaqarfimmut tunngasunut akisussaanerpaatut oqartussaava (instruktionsbeføjelse)? Suli akisussaasuuneq Peqqinnissaqarfimmut Naalakkersuisuuppat tamanna ersarissumik akissutigeqquneqarpoq. 2. Namminersorlutik Oqartussat tassumalu ataani aqutsisoqarfiit, sulisussarsiuussinerni dansk-isuinnaq allassimasunik sulisussarsiuussisinnaatitaappat? 3. Nunatsinni Peqqinnissaqarfiup Dansk-isuinnaq sulisussarsiorsinnaatitaappat? a. Nunatsinni Peqqinnissaqarfiup nittartagaq “www.gjob.gl” oqartussaaffigalugulu sulisussarsiuussinerit ikkussortarpaat? 4. Naalakkersuisut apeqqutigineqartunut attuumassuteqartunik paasissutissanik allanik apuussassaqarpat? Inatsisartuni ilaasortaq Mette Arqe-Hammeken, Naleraq Inatsisartuni ilaasortaq Mette Arqe-Hammeken, Naleraq

Tiguneqarpoq: 10/07/2024
Naalakkersuisunut nassiunneqarpoq: 12/07/2024
164.Inatsisartunut ilaasortaq Jens-Frederik Nielsen, Demokraatit
1. Takornariaqarnermut inatsisissatut siunnersuutip suliarineqarneranut atasumik misissueqqissaarnerit kingunissaanullu naatsorsuutit suut Naalakkersuisut suliarisimavaat? a. Taakku allaffissuup iluani avataaniluunniit suliarineqarpat? b. Naalakkersuisut taakku tamanut nalunaarutigerusuppaat? 2. Piffinni takornariartitsinermi ingerlatsisoq qanoq Naalakkersuisut nassuiarusuppaat? a. Naalakkersuisut ajornartorsiutitut isiginerpaat, ingerlatsisut nunanit allaneersut nunaqavissunut ingerlatsivinnut aningaasaliinerat? b. Piginnittuussut qanoq annertutigisoq ingerlatsisunit nunanit allaneersunit pigineqarnissaa Naalakkersuisut nalilerpaat, ingerlatsivik nunaqavissoq nunaqavissutut isigineqaannassappat? 3. Takornariaqarneq pillugu inatsisissami nutaassami siunnersuummi immikkoortut suut qulakkiissavaat, nunatta tikikkuminarsineruneratigut – mittarfissuit nutaat aqqutigalugit – kaaviiartitat qaffannerannik kinguneqarnissaat taassumalu kingunerisaanik takornariaqarnermut ingerlatsisut nunaqavissut annertusinissaat? 4. Qanoq ililluni siunnersuutip takornariaqarnermut inatsisissamut nutaassamut iluaqutaassava, inissaqarsinnaanermut/illusisimmavissanut periarfissat neqeroorutigineqartussat annertusinerinut takornarissat amerlinerinut naapertuuttumik? 5. Qanoq ililluni siunnersuutip takornariaqarnermut inatsisissamut nutaassamut iluaqutaassava, misigisassanut neqeroorutigineqartussat annertusinerinut takornarissat amerlinerinut naapertuuttumik? 6. Qanoq ililluni siunnersuutip takornariaqarnermut inatsisissamut nutaassamut iluaqutaassava, kaffisorniartarfiit neriniartarfiillu neqeroorutigineqartussat annertusinerinut takornarissat amerlinerinut naapertuuttumik? 7. Naalakkersuisut suliamut soqutiginaatilinnik allanik paasissutissiisinnaappat? Inatsisartunut ilaasortaq Jens-Frederik Nielsen, Demokraatit Inatsisartunut ilaasortaq Jens-Frederik Nielsen, Demokraatit

Tiguneqarpoq: 12/07/2024
Naalakkersuisunut nassiunneqarpoq: 12/07/2024
163.Inatsisartuni ilaasortaq Mette Arqe Hammeken, Naleraq
1. Peqqinnissaq pillugu ataatsimiititaliarsuup isumaliutissiissutaani atuarneqarsinnaavoq qarasaasiatigut (elektronisk) napparsimasunik allattuiffik ‘Cosmic’ nutaamik taarserneqassasoq1. Naalakkersuisut suliamut tassunnga: a. Sumut killippat? b. Napparsimasunik allattuiffik nutaaq kalaallisut oqaatsitsinnik aallaaveqassava? c. Tuluttut oqaasilinniit aamma atorneqarsinnaassava? 2. Peqqinnissaqarfimmi qarasaasiatigut (elektronisk) napparsimasunik allattuiffiup allanngortinneqarnissaanut attuumassuteqartunik allanik Naalakkersuisut paasissutissaqarpat? Inatsisartuni ilaasortaq Mette Arqe Hammeken, Naleraq Inatsisartuni ilaasortaq Mette Arqe Hammeken, Naleraq

Tiguneqarpoq: 10/07/2024
Naalakkersuisunut nassiunneqarpoq: 10/07/2024
162.Inatsisartuni ilaasortaq Peter Olsen, Inuit Ataqatigiit
1. Tunngaviusumik soraarnerussutisiaq, tapiutaasartorlu atorunnaarsillugu, soraarnerussutisiaqartut tamarmik assigiimmik soraarnerussutisiaqalissappata, tamanna nunatta karsianut sunniuteqassanersoq Naalakkersuisut oqaatigisinaanerpaat? a) Aappiuppat, taava tamanna nunatta karsianut qanoq sunniuteqassava? 2. Naalakkersuisut tassunga tunngasumik allamik oqaasissaqarnerpat? Inatsisartuni ilaasortaq Peter Olsen, Inuit Ataqatigiit Inatsisartuni ilaasortaq Peter Olsen, Inuit Ataqatigiit

Tiguneqarpoq: 09/07/2024
Naalakkersuisunut nassiunneqarpoq: 10/07/2024
161.Inatsisartunut ilaasortaq Kristian Jeremiassen, Inuit Ataqatigiit
1. Sooruna utoqqalinersiutilik inooqataa nulia/uia imaluunniit nuliaasaa/uijusaaluunniit kræftimik nappaateqarpat Danmarkimi katsorsarneqarnerani inatsisitigut pisortaniit akiliunneqarluni orninneqarsinnaanngittoq? 2. Ilumoorpa inatsisitigut qulaani taaneqartoq kommune periarfissaqartitsinngittoq kræftimik inooqataasumik orninneqarsinnaannginnera? 3. Utoqqalinersialik imaluunniit siusinaartumik sulisinnaajunnaarnersiutilik inatsit suna atorlugu kræftimik napparsimasoq Danmarkimut orninneqarsinnaava inooqataasumiit? 4. Naalakkersuisut inatsit ajoqutaasoq aaqqinniarlugu qaqugu sulissuteqassappat? Inatsisartunut ilaasortaq Kristian Jeremiassen, Inuit Ataqatigiit Inatsisartunut ilaasortaq Kristian Jeremiassen, Inuit Ataqatigiit

Tiguneqarpoq: 09/07/2024
Naalakkersuisunut nassiunneqarpoq: 10/07/2024
160.Inatsisartunut ilaasortaq Doris J. Jensen, Siumut
1. Akiitsoqarnermi utoqqalinersiat ilanngaaffigineqarsinnaajunnaarpata, tamanna pisortanut aningaasaqarnikkut qanoq kinguneqassava? 2. Taamattaaq namminersortunut qanoq aningaasaqarnikkut kinguneqassava? Inatsisartunut ilaasortaq Doris J. Jensen, Siumut Inatsisartunut ilaasortaq Doris J. Jensen, Siumut

Tiguneqarpoq: 08/07/2024
Naalakkersuisunut nassiunneqarpoq: 09/07/2024
159.Inatsisartunut ilaasortaq Jens NapãtôK, Naleraq
1. Aalisarneq pillugu inatsisartut inatsisaanni nutaami (UPA 2024, imm. 35), kalaaliussuseq pillugu ilaatigut imatut allassimapput “Kalaallit ingerlatsisut Kalaallit Nunaata aalisarnikkut oqartussaaffigisaani inuussutissarsiutigalugu aalisarnerat.” aamma “§ 9. Kalaallinut ingerlatsisunut akuersissut taamaallaat pissarsiarineqarsinnaavoq pigineqarsinnaallunilu …”. Inatsit taanna aallaavigalugu, Naalakkersuisut ”Kalaallit” kikkuunerannut aalajangiisassappat? 2. Apeqqut 1-mi Inatsit pineqartumi § 9 najoqqutaralugu, “Kalaallit” kikkuunerinik allassimasoqalernikuunerani: a. ”Kalaallit” taava kikkuuppat? b. ”Kalaaliussutsimut” aalajangiisarnissamut allaffissornikkut periutsit nalilersuutillu suut piumasaqaataalissappat? 3. Apeqqut 1-mi Inatsit najoqqutaralugu, allaffissornikkut periutsit piumasaqaatillu suut malissimatillugit Kalaallit Nunaannut inuiaqatigiinnullu “aalajangersimasumik attuumassuteqarneq” inummut atuutilertarpa? 4. Nunat allat sorliit, inuisa Kalaallit Nunaannut nuunnerminni Kalaallit Nunaanni inuit nalunaarsorsimaffiannut (”folkeregister”) pisinnaatitaaffigalugu allassimasinnaatitaappat? Uani Nunat ataasiakkaarlugit ersarissumik saqqummiunneqarnissaat piumasarineqarpoq. Soorlu nunat Nordisk-iusut ilaappata, Nunat pineqartut ataasiakkaarlugit akeqquneqarput. 5. Inuit nunanit allaneersut, soorlu Sverige-meersut, ukiut 5 Kalaallit Nunaanni najugaqarnikuugunik akileraarnikuugunillu, taava: a. apeqqut 1-imi Inatsit najoqqutaralugu “Kalaaliuppat”? b. Naalakkersuisut paasinnittaasiat nalinginnaasoq malillugu taaguutitut “Kalaaliuppat”? 6. Inuit nunanit allaneersut , Kalaallit Nunaannut allatigut attuumassuteqaratik, ukiut 5 Kalaallit Nunaanni najugaqarsimagunik akileraarsimagunillu, tamakkiisumik pisortatigoortumillu ”inuiaat kalaaliusutut” taaneqarsinnaatitaanissaannut Naalakkersuisut isumaqataappat? Inatsisartunut ilaasortaq Jens NapãtôK, Naleraq Inatsisartunut ilaasortaq Jens NapãtôK, Naleraq

Tiguneqarpoq: 08/07/2024
Naalakkersuisunut nassiunneqarpoq: 08/07/2024
158.Inatsisartuni ilaasortaq Jens NapãtôK, Naleraq
Aalisarnermut Pisassat Nalillilit Nammineq Pigisat pisiarineqartassasut Aalisarnermut Piniarnermullu Naalakkersuisup Inatsisartumut ilaasortamut Hans Enoksen-imut §37 apeqquteqaat nr. 2024-107-mut akissuteqarnermini oqatigaa pisassat nalillit aalisartup pisiarisassagai. 1. Kimit pisiarineqatassappat? imaluunniit kina tuniniaasuussua? tunisassat qanoq annertutigaat? a. qanoq akeqartinneqartassappat? 2. Aalisartut pisassaateqareersut qanoq aaqqiiffigineqassappat? uani pineqarput pisassaateqareersut/qaleralittassaqareersut a. taakku akilerlugit pisereernikut qanoq aaqqiiffigineqarnissaat Naalakkersusiut qanoq takorloorpaat Inatsisartuni ilaasortaq Jens NapãtôK, Naleraq Inatsisartuni ilaasortaq Jens NapãtôK, Naleraq

Tiguneqarpoq: 08/07/2024
Naalakkersuisunut nassiunneqarpoq: 08/07/2024
157.Inatsisartuni ilaasortaq Aqqalu C. Jerimiassen, Atassut
1. Naalakkersuisut pisortatigoortumik tunisassiassanik nittarsaaniarnermut suut najoqqutaralugit suliffeqarfinnik nioqqutinillu toqqaasoqartarpa? Inatsisartuni ilaasortaq Aqqalu C. Jerimiassen, Atassut Inatsisartuni ilaasortaq Aqqalu C. Jerimiassen, Atassut

Tiguneqarpoq: 04/07/2024
Naalakkersuisunut nassiunneqarpoq: 08/07/2024
156.Inatsisartunut ilaasortaq Karl Tobiassen, Siumut
1. Naalakkersuisoqarfiup “Suliffissuaqarnermi imaluunniit inuussutissarsiornermi suliassamut innaallagissamik tunisassiornissamut Kalaallit Nunaanni erngup nukinganik atuinissamut neqeroortitsiniarnerminut suleriaaserisaat” Rotterdamimi 10. maj 2022-imi saqqummiuppaa. Tamatumunnga tunngatillugu paasisaqarusuppunga, 2024-p aallartinnerani immikkoortortap soqutiginnittunut tamanut agguaatissallugu aalajangersimasaa, tassalu piukkunnartussarsiornermut tunngasunik paasissutissat, Naalakkersuisuni naalakkersuinikkut nalilersorneqareerlutik akuerineqarnikuunersut? 2. Paasissutissat agguaanneqartut taakku soqutigisaqaqatigiinnut qassinut agguaanneqarpat, taakkualu suliffeqarfiit nunani qassini - nunarsuup immikkoortortaanni sorlernit aallaaveqartuuppat? 3. Paasissutissani agguaanneqartuni imarisaani arlaatigut ersarissuliorluni tusarniaavigineqartunut Namminersorlutik Oqartussat, erngup nukissiorfiliornermi nukissiarineqarsimasunilluunniit atuilluni suliffissuaqarnermi, piginneqataasinnaanerannut tunngatillugu suleqatigiinnissamut tunngaviusinnaasunik saqqummiussisoqarpa? 4. Naalakkersuisut qanoq suliniuteqarpat suliffeqarfiit nunatsinneersut tamatumani suleqataanissaat aqqutissiuukkumallugu aamma ilanngullugu, tamatumani Naalakkersuisoqarfiup toqqaannaq nunatsinneersunik peqataasoqarsinnaaneranut qanoq tapersersuiva? 5. Suliassaqarfimmi Naalakkersuisup paasissutissat qulaani eqqartorneqartut pillugit qaqugukkut Inatsisartuni ataatsimiititaliat susassaqartut ilisimalikkat pillugit avitseqateqarnissaminut qanoq pilersaaruteqarpa? 6. USA-mi Inflation Reduction Act-ip (IRA), maanna Nunatta neqeroortitsiniarneranut kinguaattoorluinnarsimasumut qanoq sunniuteqarnissaa naatsorsuutigineqarpa? Aamma, Inflation Reduction Act Suliffissuaqarnermi imaluunniit inuussutissarsiornermi suliassamut innaallagissamik tunisassiornissamut Kalaallit Nunaanni erngup nukinganik atuinissamut neqeroortitsiniarnerminut tapertaalluarsinnaasutut imaluunniit akornusiisinnaasutut Naalakkersuisunit isigineqarpa? 2 7. EU-mi A Green Deal Industrial Plan for the net-zero age (Green Deal), maanna Nunatta neqeroortitsiniarneranut kinguaattoorluinnarsimasumut qanoq sunniuteqarnissaa naatsorsuutigineqarpa? Aamma, A Green Deal Industrial Plan Suliffissuaqarnermi imaluunniit inuussutissarsiornermi suliassamut innaallagissamik tunisassiornissamut Kalaallit Nunaanni erngup nukinganik atuinissamut neqeroortitsiniarnerminut tapertaalluarsinnaasutut imaluunniit akornusiisinnaasutut Naalakkersuisunit isigineqarpa? 8. Suliffeqarfik Danmarkimeersoq Ørsted, neqeroortitsiniarmi siullerpaanut ilaalluni soqutiginninnerminik nalunaaqqaartuusimasoq siornali aasakkut peqataaniarunnaarlutik nalunaarnerat pillugu Naalakkersuisut qanoq nassuiaateqarsinnaappat, tamatumani tunuarnerannut tunngatillugu sunik aallaaveqarsimanerat pillugu? 9. Naalakkersuisunit ilisimaarineqarpa maanna neqeroortitsinermi nunaminertat tatsillu pineqartut erngup nukissiortitsisinnaanerat ima annertutigimmat, allaat Islandermiut ukiut kingulliit 50-it ingerlaneranni angujartuaarsimasaannut nukik pilersinneqarsinnaasup tungaatigut, taamak annertutigisoq nunatta maanna neqeroorutiginiarsarimmagu? 10. Naalakkersuisunit eqqummaariffigineqarsimassaaq Europap avannaatungaani erngup nukissiorfiit annersaat Kárahnjúkar-imi Islandimi pilersinnaqarsinnaaneranut tunngaviit pingaarnersaat tassaammat ukiunut 40-nut atuuttussamik nukimmik pisinissamut /Power Purchasing Agreement-imik (PPA) Alcoa-mut isumaqatigiissuteqarsimaneq, tamatumani suliffeqarfiup Aluminiumut aatsitsivianut Fjardaál-imiittumut nukissamik aalaakkaasumik tunisassiornissaq tunngaviulluni. Taamatut iluatsilluarsimasumik Island-imi suliaqarsimaneq, illuatungeriinnit tamanit iluarineqarlunilu aningaasarsiorfiulluartoq taanna eqqarsaatigalugu paaserusunnarpoq Naalakkersuisut assinganik periuseqarlutik, taamalu nunatsinnut pitsaasumik angusaqartitsiumallutik, maani Nunatsinni isumaqatigiissuteqarsinnaaneq takorloorsinnaanerat? 11. Nunatta neqeroortitsiniarneranut, kinguaattoorluinnarsimasumut, tunngatillugu Naalakkersuisut suli neqeroortitsiniarluni periuseriniagartik suli pitsaanerpaamik erngup nukiga atorlugu suliffissuaqarfinnik pilersitsinissamut aqqutissaasorivaat? Inatsisartunut ilaasortaq Karl Tobiassen, Siumut Inatsisartunut ilaasortaq Karl Tobiassen, Siumut

Tiguneqarpoq: 03/07/2024
Naalakkersuisunut nassiunneqarpoq: 08/07/2024
155.Inatsisartuni ilaasortaq Hans Enoksen, Naleraq
1. Namminersorlutik Oqartussat suliifeqarfiutaasa ukiumut sillimasiinermut akilertagaat akissutigineqartoq §37 apeqquteqaat nr 2024-80 suliffeqarfiit taaneqartut akilertagaat paaserusuppakka nunamut sumut sillimatinut akiliisarnersut? a. Nunanut sorlernernut akiilisarnersugut paaserusuppara? 2. Tassa qulaarnaatsumik aamma paaserusuppakka sillimasiisarfinnut sorlernut akiilisarnersugut, akiliisarfigut sillimmasiisarfiit atii ilanngullugit aammalu sillimasiisarfinnut akiliiffigisartakkagut taagutaat ilanngullugit paaserusuppakka? a. Sorlernernut sillimmasiisarfinnut akiliisoqartarpa? 3. Ukiut tamaasa nunatsinniit aningaasat annissuinnarnerinut Naalakkersiusut qanoq tunngavissaqartippaat? a. Naalakkersuisut qanoq eqqarsarpat nunatsinni aningaasaatitta annissuinnarnagit inuiaqatigiit iluanni aningaasat tamakkiisumik atorluaanikkut sillimasiinikkut sulisilernissaannut? 4. Nunatsinni inuiaqatigiit pigisaat sillimasiisarfiit qassiuppat taakkununngalu sillimmasiinermut Namminersorlutik Oqartussat qanoq sillimmasiinermut akiliisarpat? Inatsisartuni ilaasortaq Hans Enoksen, Naleraq Inatsisartuni ilaasortaq Hans Enoksen, Naleraq

Tiguneqarpoq: 27/06/2024
Naalakkersuisunut nassiunneqarpoq: 27/06/2024
154.Inatsisartuni ilaasortaq Hans Enoksen, Naleraq
1) Royal Greenland-ip kilisaataataani inuttaqarneq eqqarsaatigalugu massakkut qanoq inissimasoqarpa aqumiut kalaallit eqqarsaatigalugit qassit kalaallit aquttarfimmi sulippat? 2) Umiarsuit qassit kilisaatit Royal Greenland-ip pigisai aalisarpat? a. Aammalu Kalaallit umiarsuarni naalakkat inuttallu qassiuppat? b. taamatullu aamma kalaallit umiarsuarni aquttut qassiuppat? 3) Aamma paaserusuppara ukiut tallimat iluanni kilisaatini inuttat immikkut nunatta avataani najugallit akuersissummik tunillugit kilisaatinut inuttanngortitat qassiuppat? 4) 2019-mi immikkut akuersissummik nunatta avataani najugallit kilisaatini inuttanngortillugit akuerisat qassiuppat. 5) 2020-mi immikkut akuersissummik nunatta avataani najugallit kilisaatini inuttanngortillugit akuerisat qassiuppat. 6) 2021-mi immikkut akuersissummik nunatta avataani najugallit kilisaatini innuttanngortillugit akuerisat qassiuppat. 7) 2022-mi immikkut akuersissummik nunatta avataani najugallit kilisaatini inuttanngortillugit akuerisat qassiuppat. Inatsisartuni ilaasortaq Hans Enoksen, Naleraq Inatsisartuni ilaasortaq Hans Enoksen, Naleraq

Tiguneqarpoq: 26/06/2024
Naalakkersuisunut nassiunneqarpoq: 27/06/2024
153.Inatsisartuni ilaasortaq Jens NapãtôK, Naleraq
1. Qaqugu innuttaasut nammineerluni illuliassanut sananissamut qinnuteqarfigisinnaanngussaavaat? Inatsisartuni ilaasortaq Jens NapãtôK, Naleraq Inatsisartuni ilaasortaq Jens NapãtôK, Naleraq

Tiguneqarpoq: 26/06/2024
Naalakkersuisunut nassiunneqarpoq: 27/06/2024
152.Inatsisartuni ilaasortaq Hans Enoksen, Naleraq
1) Apeqquteqaammut akissummi nr. 71/20241 Naalakkersuisut oqaatigivaat ukioq 2025 aallarnerfigalugu kalaallit kilisaatini naalakkat, aqummiut, aalisartullu inuttassat ukiortaaq 2025 aallartiffigalugu atuutilissaasoq politikkikkut isumaqatigiissut malillugu. Royal Greenland-ip kilisaataasa kalaallinik inuttalersorneqarnissaannut Januarip aallaqqaataani 2025 atuutilertussaq piareersarlugu aallartinneqareerpa? a. Aammalu qaqugu umiarsuit naalagassaat kalaallit aammalu aqumiut inuttassallu kalaallit atorfinitsinneqassappat? 2) Nalunaarutissaq inuttat kalaalinngortinnissaannut suliarinera sumut killippa? a. Aammalu nalunaarutissap suliarinerani kikkut suleqataappat? b. Umiarsuarni innuttat kilisaatersornermi peqatigiiffik inuttalersuinissamut nalunaarutissat suliarineqarnerani ilaatinneqarpaat? c. Aammalu suliat inuttalersuinissamut tunngasut nalunaarutissat qaqugu naammassineqassappat? d. Qaqugu inuttassarsiuussinissat aallartissappat? Inatsisartuni ilaasortaq Hans Enoksen, Naleraq Inatsisartuni ilaasortaq Hans Enoksen, Naleraq

Tiguneqarpoq: 26/06/2024
Naalakkersuisunut nassiunneqarpoq: 27/06/2024
151.Inatsisartunut Ilaasortaq Pipaluk Lynge, Inuit Ataqatigiit
1. Kalaallit Nunaata Radioani sulisut, taakkunannga amerlanerit tusagassiortuusut ukiup ataatsip ataallugu ingerlanerani 35-it soraarsimaput. Innuttaasunut kiffartuussinermi isumaqatigiissutip, 1. Januar 2023-miit 31. december tungaanut atuuttup, attatiinnarneqarnisssaa piviusorsiorpa? a) Tassani isumaqatigiissummi piumasaqaataasut naammassineqarsinnaanissaat piviusorsiorpa? 2. Innuttaasunut kiffartuussinermi isumaqatigiissut 1. Januar 2023-miit 31. decemer 2026-ip tungaanut atuuttussaagaluartoq ikerinnakkut allanngortinneqarsinnaava? a) Innutaasunut kiffartuussinermut isumaqatigiissut allanngortinneratigut, assersuutigalugu KNR-ip nammineq qaqugukkut qanoq sivisutigisumik aallakaatitsisarnissamik aaqqissuussisinnaalersillugu allanngortikkuni, KNR-p ilungersunartorsiornerminik qaangiiniarnissaanut iluaqutaasinnaava? b) Innuttaasunut kiffartuussinermi isumaqatigiissut allanngortikkuni tamat oqartussaanerannut qanoq sunniuteqassasoq Naalakkersuisut isumaqarpat? c) Innuttaasunut kiffartuussinermi isumaqatigiissutikkut KNR-i nammineq suliaminik, TV-uppat, raatiuuppat allagaappataluunniit, qanoq qaqugukkullu saqqummiussisarnissamik aalajangersaasinnaalersillugu aaqqiineq pissagaluarpat suut kingunerisinnaagaat Naalakkersuisut isumaqarpat? 3. Naalakkersuisut tusagassiuutit pillugit isumaqatigiinnissamut (medieforlig) aamma tusagassiuutinut politikkip (mediepolitik) pilersinnissaannulluunniit pilersaaruteqarpat? Inatsisartunut Ilaasortaq Pipaluk Lynge, Inuit Ataqatigiit Inatsisartunut Ilaasortaq Pipaluk Lynge, Inuit Ataqatigiit

Tiguneqarpoq: 24/06/2024
Naalakkersuisunut nassiunneqarpoq: 26/06/2024
150.Inatsisartunut ilaasortaq Najaaraq Møller, Siumut
1. Naalakkersuisut misilittagaat malillugit, atuarfinni atuartitsisartut ullumikkut atuartitsinerminni oqaatsinik marlunnik pingasunilluunniit, tassalu kalaallit oqaasiinik aamma danskisut tuluttullu atuisartut, qanoq misilittagaqarfigineqarpat? 2. Naalakkersuisut IMAK-ip inassuteqaataanik, atuartitsissutit tamarmik nukarlerni kalaallisut oqaatsit atorlugit ilinniartitsissutaanissaat pillugu, tigusaqarsimappat? a. Taamaappat, Naalakkersuisut pineqartumut iliuuseqarnissamut qanoq pilersaaruteqarpat? 3. Nukarliit atuartut siunissami kalaallisut ilinniartitsinermik ingerlatsivigineqalissappata, aningaasatigut sunniutaasinnaasut pillugit Naalakkersuisut missingiuteqarsinnaappat? Inatsisartunut ilaasortaq Najaaraq Møller, Siumut Inatsisartunut ilaasortaq Najaaraq Møller, Siumut

Tiguneqarpoq: 24/06/2024
Naalakkersuisunut nassiunneqarpoq: 25/06/2024
149.Inatsisartuni ilaasortaq Peter Olsen, Inuit Ataqatigiit
1. Savalimmiuni umiarsuit naalagaattut ilinniarfimmut assingusumik nunatsinni umiarsuit naalagaattut ilinniarsinnaanermik Naalakkersuisut pilersaaruteqarnerpat? 2. Savalimmiuni umiarsuit naalagaattut ilinniarfimmut assingusumik nunatsinni umiarsuit naalagaattut ilinniarsinnaanermik pilersitsoqassagaluarpat tamanna nunatta karsianut qanoq naleqarsinnaanersoq Naalakkersuisut naatsorsorsinnaanerpaat? 3. Naalakkersuisut allamik oqaasissaqarnerpat? Inatsisartuni ilaasortaq Peter Olsen, Inuit Ataqatigiit Inatsisartuni ilaasortaq Peter Olsen, Inuit Ataqatigiit

Tiguneqarpoq: 24/06/2024
Naalakkersuisunut nassiunneqarpoq: 25/06/2024
148.Inatsisartuni ilaasortaq Peter Olsen, Inuit Ataqatigiit
1. Nunatsinni alopeciamik nappaateqartunut ukiumut tapiissuuteqartoqarsinnaanera Naalakkersuisut uppernarsarsinnaanerpaat? 2. Aappiuppat ukiumut qanoq annertutigisumik tapiissuteqartoqarsinnaava aamma inatsit suna tunngavigalugu tapiissuteqartoqartarpa? a) Aamma sumut qinnuteqartoqarsinnaava? 3. Ukiumut qanoq amerlatigisut tapiiffigineqaqqullutik qinnuteqartarnersut Naalakkersuisuninngaaniit kisitsisaatigineqarnerpa? 4. Naalakkersuisut tassunga tunngasumik allamik oqaasissaqarnerpat? Inatsisartuni ilaasortaq Peter Olsen, Inuit Ataqatigiit Inatsisartuni ilaasortaq Peter Olsen, Inuit Ataqatigiit

Tiguneqarpoq: 24/06/2024
Naalakkersuisunut nassiunneqarpoq: 25/06/2024
147.Inatsisartunut Ilaasortaq Marita Jessen, Inuit Ataqatigiit
1. Inuit innarluutillinnut tulluarsakkamik kitaani avannaaniluunniit ulloq unnuarlu angerlarsimaffimmik pilersitsisoqarniarnerluni? 2. Inuit innarluutillit pisariaqartitai tamakkiisinniarlugit ulloq unnuarlu angerlarsimaffimmi Naalakkersuisoqarfimmiik qanoq iliuuseqartoqarpa? 3. Arlaannik Naalakkersuisut ilassutissaqarpat? Inatsisartunut Ilaasortaq Marita Jessen, Inuit Ataqatigiit Inatsisartunut Ilaasortaq Marita Jessen, Inuit Ataqatigiit

Tiguneqarpoq: 20/06/2024
Naalakkersuisunut nassiunneqarpoq: 20/06/2024
146.Inatsisartuni ilaasortaq Jens Napatok, Naleraq
1. Kangianiit suliartorlutik nunatsinniitttut qassiuppat? a. Qanoq nakkugitigineqarpat? 2. Suliffinni nalinginnaagaluttuinnarnera kangimiunik sulisorineqarneri tamanna pillugu Naalakkersuisut qanoq piumasaqaatitaqarpat? 3. Akuersissutinik pisartut ataavartumik nakkutigineqartarpat? a. Akuersissuteqaateqarlutik tamarmik sulisuunersut malinnaaffigineqarlutillu nakkutigineqartarpat? 4. Sinerissami qanoq agguataarsimappat kangiamiuniit sulisut? a. Kangiamiut Nunatsinnut suliartorsimasut sumi sulisuuppat? Inatsisartuni ilaasortaq Jens Napatok, Naleraq Inatsisartuni ilaasortaq Jens Napatok, Naleraq

Tiguneqarpoq: 20/06/2024
Naalakkersuisunut nassiunneqarpoq: 20/06/2024
145.Inatsisartuni ilaasortaq, Hans Enoksen Naleraq
1) Nuuk Imeq matuniariartoq ingerlaannartumik sodavand-it akitsorneqarnerannut suna pissutaava? 2) Naalakkersuisut 2023 ukiakkut akitsuisoqassanngitsoq oqariartuutigereerlugu sooruna eqqunngitsumik paasissutissanik Naalakkersuisut inatsisartunut saqqummiussaqartut?1 Inatsisartuni ilaasortaq, Hans Enoksen Naleraq Inatsisartuni ilaasortaq, Hans Enoksen Naleraq

Tiguneqarpoq: 18/06/2024
Naalakkersuisunut nassiunneqarpoq: 18/06/2024
144.Inatsisartuni ilaasortaq Hans Enoksen, Naleraq
1) Oqaatigineqartarpoq Qaanaami aalisartut qaleralinnik Royal Greenlandimut tunisineranni kiilumut kr. 16,50 atuutsinneqartartoq. Piffinni allani tunisinermi akit qanoq inissisimappat? a. Suna pissutaava qaleralinniarnermi pisarineqartartut akigitinneqartut piffinniit piffinnut akii appassinnerumik akilersorneqartarnerinut? 2) Taamatut akilerlutsitsineq Naalakkersuisut Royal Greenland-imik piginnittutut akuersaarpisiuuk? a. Naalakkersuisunik akueriinnarneqarpa taamatut akilerlutsitsineq? b. Taamatut akilersuititsinissi allanngortinnissaanik eqqarsaatersuuteqarpisi? Inatsisartuni ilaasortaq Hans Enoksen, Naleraq Inatsisartuni ilaasortaq Hans Enoksen, Naleraq

Tiguneqarpoq: 18/06/2024
Naalakkersuisunut nassiunneqarpoq: 18/06/2024
143.Inatsisartuni ilaasortaq Hans Enoksen Naleraq
1) Qeqqata kommunia Namminersorlutillu oqartussat ingerlaattaannik ataatsimiittartoqatigiinnik ingerlatsiffiusoq Kangerlussuup siunissaa pillugu eqqartuisoqartarneranik nalunaarutigineqartarpoq. Suliniaqatigiiffik kommunip peqataaffigisartagaa ulloq ukiorlu suna aallartippa? 2) Qeqqata kommunia aningaasanik akileraartarnikkut isertitassaagalugit annaanneqarnissaannut taarsiiffigeqquvoq Kangerlussuarmi timmisartunut mittarfik angallaffiujunnaarpat.1 Qeqqata kommuniata akileraartarnikkut annaasassai eqqarsaatigalugit aningaasat qanoq annertutigisut ukiumut akileraarnikkut isertinneqartarpat? 3) Kangerlussuarmi sulisut inuuttaasullu qassiuppat? a. Inuit qassit Kangerlussuaq qimallugu sinerissamut noorerpaat? 4) Qanga Kangerlussuarmi najugallit imarpik qulaallugu timmisartunut angallannermut atorunnaarnissaa pillugu ilisimatinneqarpat? a. Qanga Kangerlussuarmiit aallararnissaat nutsernissaallu aalajagiunneqarpa? 5) Taarsiiffigeqqunermi aningaasat qanoq annertutiginissaat Naalakkersuisunut apuunneqareerpaa? a. Aningaasat Taarsiissutissat ukiut tamaasa qanoq annertutigissappat? b. Kangerlussuarmut tunngatillugu Ataatsimiittartoqatigiinnut qanga ilisimatitsissutaava qeqqata kommunia kissaateqarniartoq? 6) Qeqqata kommuneata Kangerlussuarmut aningaasartuutigisartagai ilanngullugit taarsiissutaaniarpat? 7) Ukioq 2024 naanerani suliffiit suut Kangerlussuarmi ingerlassappat? a. Qassinik sulisoqassava? 8) Kangerluarmut timmisartutigut attaveqartarnerit sapaatip akunneranut ullut qassit atorneqartarnissaat naatsorsuutigineqarpat? Inatsisartuni ilaasortaq Hans Enoksen Naleraq Inatsisartuni ilaasortaq Hans Enoksen Naleraq

Tiguneqarpoq: 18/06/2024
Naalakkersuisunut nassiunneqarpoq: 18/06/2024
142.Inatsisartuni ilaasortaq Hans Enoksen Naleraq
1. Aningaasaliinissat pillugit inatsisartunut siunnersuutip suliarineqarnissaa pissutigalugu paaserusuppara ukiuunerani nunaqarfinni taaneqartuni silaannakkut angallassisarnissanut aningaasat annertussusiat. a. Qeqertarsuatsianut Qeqertarsuatsiaaniillu aningaasat qanoq annertutigisut pisariaqartinneqarpat? b. Kangaamiunut Kangaamiuniillu? c. Napasumut Napasumiillu? d. Atammimmut Atammimmiillu? 2. Qeqertarsuuatsiaani helikopterinut mittarfiliornissamut aningaasat qassit pisariaqartinneqassappat? a. Kangaamiuni? b. Napasumi? c. Atammimmi? Inatsisartuni ilaasortaq Hans Enoksen Naleraq Inatsisartuni ilaasortaq Hans Enoksen Naleraq

Tiguneqarpoq: 18/06/2024
Naalakkersuisunut nassiunneqarpoq: 18/06/2024
141.Inatsisartuni ilaasortaq Hans Enoksen Naleraq
1) KNI Pilersuisoq allaffeqarfissuarmini qassinik sulisoqarpa: a. 2019? b. 2020? c. 2021? d. 2022? e. 2023? 2) Pilersuisup allaffeqarfiata ingerlanneqarnera ukiumut qanoq aningaasatigut naleqarpa: a. 2019? b. 2020? c. 2021? d. 2022? e. 2023? 3) KNI Pilersuisup ukiumut aningaasat qanoq annertutigisut KNR-TV’kkut ussassaarinernut atortarpai: a. 2021? b. 2022? c. 2023? 4) Naalakkersuisut Pilersuisup pisiniarfii nunaqarfinniittuni nioqqutissaataanik ikilisaanisamik pilersaaruteqarpat? a. Taamatut pilersaaruteqartorqarpat suna pissutaava nunaqarfinni Pilersuisup pisiniarfinni nioqqutissat ikilisarneqarnissaannut? 5) Pisiniarfiit ammasarnerisa sivikillinissaat naatsorsuutigineqarpa? 6) Pilersuisumi allaffeqarfissuup pisortaasa aningaasarsiaat ataatsimut katillugit qanoq annertusseqarpat? 7) Pilersuisup pisortaasa ukiumoortumik sinneqartoornermi aningaasarsiamik qaavatigut qanoq annerutigisumik tapisitinneqarsimappat: a. Ukioq 2020? b. 2021? c. 2022? d. 2023? 8) Nunaqarfinni pisiniarfinni allanilu sulisut sinneqartoornermi sulilluarsimanerat pillugu tapisitinneqartarpaat? a. Tapisitinneqarsimappata aningaasanngorlugit qanoq annertussuseqarpat? Inatsisartuni ilaasortaq Hans Enoksen Naleraq Inatsisartuni ilaasortaq Hans Enoksen Naleraq

Tiguneqarpoq: 17/06/2024
Naalakkersuisunut nassiunneqarpoq: 18/06/2024
140.Inatsisartunut ilaasortaq Anders Olsen, Siumut
1) Illoqarfiit sorliit aalajangersimasumik nakorsaqarfiunngillat? a) Taakkunani aalajangersimasumik nakorsaqalernissaq anguniarlugu suliniutit suuppat sumullu killippat? b) Aalajangersimasumik nakorsassaaleqinermut aporfiit peqqutillu suuneruppat? 2) Illoqarfinni aalajangersimasumik nakorsaqarfiunngitsuni utaqqiisaasumik ataavartumillu nakorsaqartitsisarnerit Naalakkersuisuniit qulakkeerniarneqarpa? a) Taamaattoqanngippat sooq? b) Utaqqiisaasumik nakorsaqartitsisinnaaneq ajornarsimappat iliuusissanik periusissanik peqarpa suuppallu? 3) Illoqarfiit tamarmik aalajangersimasumik imaluunniit utaqqiisaasumik nakorsaqartinneqarnissaat Naalakkersuisuniit pilersaarutaallunilu anguniagaava? Inatsisartunut ilaasortaq Anders Olsen, Siumut Inatsisartunut ilaasortaq Anders Olsen, Siumut

Tiguneqarpoq: 14/06/2024
Naalakkersuisunut nassiunneqarpoq: 14/06/2024
139.Inatsisartunut ilaasortaq Najaaraq Møller, Siumut
1) Naalakkersuisut nutaamik oqaatsit pillugit politikiliornissamik pilersaaruteqarpat? a. Taamaappat, allannguutit suut siunniunneqarpat? b. Taamaanngippat, suna pissutaava? 2) Nutaamik oqaatsit pillugit politikiliortoqassappat qanoq akeqassava aamma sakkut/periutsit suut atorneqassappat? Inatsisartunut ilaasortaq Najaaraq Møller, Siumut Inatsisartunut ilaasortaq Najaaraq Møller, Siumut

Tiguneqarpoq: 12/06/2024
Naalakkersuisunut nassiunneqarpoq: 13/06/2024
138.Inatsisartunut ilaasortaq Asii Chemnitz Narup, Inuit Ataqatigiit
1. Kalaallit Nunaanni inuussutissarsiornermi ineriartortitsinermik suliniutinut tigussaasumik iluaqutaasinnaasunik ikorfartukkamik ilisimatusarnernik ullumikkornit annertunerusumik atuinissamut Naalakkersuisut qanoq isumaqarpat? 2. Ilisimatusartunik ilisimatusarnerisa inernerinik Kalaallit Nunaanni inuussutissarsiornermi ineriartortitsinermik suliniutinut tigussaasumik iluaqutaasumik atorneqarsinnaasunik qaninnerusumik siunnerfeqartumillu suleqateqarnissaq pilersinniarlugu periarfissat suut Naalakkersuisut takusinnaavaat? 3. Naalakkersuisut maanna ilisimatusarnermi sulianik ataatsimut allatukkanik, inuussutissarsiornernik nutaanik ineriartortitsiffissatut piukkunnaateqarluartunik takussutissiisunik peqarpat? 4. Arsuup Kangerluani Ikkami napasuusat atorneqarnissaannut periarfissat maanna qanoq isikkoqarpat? Taakku atorneqarsinnaanerat pillugu ilisimatusarneq maanna ukiuni qulikkaani arlalinni ingerlareerpoq. 5. Kalaallit Nunaata marrarmik sermersuarmeersumik avammut tunisassiorluni aallartinnissaa qaqugu pisinnaava? Inatsisartunut ilaasortaq Asii Chemnitz Narup, Inuit Ataqatigiit Inatsisartunut ilaasortaq Asii Chemnitz Narup, Inuit Ataqatigiit

Tiguneqarpoq: 12/06/2024
Naalakkersuisunut nassiunneqarpoq: 13/06/2024
137.Inatsisartunut ilaasortaq Asii Chemnitz Narup, Inuit Ataqatigiit
1. Naalakkersuisup sorliup Kalaallit Nunaanni pasinapiluttunik kalerriisartut pillugit Inatsisartut inatsisaata nutaap atulersinneqarnissaa akisussaaffigissavaa? 2. Atuutilersitsinermik suliaqarnermi immikkoortut suut ilaatinneqassappat? 3. Inatsimmi piginnaatitsissutit malittarisassanik erseqqinnerusunik aalajangersaanissamut tunngatillugu Naalakkersuisut sunik pilersaaruteqarpat? 4. Innuttaasut inatsimmik nutaamik paasitinnissaannut Naalakkersuisut qanoq pilersaaruteqarpat? 5. Pisortat suliffeqarfii suliffeqarfiillu namminersortut inatsimmik nutaamik paasitinnissaat pillugu Naalakkersuisut qanoq pilersaaruteqarpat? Inatsisartunut ilaasortaq Asii Chemnitz Narup, Inuit Ataqatigiit Inatsisartunut ilaasortaq Asii Chemnitz Narup, Inuit Ataqatigiit

Tiguneqarpoq: 11/06/2024
Naalakkersuisunut nassiunneqarpoq: 13/06/2024
136.Inatsisartunut ilaasortaq Asii Chemnitz Narup, Inuit Ataqatigiit
1. Nuummi Atuarfik Ukaliusaq Naalakkersuisut qanoq pilersaaruteqarfigaat? 2. Isaterneqassava? a)Tunngavilersuutaa? 3. Isaterneqassanngippat illorsuaq siunissami sumut atorneqassava? Inatsisartunut ilaasortaq Asii Chemnitz Narup, Inuit Ataqatigiit Inatsisartunut ilaasortaq Asii Chemnitz Narup, Inuit Ataqatigiit

Tiguneqarpoq: 11/06/2024
Naalakkersuisunut nassiunneqarpoq: 13/06/2024
135.Inatsisartuni ilaasortaq Knud Mathiassen, Naleraq
1. Tasiilami eqqaanilu nannuttasseeqqinnissamut naalakkersuisut pilersaaruteqarpat? 2. Ittoqqortoormiuni nannuttasseeqqinnissamut naalakkersuisut pilersaaruteqarpat? Inatsisartuni ilaasortaq Knud Mathiassen, Naleraq Inatsisartuni ilaasortaq Knud Mathiassen, Naleraq

Tiguneqarpoq: 12/06/2024
Naalakkersuisunut nassiunneqarpoq: 13/06/2024
134.Inatsisartunut ilaasortaq Anna Wangenheim, Demokraatit
1. Naartuersittarnermut inatsisit tamarmik angerlaanneqarnissaannut suliaq sumut killippa? a. Maannakkut inatsisaasumi maani nunatsinni naartuersinnissamut killissarititaasoq nammineerluta aalajangersinnaaneranut suut periarfissaappat? Tamanna pissuteqarpoq, Danmarkimi naartuersinnissamut killissarititaasoq ilimanarmat 2025-imi sapaatit akunnerinit 12-niit sapaatit akunnerinut 18-inut qaffanneqassasoq. b. Maani nunatsinni sunik periarfissaqarpugut nammineerluta aalajangersinnaanitsinnut, periarfissaqarnermut niviarsiaqqat 15-17-inik ukiullit angajoqqaatik akuersitinngikkaluarlugit naartuersissinnaanerannut? Tamanna pissuteqarpoq, tamanna Danmarkimi 2025-imi piviusunngussagunarmat. 2. Naalakkersuisut qanoq isumaqarfigaat naartuersittarnerup killigitinneqarnera sapaatit akunnerinit 12-niit sapaatit akunnerinut 18-inut qaffanneqarsinnaaneranut? 3. Naalakkersuisut qanoq isumaqarpat, periarfissaassappat niviarsiaqqat 15-17-inik ukiullit angajoqqaatik akuersiteqaanngikkaluarlugit naartuersissinnaalissappata? 4. Naalakkersuisut siunnersuuteqarnialersaarpat UKA 2024-imut maani nunatsinni naartuersittarnerup killigitinneqarnerata qaffanneqarnissaanik? 5. Naalakkersuisut siunnersuuteqarnialersaarpat UKA 2024-imut niviarsiaqqat 15-17-inik ukiullit angajoqqaatik akuersiteqqaanngikkaluarlutik naartuersissinnaalernissaannik? 6. Naalakkersuisut suliamut soqutiginaatilinnik allanik paasissutissiisinnaappat? Inatsisartunut ilaasortaq Anna Wangenheim, Demokraatit Inatsisartunut ilaasortaq Anna Wangenheim, Demokraatit

Tiguneqarpoq: 11/06/2024
Naalakkersuisunut nassiunneqarpoq: 13/06/2024
133.Inatsisartunut ilaasortaq Anna Wangenheim, Demokraatit
1. Qatserisut-ni atorfimmut atasumik inissiat akisuallaarnerisa misissornissaanut suleqatigiissitamik Peqqissutsimut Naalakkersuisup pilersitsiniarluni neriorsuutaata suliaa sumut killippa? a. Sulisut ineqarniarnerata siunissami aaqqiivigineqarnissaannut aaqqiissutissaq qaqugu Naalakkersuisut saqqummiutilersaarpaat? 2. Naalakkersuisut suliamut soqutiginaatilinnik allanik paasissutissiisinnaappat? Inatsisartunut ilaasortaq Anna Wangenheim, Demokraatit Inatsisartunut ilaasortaq Anna Wangenheim, Demokraatit

Tiguneqarpoq: 11/06/2024
Naalakkersuisunut nassiunneqarpoq: 13/06/2024
132.Inatsisartunut ilaasortaq Kuno Fencker, Siumut
1. Aalajangiiffigisassatut siunnersuummut, UKA2022/60, tunngatillugu naalagaaffimmut attaveqarsimanermut killiffimmik Naalakkersuisut paasissutissiisinnaappat? 2. Aalajaniisoqarnerata kingunerisaanik suleriarnerit suut ingerlanneqarsimappat, kiisalu maannamut killiffik sunaava? 3. Angallannermut pigisanillu nalilinnut tunngatillugu inatsisiliornerup tinguneqarnissaannut piumasaqaataasut tamakkiisumik nalunaarusiorneqarnerisa naammassineqarnissaat qaqugumut naatsorsuutigineqarpa? 4. Suliami uani aporfiusimasut kinguaattoorutaasimasullu suut, ilaatigut, maluginiarneqarsimasut taaneqarsinnaappat? Inatsisartunut ilaasortaq Kuno Fencker, Siumut Inatsisartunut ilaasortaq Kuno Fencker, Siumut

Tiguneqarpoq: 11/06/2024
Naalakkersuisunut nassiunneqarpoq: 13/06/2024
131.Inatsisartunut ilaasortaq Kuno Fencker, Siumut
1. Suleriaatsit sorliit taakkulu malitsigisaat Inatsisartut aalajangiiffigisassaattut siunnersuutaat pimoorullugit tiguneqarnissaannut Naalakkersuisut qulakkeerinninnissamut malitassaatigivaat? 2. Inatsisartut Aalajangiiffigisassaattut siunnersuutit killiffissiorneqarnissaannut piviusunngorsarneqarnissaannullu aaqqissuussamik pilersaaruteqartoqarpa imaluunniit periusissiaqarpa? 3. Inatsisartut Aalajangiiffigisassaattut siunnersuutaasa ersarissumik malinnaavigineqarsinnaanissaannut pitsanngorsaanissamut, suliarineqarnerini akisussaaffigineqarnissaannut kiisalu piviusunngorsarneqarnissaannut Naalakkersuisut sunik suliniuteqarpat? 4. Aalajangiiffigisassatut siunnersuutigineqarsimasut suliatut suli ingerlasut tamaasa tulleriissarlugit allattorsimaffittut Naalakkersuisut saqqummiussinnaanerlunikkit, matumani suliat killiffii piviusunngorsaanerullu qanoq ingerlanera sukumiisumik nassuiaatitalerlugit? 5. Aalajangiiffigisassatut siunnersuutit sorliit qinigaaffik kingullermiit annertunerusumik iliuuseqarfigineqaqqigatik naammassineqarsimasutut nalilerneqarsimappat, aamma suna peqqutaallugu taamatut nalilerneqartarpat? Inatsisartunut ilaasortaq Kuno Fencker, Siumut Inatsisartunut ilaasortaq Kuno Fencker, Siumut

Tiguneqarpoq: 11/06/2024
Naalakkersuisunut nassiunneqarpoq: 13/06/2024
130.Inatsisartunut ilaasortaq , Najaaraq Møller, Siumut
1) Meeqqat angerlarsimaffiup avataanut inissittakkat ikilisarneqarnissaannut Naalakkersuisut iliuusissamik pilersaaruteqarpat? 1a) Taamaappat, sunik pilersaaruteqarpat? 2) Meeqqat angerlarsimaffiup avataanut inissittakkat angerlarsimaffimminnut/angajoqqaaminnut utertinneqarsinnaanissaannut Naalakkersuisuniit iliuusissatut pilersaaruteqartoqarpa? 3) 2a) Aamma angajoqqaat meerarisaminnik utertitsinissaminnut angajoqqaajulluarnissaannik tunngaviliinertalimmik siunnersorneqarlutillu inerisarneqarnissaannut Naalakkersuisut sunik iliuusissatut pilersaaruteqarpat? 4) Meeqqat angerlarsimaffiinnut, pisortat pigisaannut namminersortunullu Namminersorlutik Oqartussat ukiumut qanoq aningaasartuuteqartigisarpat? 5) Kuserneq-mi immaqaluunniit MANUmi angajoqqaajulluarnissamut tunngasut siammarnissaat eqqarsaatigalugu ilikkakkat siuaruaanneqarsinnaanissaannut suliniuteqartoqalikkersaarpa? 6) Meeqqat angerlarsimaffiup avataanut inissinneqartut angajoqqaavi pisortaqarfinnit meeqqap angerlarteqqinneqarsinnaanissaannik qanoq attavigineqartigisarpat suullu pisortaqarfinniit angajoqqaajusunut suliniutigineqartarpat? 7) Angajoqqaajulluarnissamut Naalakkersuisut inuiaqatigiinnut sunik suliniuteqarpat? 8) Angajoqqaajulluarneq Naalakkersuisunit qanoq oqaasertalersorneqarpa? Inatsisartunut ilaasortaq , Najaaraq Møller, Siumut Inatsisartunut ilaasortaq , Najaaraq Møller, Siumut

Tiguneqarpoq: 11/06/2024
Naalakkersuisunut nassiunneqarpoq: 13/06/2024
129.Inatsisartunut Ilaasortaq Kuno Fencker, Siumut
1. Agguaqatigiisillugu aatsitassarsiorfinnit soorlu Lumina-tut ittunit piiaasinnaanermut pisinnaatitsissummik pillit qinnuteqaataasa suliarineqartarneranut piffissaq qanoq sivisutigisarpa? 1a. Piffissap atorneqartartup sivikillinissaanut Naalakkersuisut suliniutinik sunik pilersaaruteqarpat? 2. Aatsitassarsiorfiit Luminatut ittut inissisimanerisa ilaatigut allaffissornikkut kigaatsumik ingerlaaseqarnerup aaqqiiviginissaannut Naalakkersuisut qanoq pilersaaruteqarpat? 3. Aatsitassarsiornerup iluani angusaqarfiulluartutullu avammut oqaluttuanik pilersitsinissamut Naalakkersuisut suliniuteqartoqarnissaanut qanoq pilersaaruteqarpat? 3a. Suliffeqarfiit Luminatut ittut piiaanissamut pisinnaatitsissummik peqartut Naalakkersuisut qanoq taperserniarpaat? 4. Aningaasaliisussat amerlanerit qammarsinnaarusullugit aningaasaliissuteqarnermi periarfissaasut pitsanngorsarnissaannut Naalakkersuisut qanoq iliuuseqarniarpat? 4a. Kalaallit Nunaanni inuiaqatigiinnut pissarsiaqaatigineqarnissaanut Naalakkersuisut qanoq qulakkeerinninniarpat? 4b. Pisinnaatitsissutit ingerlaatsillu naammassiuminarsarnissaat Naalakkersuisut qanoq qulakkeerniarpaat? 5. Luminap naleqarnerulersitsinngitsumik nunanut allanut ingerlatitseqqiisarneq pillugu, niuernissamut pisinnaatitsissutit, kiisalu pineqartunut suleqatigisanut nalittorsaaniarnerit pillugit ernummataanut tunngatillugu Naalakkersuisut sunik piviusunngorsaaniarpat? 5a) Suliffeqarfiit niuernikkut periusissiaminnik suliffeqarfiup aningaasaqarnikkut soqutigisai Kalaallit Nunaatalu aningaasatigut soqutigisai innarlernagit ingerlatsisinnaanissaannut Naalakkersuisut qulakkeerinninissamut qanoq suleriaqqinniarpat? 6. Sooq Luminap ullumikkumut suli pineqartunnut suleqatigisanut tuniniaasinnaanermut aammalu Kalaallit Nunaata avataani tunisassiat nalittorsartinneqaqqinnissaannut pisinnaatitsissummik pissarsisimanngila? 6a. Qinnuteqaatinut taamak ittunut suliaqarnissamut piffissaliussaq suua? 7. Suliffeqarfiit Luminatut ittut piiaanissamut pisinnaatitsissummik peqareersut Kalaallit Nunaanni iluatsilluartumik aningaasatigullu piujuaannartitsinikkut ingerlatsisinnaanissaannut tapersersorneqarnissaat sukkanerusumillu qinnuteqaataannik suliarinnittoqarsinnaanissaa Naalakkersuisut qanoq qulakkeerniarpaat? Inatsisartunut Ilaasortaq Kuno Fencker, Siumut Inatsisartunut Ilaasortaq Kuno Fencker, Siumut

Tiguneqarpoq: 10/06/2024
Naalakkersuisunut nassiunneqarpoq: 13/06/2024
128.Inatsisartunut ilaasortaq Jens-Frederik Nielsen, Demokraatit
1. Nunatta Karsiata procentpointimut ataatsimut isertitat qassit aannaassavai isertitanut akileraarut appartinneqarpat? 2. Pisortanut aningaasaqarnikkut allaffissornikkullu suut kingunerissavai, ingerlatsivinnut akileraarut 20 procentimut appartinneqaraluarpat? Inatsisartunut ilaasortaq Jens-Frederik Nielsen, Demokraatit Inatsisartunut ilaasortaq Jens-Frederik Nielsen, Demokraatit

Tiguneqarpoq: 10/06/2024
Naalakkersuisunut nassiunneqarpoq: 13/06/2024
127.Inatsisartuni ilaasortaq Mette Arqe-Hammeken, Naleraq
1. 2021-mi §37-mi akissuteqarpusi nr.049-mi tunumi misissuinermi paasisat 2022-mi imaluunniit 2023-mi tiguneqarsimalissasut, misissuinermi Ittoqqortoormiuni eqqaanilu paasisat qanoq inerneqarpat? 2. Aamma 2021-mi §37-mi akissuteqarpusi nr.049-mi tunumi qilalukkat qernertanut tunngatillugu misissuinerit suli ilai naammassinngittut corona peqqutaalluni kinguaattoorfiunikuusoq, massakkut Ittoqqortoormiuni eqqaanilu misissuinerit naammassineqarpat? a. Naammassisimappat misissuinermi paasisat qanoq isikkoqarpat? Inatsisartuni ilaasortaq Mette Arqe-Hammeken, Naleraq Inatsisartuni ilaasortaq Mette Arqe-Hammeken, Naleraq

Tiguneqarpoq: 05/06/2024
Naalakkersuisunut nassiunneqarpoq: 07/06/2024
126.Inatsisartunut ilaasortaq Kuno Fencker, Siumut
1. Naalakkersuisut kalaallit Danmark-imi najugaqartut inuiattut ikinnerussuteqartutut akuerineqarnissaat pillugu naalagaaffimmut attaviginninnikuuppat? a. Taamaassimappat, attaveqarneq tamanna qanoq kinguneqarpa? b. Taamaassimanngippallu, attaveqarnerup qaqugukkut pinissaa naatsorsuutigineqarpa? 2. Naalakkersuisut naalagaaffiup tungaaninngaanniit akissummik tingusaqarnikuuppat? a. Taamaassimappat, akissut tamanna qanoq imaqarpa? b. Taamaassimanngippallu, qaqugu akissuteqartoqarnissaa naatsorsuutigineqarpa? 3. Naalakkersuisut qanoq pilersaaruteqarpat naalagaaffiup oqartussaasui peqatigalugit, inatsisit sinaakkutaasut marluk pineqartut Kalaallinut Danmarkimi najugaqartunut qulakkeerinninnissaanut? 4. Kalaallit Danmarkimi najugaqartut pisinnaatitaaffiisa kinaassusaasalu illersorneqarnissaat pillugit pilersitsiniarnernik suliniutinilluunniit allanik pilersaaruteqartoqarpa? 5. Suliap matuma ingerlanneqarnerani Naalakkersuisut kalaallinut Danmarkimi najugalinnut qanoq akuutitsiniarpa? a. ilaatigut soorlu, Sinniisoqarfik Københavninmiittoq imaluunnii kattuffiit allat Kalaallit Nunaata, Aningaasanut Inatsit aqqutigalugu, tapiiffigisartagai. Inatsisartunut ilaasortaq Kuno Fencker, Siumut Inatsisartunut ilaasortaq Kuno Fencker, Siumut

Tiguneqarpoq: 05/06/2024
Naalakkersuisunut nassiunneqarpoq: 06/06/2024
125.Inatsisartuni ilaasortaq Mette Arqe-Hammeken, Naleraq
1. Ittoqqortoormiit timmisartuunneqartarnissaa pillugu kiffartuussinissami isumaqatigiissutit 2020-mi ukiuni qulini tassa 2030 tungaanut atuuttussatut isumaqatigiissutigineqartut, kiffartuussinissamut isumaqatigiissut taanna nutaamik isumaqatigiissusiorfigineqarsinnaava 2020 aamma 2030 ikeratigut? Inatsisartuni ilaasortaq Mette Arqe-Hammeken, Naleraq Inatsisartuni ilaasortaq Mette Arqe-Hammeken, Naleraq

Tiguneqarpoq: 05/06/2024
Naalakkersuisunut nassiunneqarpoq: 05/06/2024
124.Inatsisartunut ilaasortaq Kuno Fencker, Siumut
Sakkut pillugit Kalaallit Nunaanni inatsisiliorneq 1. Naalakkersuisut sakkut pillugit inatsisiliornerup nunatsinnut nuunneqarnissaanut pilersaaruteqarpat? 2. Sakkut pillugit inatsit massakkut atuuttoq Kalaallit Nunatsinni pissutsinut naleqqussarneqarnissaa siunertaralugu naalagaaffimmut saaffiginissuteqarnissamik Naalakkersuisut pilersaaruteqarpat? 3. Taamaassimappat, taava Naalakkersuisut, imm. 1 aamma 2-mi pineqartut eqqarsaatigalugit, suut inatsisini allanngortariaqarnersut aammalu piffissaliussat sumut killinnerinik paasissutissiisinnaappat? 4. Taamaattoqarsimanngippalli, sooq tamanna suliarineqarsimanngila kiisalu Naalakkersuisut siunnissami qaninnerusumi suliamik uuminnga ingerlatsilernissaminnut pilersaaruteqarpat? Inatsisartunut ilaasortaq Kuno Fencker, Siumut Inatsisartunut ilaasortaq Kuno Fencker, Siumut

Tiguneqarpoq: 03/06/2024
Naalakkersuisunut nassiunneqarpoq: 03/06/2024
123.Inatsisartunut ilaasortaq Anna Wangenheim, Demokraatit
1. Naalakkersuisut Kalaallit Nunaanni meeqqanut angerlarsimaffiup avataanut inissinneqarsimasunut inatsisitigut illersorneqarnerannut qanoq isummerpat? a. Naalakkersuisut immikkuullarissumik Kalaallit Nunaanni meeqqanut pinngitsaalisaasumik angerlarsimaffiup avataanut inissinneqarsimasunut inatsisitigut illersugaanermut qanoq isummerpat? b. Naalakkersuisut sunik immikkuullarissunik pilersaaruteqarpat meeqqat pinngitsaalisaasumik angerlarsimaffiup avataanut inissinneqarsimasut inatsisitigut illersorneqarnerata nukittorsarnissaanut? 2. Suut oqaluuserisassaniippat, Meeqqanut inuusuttunullu Naalakkersuisup, peqatigiiffik MAPI aamma SILA360 apriilip naanerani 2024 naapimmagu? a. Suut oqaluuserisat tassannga ataatsimiinnermeersut Naalakkersuisut iliuuseqarfigissallugit toqqarpai? 3. Naalakkersuisut oqaaseqaatinut qanoq isummerpa, Kalaallit Nunaat inatsisinik unioqqutitsinerarneqarmat inuit pisinnaatitaaffiinut nunat tamalaat aalajangigaannut unioqqutitsinerarneqarluni1? a. Naalakkersuisut qanoq isummerniarpat inatsisitigut kinguneqartitsisoqassappat, Kalaallit Nunaata meeqqat pinngitsaaliissummik angerlarsimaffiup avataanut inissinneqartut taakkulu ilaqutaasa inatsisitigut illersorneqarnissaat isumagisimanngimmassuk, toqqaannartumik kingunerisaanik? 4. Naalakkersuisut qanoq isummerpat, ICC aamma Inuit Pisinnaatitaaffiinnut Siunnersuisoqatigiit, oqaluuserisamut ilungersunartumut isumminnginnerannut? a. Naalakkersuisut Demokraatit isumaqatiginerpaat, pisinnaatitaaffiit inatsisitigullu illersorneqarnerit annertusarneqarneri ukkatarineqarnerusariaqartut ICC aamma Inuit Pisinnaatitaaffiinnut Siunnersuisoqatigiit erseqqissarmassuk nunatsinni maannakkorpiaq pisut unammillernartut? 5. Naalakkersuisut isummerfigisassatut siunnersuut UKA2022/1312 kinguneqartinniarpaa? a. Qanoq iliorluni tamanna ingerlanniarneqarpa? 6. Naalakkersuisut qanoq isummerpat, danskit naalakkersuisuisa (Socialministerip) akuersaarneranut, danskit kommuuniisa suli kulturimut tulluussarneqanngitsunik angajoqqaajusinnaanermut misissuinerit ingerlannerinut? 7. Naalakkersuisut pisortat neqeroorutaannut aamma/imaluunniit periarfisseerusuppat kingunerlutitsinermut katsorsartinneq atulerneqassasoq periarfissiisussaq, pisortat assersuutigalugu peqqinnissaqarfiup imaluunniit kommunini sullissisut privaatimik ingerlasumut kingunerlutsitsinermut katsorsaasumut innersuussisinnaalersillugit? Inatsisartunut ilaasortaq Anna Wangenheim, Demokraatit Inatsisartunut ilaasortaq Anna Wangenheim, Demokraatit

Tiguneqarpoq: 03/06/2024
Naalakkersuisunut nassiunneqarpoq: 03/06/2024
122.Inatsisartunut ilaasortaq Kuno Fencker, Siumut
Umiartortut pillugit inatsiseqarneq aamma umiartortut sulinermi atugassarititat pillugit killiffik 1. Kalaallit Nunaanni umiartortut sulinermi atugaat pillugit Naalakkersuisut inatsisissamik imaluunniit peqqussummik suliaqarpat? 2. Naalakkersuisut danskit umiartortut pillugit Inatsisaata Kalaallit Nunaanni Kalaallit Nunaanni pissutsinut nalimmassarlugu nuunnissaa pillugu Naalagaaffimmut peqqussummik Naalagaaffimmi oqartussanut peqqussutigineqarnissaa pilersaaruteqarfigivaat? 3. Taamaappat, Naalakkersuisut matumani suliamut piffissalersuummik killiffimmillu nassuiaateqarsinnaappat? 4. Taamaanngippat, suliassaqarfimmut tassunga suliaqannginneq sumik peqquteqarpa, aamma Naalakkersuisut siunissami qaninnermi suliamik taamak ittumik aallartitsinissaminnut pilersaaruteqarpat? Inatsisartunut ilaasortaq Kuno Fencker, Siumut Inatsisartunut ilaasortaq Kuno Fencker, Siumut

Tiguneqarpoq: 31/05/2024
Naalakkersuisunut nassiunneqarpoq: 03/06/2024
121.Inatsisartuni ilaasortaq Aqqalu C. Jerimiassen, Atassut
1. Nunatsinni kigutit nakorsassaaleqineq qanoq annertutigiva? 2. Kigutileriffinni sumiiffinni assigiinngitsuni kigutit nakorsat amerlassusissaat naapertorlugu qassit amigaataappat? 3. Illoqarfinni sorlerni kigutit nakorsaqanngila? 4. Innuttaasut qanoq paasitinneqartarpat sumiiffigisaanni kigutit nakorsassaqanngikkaangat? 5. Sumiiffinni kigutit nakorsassaaleqiffiusuni, innuttaasut suliaritittussaagaangata qanoq iliortoqartarpa? a. 2023-mi suliaritittussat illoqarfimmut allamukartussanngortitaasarsimassappata qassit taamatut angalasariaqartarsimappat? Qanorlu aningaasartuutaatigisimava? 6. Kigutigissuunissamut periusissiaq eqquutsinneqassappat Naalakkersuisut qanoq pilersaaruteqarpat? 7. Kigutit nakorsaannik atorfinitsitsiniarnermut Naalakkersuisut qanoq periusissiaqarpat? Inatsisartuni ilaasortaq Aqqalu C. Jerimiassen, Atassut Inatsisartuni ilaasortaq Aqqalu C. Jerimiassen, Atassut

Tiguneqarpoq: 31/05/2024
Naalakkersuisunut nassiunneqarpoq: 31/05/2024
120.Inatsisartunut ilaasortaq Anna Wangenheim, Demokraatit
1. Suliniut taasissutigineqarsimasoq UKA2022/132, sumut killiffeqarpa: ”Sullivimmi avatangiisit aammalu suliffimmi iluarisimaarinninneq pitsanngoriaateqarnissaanut suliniutit tigussaasut aallaavigalugit sulinngitsoortarneq qanoq annikillisarneqarsinnaaneranut Suliffigissaaneq pillugu siunnersuisooqatigiit oqaaseqaatiliornissaa anguniarlugu Naalakkersuisut peqqusinissaat pillugu Inatsisartut aalajangiiffigisassaattut siunnersuut. Oqaaseqaat suliniutit qanoq ataqatigiissaarneqassanersut atuutsinneqalissanersullu siunnersuutinik tunniussissaaq.”? Inatsisartunut ilaasortaq Anna Wangenheim, Demokraatit Inatsisartunut ilaasortaq Anna Wangenheim, Demokraatit

Tiguneqarpoq: 30/05/2024
Naalakkersuisunut nassiunneqarpoq: 30/05/2024
119.Inatsisartunut Ilaasortaq Marita Jessen, Inuit Ataqatigiit
1. Inunnik isumaginnittoqarfimmi sulisut (sagsbehandlerit) sullitaasa amerlassusaat amerlanerpaaffilernissaannut sinaakkusiinissamut Nalunaarummi pilersitsisoqarniarnerluni? 2. Kalaallit Nunaanni tamakkiisumik inunnik isumaginnittoqarfinni (meeqqanut ilaqutariinnut, inuit innarluutilinnut, pisartagaqartunut, siusinaartumik pensionisialinnut, utoqqalinersialinnut, suliffissarsiortunut) agguaqatigiissillugit isumaginnittut sullitaasa amerlassusaat qassiuppat? 3. Arlaannik naalakkersuisut ilassutissaqarpat? Inatsisartunut Ilaasortaq Marita Jessen, Inuit Ataqatigiit Inatsisartunut Ilaasortaq Marita Jessen, Inuit Ataqatigiit

Tiguneqarpoq: 28/05/2024
Naalakkersuisunut nassiunneqarpoq: 28/05/2024
118.Inatsisartunut Ilaasortaq Marita Jessen, Inuit Ataqatigiit
1. Inuit innarluutillit illoqarfimmut allamut illoqarfigisaminni periarfissakinnertik pillugu nuuttariaqarlutik namminneq najugaqarlutik nuunnikunut tikeraarluni angalasinnaatitaaneq periarfissanngussanerluni? 2. Inuit innarluutillit 18-leereersimasunut sumiiffigisaminnik ikiorsiissutinik tulluartunik peqannginnera aallaavigalugu allamut sumiiffimmut nuunnissamut inatsimmik Nalunaarutiniluunniit ersarinnerusumik periarfissinneqarsinnaanerlutik? 3. Arlaannik naalakkersuisut ilassutissaqarpat? Inatsisartunut Ilaasortaq Marita Jessen, Inuit Ataqatigiit Inatsisartunut Ilaasortaq Marita Jessen, Inuit Ataqatigiit

Tiguneqarpoq: 27/05/2024
Naalakkersuisunut nassiunneqarpoq: 27/05/2024
117.Inatsisartunut Ilaasortaq Marita Jessen, Inuit Ataqatigiit
1. Kalaallit Nunaanni inoqarfiusuni tamani Inuit innarluutillit nalunaaqutaq sisamat kingorna tapersersorteqarsinnaatitaanerat immaqaluunniit biilinik ingerlanneqartarsinnaatitaanerat arlaatigut nalunaarummi ersarissaanissaq periarfissaanersoq periarfissaava? 2. Inuit innarluuteqartut arlaatigut ulluinnarni nalunaaqutaq sisamat kingorna sunngiffimmukartarniarnerannut, soqutigisaminnut, immaqaluunniit aneersinnaanerannut naalakkersuisoqarfimmiik iliuuseqartoqarnerluni? 3. Arlaannik naalakkersuisut ilassutissaqarpat? Inatsisartunut Ilaasortaq Marita Jessen, Inuit Ataqatigiit Inatsisartunut Ilaasortaq Marita Jessen, Inuit Ataqatigiit

Tiguneqarpoq: 27/05/2024
Naalakkersuisunut nassiunneqarpoq: 27/05/2024
116.Inatsisartunut Ilaasortaq Marita Jessen, Inuit Ataqatigiit
1. Inuit innarluutillit Kalaallit Nunaata iluani angalasinnaaneranni Mittarfeqarfinni aammalu Talittarfinni tikikkuminassuseq iliuuseqarfigineqarniarnerluni? 2. Kalaallit Nunaanni mittarfeqarfiit talittarfiillu Inunnut innarluuteqartunut tulluarsagaanersut nakkutigineqartarpat? 3. Arlaannik Naalakkersuisut ilassutissaqarpat? Inatsisartunut Ilaasortaq Marita Jessen, Inuit Ataqatigiit Inatsisartunut Ilaasortaq Marita Jessen, Inuit Ataqatigiit

Tiguneqarpoq: 27/05/2024
Naalakkersuisunut nassiunneqarpoq: 27/05/2024
115.Inatsisartunut Ilaasortaq Marita Jessen, Inuit Ataqatigiit
1. Inuit innarluutillit pisortat pigisaannut Sanaartorneq pillugu Inatsisartut inatsisaat pillugu Namminersorlutik Oqartussat nalunaarutaanni kikkut §6 imm. 2-mut 4-ramullu nakkutilliisuusarpat? 2. Inatsimmi apeqqummi siullermi taaneqartumi §6 immikkoortoq 2 aamma 4-mut aalajangersakkamik ilumut inunnut innarluutilinnut tulluartuunissaannut qulakkeerinnittumik maleruagassaqarnerluni? Soorlu isaariaq qanoq isikkoqassanersoq, matup nammineerluni ammartarnersoq, qanoq matut silissuseqarnerannut, sanaartukkallu iluani ilumut inuk innarluutilik kiffaanngissuseqarluni nammineerluni angalaarsinnaaneranullu tunngasut, elevatorillu ilumut naleqquttuunersoq kikkunnut tamanut. 3. Arlaannik naalakkersuisut eqqumaffigisaqarlutik ilassutissaqarpat? Inatsisartunut Ilaasortaq Marita Jessen, Inuit Ataqatigiit Inatsisartunut Ilaasortaq Marita Jessen, Inuit Ataqatigiit

Tiguneqarpoq: 27/05/2024
Naalakkersuisunut nassiunneqarpoq: 27/05/2024
114.Inatsisartuni ilaasortaq Harald Bianco, Inuit Ataqatigiit
1. Isorliunerusuni pisiassat ingammik nerisassat peqqinartut mersernar-tumik akitsoraluttuinnarnerat Naalakkersuisut iliuuseqafiginiarpaat? 2. Isorliunersuni umiarsuakkut pilersuiffiup avataani (ukiukkut) nioqqu-tissat timmisartukkoortut nalinginnaasumik pingasoriaammik sisama-riaammiluunniit akeqalertarnerat Naalakkersuisut iliuuseqarfiginiar-paat? Inatsisartuni ilaasortaq Harald Bianco, Inuit Ataqatigiit Inatsisartuni ilaasortaq Harald Bianco, Inuit Ataqatigiit

Tiguneqarpoq: 27/05/2024
Naalakkersuisunut nassiunneqarpoq: 27/05/2024
113.Inatsisartuni ilaasortaq Hans Enoksen Naleraq
1) Puisit amiinik tunitsiviit nunarput tamakkerlugu illoqarfinni nunaqarfinnilu qassit ammappat? a. Nunaqarfinni illoqarfinnilu sorliit tunitsiveqarpat? b. Nunaqarfiit illoqarfiillu soorliit tunitsiveqanngillat? 2) Pusit amii ukiumut qassit tunineqarsimappat? a. Ukioq 2020? b. Ukioq 2021? c. Ukioq 2022? d. Ukioq 2023? 3) Puisit amiinik tigoorasut sulinerminni qanoq aningaasarsiaqartinneqartarpat? a. Aningaasarsiaqartinneqarpata isumaqatigiissutit sorliit tunngavigalugit suullu isumaqatigiissutaanersut tunitsivinni sulisunut atugassarititaappat? 4) Puisit amiinik tigoqqaasut ukioq naallugu suliffissaqartinnissaannut Naalakkersuisut qanoq eqqarsaateqarpaat? a. Suliffinnik ataavartitsinissanut qanoq Naalakkersuisut pilersaaruteqarpat? Inatsisartuni ilaasortaq Hans Enoksen Naleraq Inatsisartuni ilaasortaq Hans Enoksen Naleraq

Tiguneqarpoq: 24/05/2024
Naalakkersuisunut nassiunneqarpoq: 27/05/2024
112.Inatsisartunut Ilaasortaq Marita Jessen, Inuit Ataqatigiit
1. Inuit annertuumik annikitsumillu innarluutillit inersimasunngortut eqqortumik sullillneqarlutillu kiffartuunneqarnissaat qulakkeernissaat kikkut akisussaaffigaat? 1a. Qaqugukkullu qulakkeerinninnerit pisassappat? 2a. Ukiumut qasseriaq qulakkeerinnittoqartarpa? 2. Inuinnik annertuumik innarluutilinnut angajoqqaajusut toqqissisimassagunik qitornaat inersimasunngortunut inatsisit malillugit qanoq oqartussanik suleqatigineqartassappat? 3. Arlaannik naalakkersuisut ilassutissaqarpat? Inatsisartunut Ilaasortaq Marita Jessen, Inuit Ataqatigiit Inatsisartunut Ilaasortaq Marita Jessen, Inuit Ataqatigiit

Tiguneqarpoq: 22/05/2024
Naalakkersuisunut nassiunneqarpoq: 23/05/2024
111.Inatsisartunut Ilaasortaq Marita Jessen, Inuit Ataqatigiit
1. Inuit tusilartut siussarluttullu oqalutseqarnermikkut qanoq nunatsinni periarfissaqarpat? A) Kikkut periarfissaappat oqaluttaanissaminnut? 2. Inuit tusilartut siussarluttullu ilinniarnissaminnut qanoq periarfissaqartigippat? A) Qanoq ilinniarnissaminnut sullinneqartarpat? B) Kikkut inuit tusilartut siussarluttullu ilinniarnissaannut atortussaanut periusissaanullu ikiuisarpat? 3. Inuit innarluutillik, ilaatigut tusilartut siussarluttullu, interneti atorlugu imminut isigaluni oqaluuttarnernik pisariqartitsisut, internetimut akiliutiminnik tapiiffigitissinnaappat? 4. Arlaannik apeqqutigineqartunut tunngasunik Naalakkersuisut ilassutissaqarpat? Inatsisartunut Ilaasortaq Marita Jessen, Inuit Ataqatigiit Inatsisartunut Ilaasortaq Marita Jessen, Inuit Ataqatigiit

Tiguneqarpoq: 22/05/2024
Naalakkersuisunut nassiunneqarpoq: 23/05/2024
110.Inatsisartunut Ilaasortaq Marita Jessen, Inuit Ataqatigiit
1. Inuit innarluutillit meeqqat atuarfiat naammassigaangamikku nunaqarfitsik imaluunniit illoqarfitsik qimannagu inuunertik ineriartorteqqinnissaannut suut periarfissarisarpaat? 2. Ado Lynge Aasianniittoq kisimi periarfissaattut inissisimaannassanerluni? A) Immaqaluunniit allanik periarfissanik inooqataanissaminnut inuiaqatigiinni sumiiffigisartik qimanngikkaluarlugu ujartuisoqarnerluni? 3. Arlaannik Naalakkersuisut ilassutissaqarpat? Inatsisartunut Ilaasortaq Marita Jessen, Inuit Ataqatigiit Inatsisartunut Ilaasortaq Marita Jessen, Inuit Ataqatigiit

Tiguneqarpoq: 22/05/2024
Naalakkersuisunut nassiunneqarpoq: 23/05/2024
109.Inatsisartunut ilaasortaq Adam Kristensen, Inuit Ataqatigiit
1. Kangersuatsiami tunitsiviup 2025-mi ammaqqinneqarsinnaanissaa siunertaralugu Royal Greenland-mit pisiarineqarnissaa Naalakkersuisut aqqutitsiussinnaavaat? 2. Kangersuatsiami tunitsivik Royal Greenland-imit pisiarineqassappat nunaqqatigiinnit tingujartuaarneqarnissaanut Royal Greenland Naalakkersuisullu aqqutitsiuussisinnaappat? Inatsisartunut ilaasortaq Adam Kristensen, Inuit Ataqatigiit Inatsisartunut ilaasortaq Adam Kristensen, Inuit Ataqatigiit

Tiguneqarpoq: 22/05/2024
Naalakkersuisunut nassiunneqarpoq: 22/05/2024
108.Inatsisartuni ilaasortaq Hans Enoksen, Naleraq
1) Meeqqanik paarsisartut atugassaqartitaanerat qanoq isumannaatsumik ingerlasussanngorlugu aaqqissuunneqartarpa? a. Aningaasarsiat paarsinersiutit qanoq annertutigaat? b. Angajoqqaarsianut meeqqanik paarsaqarnermi meeqqat amerlassusiat malillugu qanoq paarsinersiutit akilerneqartussat annertussusilerneqartarpaat? 2) Meeqqanut paarineqartunut nerisassarsiutit tunniunneqartartut qanoq annertutigaat? a. Qanoq ullormut annertussuseqarpat? b. Qanoq sapaatip akunneranut tunniunneqartartut annertussuseqarpat? 3) Meeqqanut paarineqartunut angajoqqaarsiat aqqutigalugit tunniunneqartartut qanoq annertutigisumik aningaasartaqartarpat? a. Atisassarsiuutissat qaammannut qanoq annertussuseqarpat? b. Nerisassarsiutissat qaammammut qanoq annertussuseqarpat? Inatsisartuni ilaasortaq Hans Enoksen, Naleraq Inatsisartuni ilaasortaq Hans Enoksen, Naleraq

Tiguneqarpoq: 21/05/2024
Naalakkersuisunut nassiunneqarpoq: 22/05/2024
107.Inatsisartuni ilaasortaq Hans Enoksen, Naleraq
1) Aalisarnermut inatsisissaq atulerpat ilaatigut tunngavilersuutini saqqummiunneqartut ilagaat aalisartut inuusuttut Qaleralinniarnermut akuersissummik soqaratik aalisalerniarunik pisassanit aatsaat piseqqaarlutik aalisarlutik qaleralinnialersinnaasut. Qaleralinnik pisassanik pisissagunik suminngaaniit pisissappat? 2) Nunaqarfimmiut isorliunerusunilu illoqarfinni najugallit qaleralinniarnermut pisassanik piseqqaanngikkaluarlutik paggatassanik aalisarnermi ilaasinnaassappaat? 3) Qaleralinniarnermut akuersissummik nunaqarfimmioq inuusuttoq peqanngikkunni suna akiliutigalugu qaleralittassanik pisissagami? 4) Inuusuttut qaleralinniarnissamut pulaniartut pisassanik pisiniarnissaminnut atugassanik aningaasanik attartorfissaannik naalakkersuisut periarfissiiniarpaat? a. Imaluunniit allami attartornissaannut aningaasanik qularnaveqqusiffiginiarpaat inussutut ilaqutariinngorsimasut ajunngitsumik periarfissinniarlugit? 5) Qaleralinniarnermi paggatassiassat Naalakkersuisunik pisassiissutiginiarneqartut qanoq annertutigissappat aammalu qalerallit pisassat aalisarneqartut nungukkaangata pisasseeqqittoqartassavaa? Inatsisartuni ilaasortaq Hans Enoksen, Naleraq Inatsisartuni ilaasortaq Hans Enoksen, Naleraq

Tiguneqarpoq: 21/05/2024
Naalakkersuisunut nassiunneqarpoq: 22/05/2024
106.Inatsisartuni ilaasortaq Hans Enoksen Naleraq
1. Apeqqummut 72-2024 akissummi takusinnaannginnakku neriorsuut suliarineqarsimanersoq, apeqqutigeqqissavara qaqugu neriorsuut utooqqat tamavimmik qallunaat utoqqartulli Nunatsinni atugassaqartitaalissasut? a. Naak taanna neriorsuut qaqugu naammassineqarluni atuutilissava? 2. Qinigaaffik naalerpoq suli susoqarani, paaserusuppara qineqqusaarutaannaanersoq? Inatsisartuni ilaasortaq Hans Enoksen Naleraq Inatsisartuni ilaasortaq Hans Enoksen Naleraq

Tiguneqarpoq: 15/05/2024
Naalakkersuisunut nassiunneqarpoq: 22/05/2024
105.Inatsisartunut ilaasortaq Anna Wangenheim, Demokraatit
1. Naalakkersuisut qanoq isummerfigaat, innuttaqartugut, pisortanit pigineqartunit illuni oquttuni najugaqartunik? a. Naalakkersuisut paasisimasaqarpa, innuttaasut qassit, taama inissisimanerannik? b. Taarsiissutaasinnaasunut periarfissat suuppat, attartortoq napparsimalersimappat toqqaannartumik attartukkami oqoqalersimanerata kingunerisaanik? c. Attartortumut inissiigallarnissamut periarfissat suuppat, inip attartukkat oqoqarnerata paasineqarnerani? d. Suliaq sumut killippa attartortut periarfissinniarlugit inimut tunniunneqartumut itigartitsisinnaanerannik, taanna ini siusinnerusukkut oqummik eqqorneqarsimammat? e. Qanoq akulikitsigisumik INI A/S illuutiminik misissuisarpa illup qanoq innera misissorniarlugu soorlu assersuutigalugu oqoqarnersoq? 2. Naalakkersuisut nassuiarsinnaanerpaat, attartortut sunik pisinnaatitaaffeqarlutillu illersorneqarsinnaanersut, Ineqarnermut naammagittaalliortarfiup attartortoq isumaqatigalugu isummersimappat? a. Tassani Ineqarnermut naammagittaalliortarfik sunik pisinnaatitaaffeqarpa? b. Naalakkersuisut Demokraatit isumaqatigisinnaanerpaat, INI A/S attartortitsisullu allat Ineqarnermut naammagittaalliortarfiup aalajangigaanik ataqqinnittuaannartariaqartut? c. Naalakkersuisut sunik periarfissaqarpat attartortut ikiorlugillu illersornissaanut, INI A/S imaluunniit attartortitsisut allat Ineqarnermut naammagittaaliortarfiup aalajangigaatut iliuuseqanngippata? 3. Qaqugu Naalakkersuisut innuttaasut ilisimatinniarpaat, ineqarnermut akiliutit qanoq annertutigisumik qaffassanersut Naalakkersuisut naalakkersuisooqatigiillu ineqarneq pillugu aaqqissuusseqqiinerisa malittaanik? 4. Naalakkersuisut suliniuteqarusunnerpaat malittarisassanik atuutsitsilernissamut, illuni pisortanit pigineqartuni tamani allassimasoqartassassoq angerlarsimaffimmi meeqqanik 18-nit inorlugit ukiulinnik ineqateqarnersut? a. Aamma/imaluunniit attartukkami najugallit tamarmik nalunaarutigineqartarnissaannik? 5. Naalakkersuisut malittarisassiorsinnaappat, illuni tamani pisortanit pigineqartuni kikkut inisimanersut nalunaarutigineqartassasoq? 6. Eqqartorneqartumut attuumassutilinnik allanik Naalakkersuisut paasissutissiisinnaappat? Inatsisartunut ilaasortaq Anna Wangenheim, Demokraatit Inatsisartunut ilaasortaq Anna Wangenheim, Demokraatit

Tiguneqarpoq: 21/05/2024
Naalakkersuisunut nassiunneqarpoq: 22/05/2024
104.Inatsisartuni ilaasortaq Hans Enoksen Naleraq
1) Tusagassiorfitsigut tusarparput Royal Arctic Line A/S illuutiminik tuniniaaniartoq. Illut sumiittut tuniniarneqarpat sunalu tunngavigalugit illunik tuniniaanissaq toqqarneqarpa? 2) Royal Arctic Line A/S qassinik aqqi ilanngullugit umiarsuaateqarpa? 3) Royal Arctic Line A/S qassinik aqqi ilanngullugit umiarsuarnik attartugaqarpaa? 4) Royal Arctic Line A/S umiarsuaatiminik tunisaqarnikuua? A. Tunisaqarsimaguni qanga tunisaqarnikuuppat tunisallu aqqi ilanngullugit qassiuppat? 5) Aningaasarsiornikkut ingerlanerlunneq malunnarsiartuinnarpat usinik assartuinermi akinik qaffaasoqarniarpaa? A. Qaffaasoqarniarpat qanoq annertutigisunik qaffaasoqassava? 6) Targat qassit Pilersuisumik pigineqarpat? A. Pisiarineqarnerminni qanoq akeqarpat? 7) Targat ukiut kingulliit tallimat ajutoortartut iluarsaattarnerinut aningaasat qanoq annertutigisut aningaasartuutigineqartarpat? 8) Pilersuisup naatsorsuutaasa eqqunngitsumik sinneqartoortuusaarlutik saqqummiussisaqattaarnerat nunaqarfinni pisisartunut qanoq naleqarpa? A) Aningaasallu annaaneqarsimasut matussuserniarneqarnerannut nunaqarfinni pisisartunut tutsinneqassappat? Inatsisartuni ilaasortaq Hans Enoksen Naleraq Inatsisartuni ilaasortaq Hans Enoksen Naleraq

Tiguneqarpoq: 21/05/2024
Naalakkersuisunut nassiunneqarpoq: 22/05/2024
103.Inatsisartuni ilaasortaq Knud Mathiassen, Naleraq
1) Palaseqarfiit qassit palasimik amigaateqarpat? 2) Palasitut ilinniarsimasut qassit atorneqanngillat? a. Atuisoqanngippat sooq atorneqanngillat? 3) Tunuartitsisoqarsimappat sulisoqarnermut naliginnaasumik politikki malillugu ingerlanneqarsimappat? Inatsisartuni ilaasortaq Knud Mathiassen, Naleraq Inatsisartuni ilaasortaq Knud Mathiassen, Naleraq

Tiguneqarpoq: 15/05/2024
Naalakkersuisunut nassiunneqarpoq: 16/05/2024
102.Inatsisartunut ilaasortaq Jens Napaattooq Naleraq
1) Sooruna Danmark’imi atorfillit (tjenestemænd) soraarnerussutisiaat qaffaaffigineqartillugit Nunatsinni tamanna atuunneq ajortoq? 2) Tamakku aaqqiiffiginiarlugit Naalakkersuisut iliuuseqassamaarpat? Inatsisartunut ilaasortaq Jens Napaattooq Naleraq Inatsisartunut ilaasortaq Jens Napaattooq Naleraq

Tiguneqarpoq: 15/05/2024
Naalakkersuisunut nassiunneqarpoq: 15/05/2024
101.Inatsisartuni ilaasortaq Aqqalu C. Jerimiassen, Atassut
1. Royal Greenlandip Chilemi fabrikkimik pilersitsiniarnera qanoq akeqarpa? 2. Royal Greenlandip Chilemi fabrikkimik pilersitsiniarnera sumut killippa? Inatsisartuni ilaasortaq Aqqalu C. Jerimiassen, Atassut Inatsisartuni ilaasortaq Aqqalu C. Jerimiassen, Atassut

Tiguneqarpoq: 14/05/2024
Naalakkersuisunut nassiunneqarpoq: 15/05/2024
100.Inatsisartunut Ilaasortaq Adam Kristensen, Inuit Ataqatigiit
1. 2022-mi Inatsisartuni partiit tamarmiusut 2023-mi Aningaasanut Inatsisissaq atsioqatigiissutigigamikku siunniunneqarpoq Upernaviuk eqqaani Naajaat-ni aamma Nutaarmiuni kiisalu Qaanaap eqqaani Qeqertani KNI-p nioqqutissanik pilersuinera siuarsaavigineqassasoq. Suliaq taanna sumut killippa? a) Apeqqutigineqartumut tunngatillugu naalakkersuisut allanik ilassutissaqarpat? Inatsisartunut Ilaasortaq Adam Kristensen, Inuit Ataqatigiit Inatsisartunut Ilaasortaq Adam Kristensen, Inuit Ataqatigiit

Tiguneqarpoq: 13/05/2024
Naalakkersuisunut nassiunneqarpoq: 13/05/2024
099.Inatsisartuni ilaasortaq Hans Enoksen Naleraq
1) Nunatta ammeriviata amernik pisiortornera inuiaqatigiit tamarmik akileraarutitigut akileeqataaffigisarmassut paaserusuppara, ammit amerlaqisut maangaannaq eqqarneqartarnerat pinngitsoortinniarlugu Naalakkersuisut qanoq iliuuseqarniarnersut? 2) Sunngiffimmi piniartartut aamma ameersinnaanerat mattunneqarnikuummat ajuusaarnarluinnartumillu tamakku puisittamik amiinik maangaannaq igitsisarput tunisisinnaannginnamikkit. Tamanna ajorluinnarpoq. Pissutsit allanngortinniarlugit Naalakkersuisut qanoq iliuseqarlutik puisit amiinik eqqaaginnartarneq unitsinniarpaat? a. Sunngiffimmi piniartartut puisittamik amiinik tunisinnaanissaat ammarniarpisiuk? Inatsisartuni ilaasortaq Hans Enoksen Naleraq Inatsisartuni ilaasortaq Hans Enoksen Naleraq

Tiguneqarpoq: 08/05/2024
Naalakkersuisunut nassiunneqarpoq: 10/05/2024
098.Inatsisartunut ilaasortaq Lars Poulsen, Siumut
1. Naalakkersuisut pilersaaruteqarpisi, nunatta kangiani piorsarsimassutsikkut illorsualiornissamut pilersitsissallusi? 2. Taamatut pilersaaruteqartoqarsimappat piffissami qaqugukkut piorsarsimassutsikkut illorsualiornissamik sanaartortoqarnissaa pilersaarutigineqarpa? 3. Piorsarsimassutsikkut illorsuaq, piffimmi naleqquttoq sananeqassappat qanoq naleqassava akeqassavamita? Inatsisartunut ilaasortaq Lars Poulsen, Siumut Inatsisartunut ilaasortaq Lars Poulsen, Siumut

Tiguneqarpoq: 08/05/2024
Naalakkersuisunut nassiunneqarpoq: 08/05/2024
097.Asii Chemnitz Narup Inatsisartunut ilaasortaq, Inuit Ataqatigiit
Apeqqut 1) Tusagassiuummi POV Internationalimi allaaserisami "Har vi nok fokus på klimaaftrykket fra kunstig intelligens?" 12. marts 2024-mi saqqummersumi (https://pov.international/har-vi-nok-fokus-klimaaftryk-kunstig-intelligens/) allassimavoq silassoriuusiamik atuineq nukissamik annertuumik atuinermik taamalu CO2-mik aniatitsinermik annertunerusumik malitseqassasoq. Tamatumuuna Naalakkersuisut qanoq isumaqarpat? Apeqqut 2) Silassorissuusiamik atuinerup annertusineratigut nukissamik atuinerulernerup, taamalu CO2-mik aniatitsinerulernerup, inuiaqatigiinnut pisortallu ingerlatsiviini kingunerisassai pillugit naatsorsuisoqarnissaa Naalakkersuisut pilersaarutigaat? Apeqqut 3) Silassorissuusiamik atuinerulernissamut tunngatillugu nukissiuuteqarnikkut kingunerisinnaasai pillugit nukissiuuuteqarfiit oqaloqatiginissaat Naalakkersuisut pilersaarutigaat? Asii Chemnitz Narup Inatsisartunut ilaasortaq, Inuit Ataqatigiit Asii Chemnitz Narup Inatsisartunut ilaasortaq, Inuit Ataqatigiit

Tiguneqarpoq: 07/05/2024
Naalakkersuisunut nassiunneqarpoq: 07/05/2024
096.Inatsisartuni ilaasortaq Hans Enoksen Naleraq
1) Ullumikkut nunaqarfinni 1975-miit illuliat ”Illorput 43” aamma ”Illorput 69” amerlasuut aserfallassimaqisut, inuttaasa taarsigassarsillutik periarfissai pitsanngorsaaffiginiarlugit Naalakkersuisut qanoq pilersaaruteqarpat? a) Illunik piginnittut ikiorlugit aserfallatsaaliinissaannut attartorfissaasinnaasunik pilersitsinissamik eqqarsaatersuuteqarpisi? 2) Illut taaneqartut “Illorput 43” aamma “Illorput 69” sanaartorneqarnerminni kiassaateqartinneqarput angallatit kissarsuutaannik (skibsovn). Ullutsinnut naleqqutinngivimmat tamakku kiassaatigissallugit apererusuppunga Naalakkersuisut kiassaatersuinissamut attartorfissaasinnaasunik periarfissiiniarnersut eqqarsaatersuuteqarnersut? Inatsisartuni ilaasortaq Hans Enoksen Naleraq Inatsisartuni ilaasortaq Hans Enoksen Naleraq

Tiguneqarpoq: 07/05/2024
Naalakkersuisunut nassiunneqarpoq: 07/05/2024
095.Inatsisartuni ilaasortaq Jens NapâtôK, Naleraq
1. Sermitsiaq.ag-p nutaarsiassaataani1 atuarneqarsinnaavoq: ”Erseqqissaatigissavara matumani tusagassiortunik paasissutissiinerput immiunneqarmat, taamaalilluta aamma tusagassiorfinnit eqqunngitsumik saqqummiussisoqassagaluarpat illersorsinnaaniassagatta, tassami ajoraluartumik tusagassiorfinnit saqqummiussaqarnerit ilaatigut oqaatsivut killorneqartangaaramik ilisarsaajunnaarlugit paatsoorneqarsinnaasunngorlugillu saqqummiunneqartarmata, Bourup Egede nassuiaavoq. Sooruna Naalakkersuisut tusagassiorfik pasisarnarsaraat, annerusumillu nassuiaateqaratik? a. Eqqunngitsumik tusagassiortoqarsimaneranik Naalakkersuisut tigussaasunik assersuutissaqarnerpat? Inatsisartuni ilaasortaq Jens NapâtôK, Naleraq Inatsisartuni ilaasortaq Jens NapâtôK, Naleraq

Tiguneqarpoq: 02/05/2024
Naalakkersuisunut nassiunneqarpoq: 02/05/2024
094.Inatsisartuni ilaasortaq Aqqalu C. Jerimiassen, Atassut
1. Royal Greenlandip inissisimaffini atorlugu akiviusuniit qaffasinnerungaartumik tulaassuisuminut akiliisarsimanera, taamatullu namminersortut unammillersinnaajunnaarsimmagit Naalakkersuisut pissusissamisoortutut isigivaat? 2. Royal Greenlandip ukiuni arlalinni iluanaarutaanngitsumik nipisaat suaannik pisisarsimanera Naalakkersuisuniit pissusissamisoortutut isigineqarpa? Inatsisartuni ilaasortaq Aqqalu C. Jerimiassen, Atassut Inatsisartuni ilaasortaq Aqqalu C. Jerimiassen, Atassut

Tiguneqarpoq: 02/05/2024
Naalakkersuisunut nassiunneqarpoq: 02/05/2024
093.Inatsisartuni ilaasortaq Knud Mathiassen, Naleraq
1. Nunatsinni KNI A/S Pilersuisup illoqarfinni pisiniarfiutai sumiippat? 2. Illoqarfinni Pilersuisoq-arfiusuni Pisiffik-mik Brugsen-imillu unammillerteqartut illoqarfiit sorliuppat? 3. Illoqarfinni Pilersuisoq-arfiusuni Pisiffik-mik Brugsen-imillu unammillerteqanngitsut illoqarfiit sorliuppat? 4. Nunatsinni Pilersuisoq-arfiit tamarmik immikkut ukioq 2023 qanoq annertutigisumik ukiumut iluanaaruteqarpat? Inatsisartuni ilaasortaq Knud Mathiassen, Naleraq Inatsisartuni ilaasortaq Knud Mathiassen, Naleraq

Tiguneqarpoq: 01/05/2024
Naalakkersuisunut nassiunneqarpoq: 01/05/2024
092.Inatsisartuni ilaasortaq Aqqalu C. Jerimiassen, Atassut
1. Inatsit sorliit malillugit kalaallit eqqumiitsuliortut akissarsitinnagit eqqumiitsuliaannik katersugaasivimmi saqqummersinneqarsinnaappat? 2. Inatsit sorliit malillugit kalaallit eqqumiitsuliortut apereqqaarnagit, akuersissummillu peqqaarani katersugaasiviit saqqummersitsisinnaappat? a) Taanna inatsisaasoq qanoq ilillugu eqqumiitsuliortunut illersuinerulersutut inissinneqarsinnaava? b) Oqartussaaffimmik tigusisariaqarpugut? c) Inatsimmik pioreersumik allannguinikkut illersuinerulersinnaavugut? 3. Naalakkersuisut eqqumiitsuliorneq inuussutissarsiutitut akuerivaat? Inatsisartuni ilaasortaq Aqqalu C. Jerimiassen, Atassut Inatsisartuni ilaasortaq Aqqalu C. Jerimiassen, Atassut

Tiguneqarpoq: 01/05/2024
Naalakkersuisunut nassiunneqarpoq: 01/05/2024
091.Inatsisartunut ilaasortaq Hans Enoksen, Naleraq
1) Aalisartut nunamut qaqisussat aalisakkerivinnilu sulisartut aalisarnermut inatsisikkut eqqorneqartussat Naalakkersuisut saqqummiussaasa ilaanni oqaatigineqarpoq suliffissaqartinneqarumaartut. Suunuku suliffissat nutaat eqqartorneqartut aammalu aningaasarsinarnerusut suuppat taakku? 2) Pineqartut allani sulissagunik avaqqunneqarsinnaanngilaq illoqarfimmut allamut nutsernissaq tamakkua nutsernissaanut najugassaqartinneqarpat aammalu suliffissaqartinneqarpaat? 3) Ilanngullugu Naalakkersuisunik oqaatigineqarpoq suliffeeruttussat aalisartuujunnaartussallu aamma ilinniaqarnissaat aaqqissuunneqassasut. Sumiuna ilinniarfinni illoqarfinnilu sorlerni ilinniartinneqalersut, suullu ilinniartitsissuutaalerpat? 4) Naalakkersuisunik aamma oqaatigineqartoq ilinniartitseqqinnissanut tunaartassat pilersaarusiorneqartut. Ilinniagaqalernissaat eqqarsaatigalugu Naalakkersuisoqarfiit sorliit pilersaarusinermi peqataappat? 5) Politikkikkut aaqqissuussinerit pissutigalugit suliffimminnik annaasaqartussat aammalu nammineq pigisaminnik illuminnik qimatsiinnartariaqalersussat Naalakkersuisunik aningaasanik taarsiifigineqassappat? 6) Namminneq illugisaminnik qimatsiinnartussat illoqarfimmi najugariligassaminni illumik tunillugit taarsiiffigineqassappat? Inatsisartunut ilaasortaq Hans Enoksen, Naleraq Inatsisartunut ilaasortaq Hans Enoksen, Naleraq

Tiguneqarpoq: 29/04/2024
Naalakkersuisunut nassiunneqarpoq: 30/04/2024
090.Inatsisartunut ilaasortaq Hans Enoksen, Naleraq
1) Aalisarnermi inatsisip allanngortinneqarnissaani aqutsiveqarfik 47-mi (Upernavik) 2025-mi qaleralittassat qanoq annertussuseqassappat tonsinngorlugit? 2) Aqutsiveqarfik Uummannami ukiumi nutaami tassa 2025-mi qaleralittassat tonsinngorlugit qanoq annertutigissappat? 3) Aqutsiveqarfik Qeqertarsuup tunuani 2025-mi qaleralittassat tonsinngorlugit qanoq annertussuseqassappat? 4) Aalisartut PNNP-imut ilaaniartut eqqarsaatigalugit, qaleralittassat pisassiissutissat niuerutigineqarsinnaanngorlugit qanoq agguaanneqartassappat? 4a) Pisassaasa annertussusissaat tonsinngorlugit paaserusuppakka? 5) Ilumoorpa Naalakkersuisunik oqaatigineqartoq PNNP-mut aalisartut ilanngunnianngitsut qaleralinniarnermi paggatassanik pisassinneqassasut? 6) Paggatassanik aalisartussat qanoq annertutigisumik pisassinneqassappat, qanorlu naatsorsuutigineqarpat paggatassanik qaleralinniartussat qanoq amerlatigissanersut? 7) Paggatassanik qaleralinnik pisassat qanoq annertussuseqassappat Upernavimmi eqqaanilu? 8) Paggatassanik qaleralinnik pisassat qanoq annertussuseqassappat Uummannami eqqaanilu? 9) Paggatassanik qaleralinnik pisassat qanoq annertussuseqassappat Qeqertarsuup tunuani eqqaanilu? 10) Qeqertarsuarmi, Aasianni, Kangaatsiami Qasigiannguanilu illoqarfiit taaneqartut nunaqarfittai ilanngullugit immikkut qaleralittassinneqassappaat? 11) Qaleralittassanik pisassiinissami ukioq kingulleq 2023-mi 2024-milu qalerallit pisarineqarsimasut aallaavigalugit pisassiisoqassavaa? 12) Qaleralittassat biologit siunnersuinerat malillugu aalajangersaanerit ingerlanneqalissaappaat qaleralinnik aalisagartassiinissami? 13) Aalisartut pisassinneqarnissaannik qaffasinnerpaamik pigisaqarnissamik 2,5% tamakkiisumik atuutissavaa imaluunniit malinneqassanngila? 14) Aalisartut qassit aalisarunnaarnissaat qaleralinniarnermi PNNP killissarlu pisassaateqarnissami 2,5 % atulerpat naalakkersuisunik naatsorsuutigineqarpat? 15) Aalisarunnaartussat inatsisip allanngortinnerani aalisartut sulisartullu inuussutissarsiutaannik allamut nuutsinneqarnissaat atuutilerpat aningaasanik taarsiiffigineqassappat naalakkersuisunik? 16) Aalisartunut aamma PNNP atulerpat siornatigut pisarisartakkatik angusinnaajunnaarpatigit isertitassaminnik annaassaqarnerat pillugu, soorlu angallatinik sillimmasersuinerit ingerlaannartussat akissaqartinneqartariaqarmata aningaasanik taarsiiffigineqassappaat? 17) Aalisartumut ataatsimut akuersissut tunniunneqarpat, qaleralittassat PNNP malillugu ingerlaniarneqartunut qanoq annertutigissasut missiliorneqarpa? 18) Pissuussutit aalisakkat inuiaqatigiit kalaallit pigisarigaat aalajangertinniarneqarmat, PNNP tunngavilugu pisassiinermi aalisartut qanoq pisassaminnut akiliisinneqassappat? 19) Inatsisissami siunnersuummi § 27-mi allaqqavoq tunniussinerni pisassiinermilu aalisagartassanik akileeqqusiisinnaallutik, tamanna ilumoorpa? 20) Aalisartunngorniat nutaat inuusuttut qanoq pisassinneqassappat? 20a) Tunineqassappat imaluunniit aatsaat qaleralittassanik piseqqaartassappat? 21) Sunaana pissutigalugu umiatsiaqqat angallatillu qaleralittassaat immikkoortiterunnaarlugit ataatsimut kattunneqartut, umiatsiaqqanut angallatinullu pisassat ataatsimoortilerlugit? Inatsisartunut ilaasortaq Hans Enoksen, Naleraq Inatsisartunut ilaasortaq Hans Enoksen, Naleraq

Tiguneqarpoq: 29/04/2024
Naalakkersuisunut nassiunneqarpoq: 30/04/2024
089.Inatsisartuni ilaasortaq Hans Enoksen, Naleraq
1) Pisortani aaqqissuusseqqinnermut suliniut akileraartarnikkut aningaasalersuinissamut Naalakkersuisoqatigiinnik saqqummiunneqartoq 187 millioner kroner qanoq iliorluni aningaasalerniarneqarpa, kikkullu akilissaavaat? 1a) Kingumut aasiit innuttaasut kaasarfiinik aallerfiginiarneqarpaat? 2) Nunatsinni suliffeqarfiit sulisoqarniarnikkut pingaaruteqarnerarlugit suliffeqarnermi akitsuut qaffanniarneqartoq 106 millioner kroner. Kikkunuku aningaasanik aallerfiginiarneqalersut? 3) Tusagassiorfinnut nalunaarummi takuarput aningaasalersuinissat sinneri tassaasut 53 millioner kroner. Taakku suminngaaniit nassaariniarneqarnersut ersarissumik paaserusuppara aamma apeqqutip akineqarnissaa, ernumanarsiartuinnarmammi, aasiit inuit kaasarfiinik aningaasalersuinerit ingerlanneqarniarnersut? 4) Akileraartarnikkut aaqqissuusseqqinnissami aningaasanik isertitakkat ilai kommunit annaasussaavaat, taamaammat paaserusullugu apeqqutigerusunnarpoq qanoq iliorluni kommunit isertittakkamikkut annaasassaat aningaasalersorneqassanersut? 4a) Innuttaasunik kaasarfissiuinikkut aningaasalersorneqassanersut? Inatsisartuni ilaasortaq Hans Enoksen, Naleraq Inatsisartuni ilaasortaq Hans Enoksen, Naleraq

Tiguneqarpoq: 29/04/2024
Naalakkersuisunut nassiunneqarpoq: 30/04/2024
088.Inatsisartunut ilaasortaq Hans Enoksen Naleraq
Nunatsinni suliffeqarfiit pigisagut: 1) Royal Greenland 2) KNI Pilersuisoq 3) Royal Arctic Line 4) Polar Oil 5) Nukissiorfiit 6) Air Greenland 7) Kalaallit Airport 8) Tusass A/S 9) Kalaallit nunaata sinniisoqarfia qassinik nunatta avataani Danmarkimi sulisunik qulaani suliffeqarfiit pineqartut suliffissaqartitsippat? Inatsisartunut ilaasortaq Hans Enoksen Naleraq Inatsisartunut ilaasortaq Hans Enoksen Naleraq

Tiguneqarpoq: 29/04/2024
Naalakkersuisunut nassiunneqarpoq: 29/04/2024
087.Inatsisartuni ilaasortaq Hans Enoksen Naleraq
1) Sakkutuunut inissialiornernut Namminersorlutik Oqartussat suliffeqarfiutaat Illuut A/S illunut qassinut aningaasaliiva? 2) Aningaasat qanoq annertutigisut sakkutuunut inissialiornernut Naalakkersuisunik akuerineqarlutik illut qassit sananeqarpat? 3) Namminersorlutik Oqartussaat inissiaataat qassit sakkutuunut attartortinneqarpat, inigineqartut attartortinneqartullu amerlassusiat ilanngullugu? 4) Illuut A/S qanoq annertutigisunik sakkutuunut inissialiornernut aningaasanik atuiva? 5) Illut A/S qanoq aningaasaateqartigiva? 6) Suuut allat pilersaarutaappat sanaartugassat illuut A/S-ip aningaasartuutissai? Inatsisartuni ilaasortaq Hans Enoksen Naleraq Inatsisartuni ilaasortaq Hans Enoksen Naleraq

Tiguneqarpoq: 29/04/2024
Naalakkersuisunut nassiunneqarpoq: 29/04/2024
086.Inatsisartuni ilaasortaq Hans Enoksen, Naleraq
1) Qeqertarsuatsiaani ilaasunik angallassinermi qanoq naalakkersuisut pilersaaruteqarpat silaannaannakkut ukiukkut helikopterimik angallassinerup aaqqissuunneqarnissaanut? a) Aammalu Helikopterinut Qeqertarsuatsiaani mittarfiliornissamut Naalakkersuisut pilersaaruteqarpaat? 2) Kangaamiunut ukiukkut ilaasunik silaannakkut angallassisoqartartalernissaanut Naalakkersuisut pilersaaruteqarpaat? a) Aammalu nunaqarfimmi helikopterinut mittarfiliornissamut Naalakkersuisut pilersaaruteqarpaat? 3) Atammimmi innuttaasunik ilaasunik ukiukkut silaannakkut angallassinissamut helikopterimik aaqqiisoqarnissaanik Naalakkersuisut pilersaaruteqarpaat? a) Aammalu nunaqarfimmi Atammimmi helikopterinut mittarfiliornissamut naalakkersuisut pilersaaruteqarpaat? 4) Nunaqarfimmi Napasumi ukiukkut ilaasunik silaannakkut angallasinissamut pilersaaruteqarpaat? a) Aammalu helikopterinut Napasumi mittarfiliortoqarnissaanut Naalakkersuisut pilersaaruteqarpaat? Inatsisartuni ilaasortaq Hans Enoksen, Naleraq Inatsisartuni ilaasortaq Hans Enoksen, Naleraq

Tiguneqarpoq: 25/04/2024
Naalakkersuisunut nassiunneqarpoq: 29/04/2024
085.Inatsisartuni ilaasortaq Hans Enoksen, Naleraq
1) Ukiut arlaqalersut nunaqarfiit Upernaviup eqqaani Naajaat Nutaarmiullu kiisalu Qaanaap eqqaani Qeqertani Pilersuisumi pisiniarfiliorfigineqassasut neriorsuutit massakkut sumut killippat? 2) Neriorsuisaqattaartanerit qaqugu timitalerneqassappat sunalu utaqqineqarpa sanaartornissat uninngaannarnerinut? 3) Nunaqarfinni pineqartuni pisiniarfiliassat qaqugu aallartinneqassappat? Inatsisartuni ilaasortaq Hans Enoksen, Naleraq Inatsisartuni ilaasortaq Hans Enoksen, Naleraq

Tiguneqarpoq: 25/04/2024
Naalakkersuisunut nassiunneqarpoq: 29/04/2024
084.Inatsisartunut ilaasortaq Hans Enoksen Naleraq
1) Kangerlussuarmi nutaamik umiarsuarnut pajuttaatinut takornariartaatinullu talittarfiliornissaq inatsisartut aningaasartassai ilanngullugit aalajangernikuusaat, suliaq sumut killippa? 2) Aallartinneqarsimanngippat qaqugu aallartinniarneqarpa sanaartornissaq? 3) Naalakkersuisut pilersaarutertit paaserusuppara? Inatsisartunut ilaasortaq Hans Enoksen Naleraq Inatsisartunut ilaasortaq Hans Enoksen Naleraq

Tiguneqarpoq: 25/04/2024
Naalakkersuisunut nassiunneqarpoq: 25/04/2024
083.Inatsisartuni ilaasortaq Hans Enoksen Naleraq
1) Nuummi Ilulissanilu mittarfissuit atuutilerpata Kangerlussuarmut Air Greenland timmisartorsua mittalerpat, Air Greenland mittarfimmut atuinerminik nunami allamiunut akit atuutsinneqartussat assigalugit akiliisassaava? 2) Kangerlussuarmut timmisartorsuit namminneq akiliillutik pisalerunik qanoq annertutigisumik akiliuteqartassappat? 3) Nunami allammiut timmisartui Ilulissanut Nuummullu mittartussat qanoq akiliisinneqartassappat? 4) Qanga kikkullu aalajangeramikku Kangerlussuaq ilaasunik angallassivitut nunatta karsianik aningaasalersorneqassanngitsoq, kikkullu pisinnaatikkamikkit naalakkersuisut taamaaliornissaannut? 5) 100-miliunit qulaallugit aningaasalersuisoqassanngitsoq Naalakkersuisut nalunaarmata paaserusunnarpoq kikkunnik piginnaatitaallutik aningaasalersuinissamik unititsippat? 6) Aalajangersaarnermi kikkut pisinnaatitsissutaat Naalakkersuisunik atorneqarpa, aamma sumi paasissutissat takuneqarsinnaappat Nalakkersuisunillu aalajangersaanermi tunngavigineqartut suuppat? 7) Kangerlussuarmi mittarfissuup inuiaqatigiit aningaasalersuinerisa unitsinnerannik Qeqqata kommunia ilisimatinneqarpaa? Inatsisartuni ilaasortaq Hans Enoksen Naleraq Inatsisartuni ilaasortaq Hans Enoksen Naleraq

Tiguneqarpoq: 25/04/2024
Naalakkersuisunut nassiunneqarpoq: 25/04/2024
082.Inatsisartunut ilaasortaq Hans Enoksen Naleraq
1) Inoqarfinnut aammalu savaateqarfinnut nannut inuit akornannut pulasartut sooq toqunneqarsinnaanngillat? 2) Nanoq uumasuusoq qaasuttoq qungasiatigut tasikkumiaannarlugu angalaarunneqarsinnaanngitsoq. Taanna inunnut ulorianarluinnartuummat paaserusunnarpoq Naalakkersuisut pilersaaruteqarnersut nannut inuit savallu akornannut appakaattut ingerlaannaq toqunneqartalernissaannut suliniuteqarniarnersut? Inatsisartunut ilaasortaq Hans Enoksen Naleraq Inatsisartunut ilaasortaq Hans Enoksen Naleraq

Tiguneqarpoq: 25/04/2024
Naalakkersuisunut nassiunneqarpoq: 25/04/2024
081.Inatsisartunut ilaasortaq Hans Enoksen Naleraq
1) Nunatsinni takornarissanit piniartitsisartut assersuutigalugu umimmannik tuttunillu ataatsimut katillugit qassiuppat? 2) Uumasut pisassat killeqartarmata suna pissutaava nuna allamiut takornarissanik piniartitsisariaqartarnerannut? 3) Naalakkersuisut eqqarsaatersuuteqarpat piniartitsisartut kalaalinnanngortinneqarnissaannik? 4) Sooq nunaqavissoq Kalaaleq nunamini piniartitsisartoq takornarissanillu sullissisoq nunami nammineq perorfimminni nunamik allamiumik piniartitsisartumik peeqquneqassagami nunami erligussaalluni? 5) Pissutsit tamakku aaqqinniarlugit Naalakkersuisut qanoq eqqarsarpat? 6) 6) Piniartitsisartut nunatta avataaneersut akuersissutaarullugit mattunniarpisigit? Inatsisartunut ilaasortaq Hans Enoksen Naleraq Inatsisartunut ilaasortaq Hans Enoksen Naleraq

Tiguneqarpoq: 25/04/2024
Naalakkersuisunut nassiunneqarpoq: 25/04/2024
080.Inatsisartunut ilaasortaq Hans Enoksen Naleraq
1) Namminersorlutik Oqartussat sillimasiinernut (forsikring) akilertagaat ukiumut qanoq annertuutigaat? 2) Aningaasat qanoq amerlatigisut nunatta avataanut annissorneqarpat sillimasiissarfinnut akiliutit aqqutigalugit suliffeqarfiutitsinniik: - Air Greenland? - KNI Pilersuisoq? - Royal Greenland? - A/S Ini Illuut - A/S Royal Arctic Line? - Tusass A/S? - Namminersorlutik oqartussat? - Nukissiorfiit? - Mittarfeqarfiit? - SIKUKI Harbor? - Great Greenland? - Peqqinnissaqarfik? 3) Kommunit ataatsimoortumik ukiumut sillimmasiinernut akilertagaat qanoq annertussuseqarpa? Inatsisartunut ilaasortaq Hans Enoksen Naleraq Inatsisartunut ilaasortaq Hans Enoksen Naleraq

Tiguneqarpoq: 25/04/2024
Naalakkersuisunut nassiunneqarpoq: 25/04/2024
079.Inatsisartunut ilaasortaq Hans Enoksen, Naleraq
1) Kalaallit Airport sulisunut inissiat sananeqarnerinut Illuut A/S qanoq annertutigisumik aningaasaliiva? 2) Nuummi Ilulissanilu inissianik pilersitsisoqassappat qassit sananeqassappat? Inatsisartunut ilaasortaq Hans Enoksen, Naleraq Inatsisartunut ilaasortaq Hans Enoksen, Naleraq

Tiguneqarpoq: 23/04/2024
Naalakkersuisunut nassiunneqarpoq: 24/04/2024
078.Inatsisartunut ilaasortaq Mette Arqe-Hammeken, Naleraq
1) Ittoqqortoormiuni qanga kingullermik kigutit nakorsaqarpa? a. qanorlu sivisutigisumik Ittoqqortoormiuni suliva - ullut qassit? b. Qaqugu Ittoqqortoormiuni kigutit nakorsaqaqqinniarpa ullullu qassit sulilluni Ittoqqortoormiuniinniarpa? 2) Naalakkersuisut piffissami qanittumi Ittoqqortoormiuni kigutit nakorsaanik ulluni qaninnerni tikisitsisoqarsinnaanik suliniuteqarpat? 3) Naalakkersuisut Ittoqqortoormiuni kigutileriffik Tasiilamut atanera kipiteriarlugu, Nuummut atatilernissaanut suliniuteqarpat? 4) Naalakkersuisut Ittoqqortoormiuni kigutit nakorsaat ukiumut sisamariarluni tikittalernissaanik suliniuteqarpat? Inatsisartunut ilaasortaq Mette Arqe-Hammeken, Naleraq Inatsisartunut ilaasortaq Mette Arqe-Hammeken, Naleraq

Tiguneqarpoq: 23/04/2024
Naalakkersuisunut nassiunneqarpoq: 24/04/2024
077.Inatsisartunut ilaasortaq Jens-Frederik Nielsen, Demokraatit
1. Qanoq ilungersunartigisutut Ilisimatusarfimmi maannakkorpiaq inissisimaneq ilisimatuut pisortallu amerlasuut, ilisimatusarfimmik qimagussornerat Naalakkersuisut misigaat? 2. Naalakkersuisut tigussaasunik suliniuteqarnialersaarpat ilinniagartuut pikkorissut ilisimatuullu misilittagarluartut, ilisimatusarfimmiit qimagussornerat unitsinniarlugu? a. Aappiuppat, suut? b. Naamiuppat, sooq? 3. Naalakkersuisut tigussaasunik suliutinik aallartitsinialersaarpat, ilisimatusarfiup ilisimatuunik soraattaaliuinissaanut, tassanilu suliffimmi atugassarititaasut pitsanngorsarnissaanut qulakkeerinnissinnaasunik? a. Aappiuppat, suut? b. Naamiuppat, sooq? 4. Suna pissutaava nunanit allanit ilisimatuut, piffissap ilaannaa sulisartut amerlassusaasa taama appariartigineranut? a. Naalakkersuisut nakuussutitut imaluunniit ajoqutaasutut isigaat, ilisimatusarfiup nunanit allanit ilisimatuunik piffissap ilaannaa tamakkiisorluunniit sulisitsisarnera? Annertunerusumik nassuialaarisiuk. b. Ilisimatusarfik ilisimatuunut nunanit allaneersunut, ilaannakumik piffissarluunniit tamakkerlugu sulisitaminut nutaanik piumasaqaateqalerami? i. Aappiuppat, suut piumasaqaatit aammalu sooq? 5. Ajornartorsiummut paasissutissanik allanik peqartoqarpat, taakku paasissutissiissutigineqarnissaat kissaatigaara. Inatsisartunut ilaasortaq Jens-Frederik Nielsen, Demokraatit Inatsisartunut ilaasortaq Jens-Frederik Nielsen, Demokraatit

Tiguneqarpoq: 23/04/2024
Naalakkersuisunut nassiunneqarpoq: 23/04/2024
076.Inatsisartunut ilaasortaq Mala Høy Kúko, Siumut
1. Tasiilap inuussutissanik pilersorneqarneranut tunngatillugu Nunatsinniit pilersuisoqalernissaa Naalakkersuisut pilersaarutigaluguluunniit eqqarsaatersuutigaat? 2. Tasiilap eqqaani nunaqarfiit inuussutissanik pilersorneqarnerat pitsaanerulersissallugu Naalakkersuisut pilersaarutigaluguluunniit eqqarsaatersuutigaat? Inatsisartunut ilaasortaq Mala Høy Kúko, Siumut Inatsisartunut ilaasortaq Mala Høy Kúko, Siumut

Tiguneqarpoq: 23/04/2024
Naalakkersuisunut nassiunneqarpoq: 23/04/2024
075.Inatsisartuni ilaasortaq, Jens NapatôK, Naleraq
1. Naalakkersuisut qaqugu Illorsuarmiut inoqarfimminnut uteqqissinnaanissaat naatsorsuutigivaat? Inatsisartuni ilaasortaq, Jens NapatôK, Naleraq Inatsisartuni ilaasortaq, Jens NapatôK, Naleraq

Tiguneqarpoq: 23/04/2024
Naalakkersuisunut nassiunneqarpoq: 23/04/2024
074.Inatsisartuni ilaasortaq Peter Olsen, Inuit Ataqatigiit
1. Qallunaat nunaanni Tjenestemanditut soraarnerussutisiallit 2019-miit 1. oktober 2023 tikillugu soraarnerussutisiaat qulingiluariarlutik qaffapput. Nunatsinni tjenestemandit soraarnerussutisiassaat 2019-imiilli suli maannamut qaffaavigineqanngillat. Naalakkersuisut nassuiarsinnaanerpaat tamanna sumik peqquteqarnersoq? 2. Nunatsinni tjenestemandip soraarnerussutisiassai qallunaat nunaanni najugaqartuminngaaniit annikinnerujussuupput Naalakkersuisut nassuiarsinnaanerpaat tamanna sumik peqquteqarnersoq? 3. Nunatsinni tjenestemandip soraarnerussutisiarisartagai qallunaat nunaannitulli assigiisilerneqarnissaannik Naalakkersuisut suliniuteqarpat? A. Naamiuppat sumik tamanna peqquteqarpa? 4. Nunatsinni tjenestemandip soraarnerussutisiarisartagai qallunaat nunaannitulli assigiilersinneqassagaluarpata tamanna aningaasatigut qanoq naleqassava? A. Aamma kia tamanna aningaasartuutigissavaa? 5. Assigiinngisitsineq qulaani pineqartoq inatsisinit imaluunniit nalunaarummit tunngaveqarsimappat, taava inatsit nalunaarulluunniit suna allanngortariaqarnersoq Naalakkersuisut nassuiarsinnaanerpaat? 6. Naalakkersuisut allamik sammisaq pillugu oqaasissaqarnerpat? Inatsisartuni ilaasortaq Peter Olsen, Inuit Ataqatigiit Inatsisartuni ilaasortaq Peter Olsen, Inuit Ataqatigiit

Tiguneqarpoq: 22/04/2024
Naalakkersuisunut nassiunneqarpoq: 23/04/2024
073.Inatsisartunut ilaasortaq Hans Enoksen, Naleraq
1) Nunatsinni eqqumiitsuliortut mersortartut sanaluttartullu periarfissaanik annertusaanissaq pikkorissaanikkut ingerlanneqartussat Naalakkersuisunik qanoq eqqarsaatigineqarpat? 2) Takornarissanut aningaasarsiornerunissaq anguniarlugu sanalunnikkut eqqumiitsuliornikkullu pikkorissanissanik pilersaaruteqartoqarpaa? Inatsisartunut ilaasortaq Hans Enoksen, Naleraq Inatsisartunut ilaasortaq Hans Enoksen, Naleraq

Tiguneqarpoq: 19/04/2024
Naalakkersuisunut nassiunneqarpoq: 19/04/2024
072.Inatsisartuni ilaasortaq Hans Enoksen, Naleraq
1) Qineqqusaarneq kigullermi utoqqarnut atukkat pitsaanerulernissaannik neriorsuut sumut killippa qaqugulu aaqqinniarpisiuk? 2) Neriorsuut taanna utoqqaat atugaat pitsaanerulissasut qallunaat nunaannisullu atugaqalissasut, sumut killippa qaqugu Naalakkersuisut atulersiniarpisiuk? 3) Neriorsuut massakkut Naalakkersuisut siulittaasuannik nipituuliutaalluni taasisussarsiutaanikoq oqaasinnaava timitalerneqarsinnaanngitsoq, utoqqarnillu neriorsuisuusaarluni pitsaanerulersitsisussaq qaqugu aaqqinniarneqarpa? Inatsisartuni ilaasortaq Hans Enoksen, Naleraq Inatsisartuni ilaasortaq Hans Enoksen, Naleraq

Tiguneqarpoq: 18/04/2024
Naalakkersuisunut nassiunneqarpoq: 18/04/2024
071.Inatsisartuni ilaasortaq Hans Enoksen, Naleraq
1) Royal Greenland kilisaataataani kalaallit aqumiut aamma aalisartut kalaalinngortinneqarnissaat suli takusutissaqanngimmat paaserusuppara suliaq isumaqatigiissutaasoq sumut killinnersoq? 2) Isumaqatigiissut suliarineqanngila? Inatsisartuni ilaasortaq Hans Enoksen, Naleraq Inatsisartuni ilaasortaq Hans Enoksen, Naleraq

Tiguneqarpoq: 18/04/2024
Naalakkersuisunut nassiunneqarpoq: 18/04/2024
070.Inatsisartuni ilaasortaq Peter Olsen, Inuit Ataqatigiit
1. Naalakkersuisut qaqugu eqqumiitsuliortunut pinngorartitsisunut ataqqinaatissiissuteqartalerlutillu ukiut tamaasa eqqumiitsuliortunik nersuiniartalernissaminnut naatsorsuuteqarpat? A. Qaqugu ataqqinaatissiissummik tunniussisoqassava? (Ukiuni qulini ataqqinaatissiissut – hæderydelse) B. Eqqumiitsuliortunik ukiut tamaasa nersornaasiisalernissaq qaqugu siullermeerneqassava? Inatsisartuni ilaasortaq Peter Olsen, Inuit Ataqatigiit Inatsisartuni ilaasortaq Peter Olsen, Inuit Ataqatigiit

Tiguneqarpoq: 17/04/2024
Naalakkersuisunut nassiunneqarpoq: 17/04/2024
069.Inatsisartuni ilaasortaq, Hans Enoksen, Naleraq
1) Nunatsinni suliffeqarfissuit pigisagut inuiaqatigiit pigisaat ataatsimut qanoq annertutigisunik attartukkaminnik aningaasanik qanoq annertutigisumik akiitsoqarpat? Suliffeqarfiit immikkoortitaarlugit akitsui akiitsuisalu erniaat ilanngullugit. a. Suliffeqarfiit ataasiakkaarlugit qanoq annertutigisunik akitsoqarpat? b. Qanoq attartukkaminnut ukiumut ernianut attartukkamik erniaanut akiliisanersut erniallu akilersugassaat qanoq annertutigippat? 2) Suliffeqarfissuit akiitsuutai qaffakkaluttuinnassappata Naalakkersuisut qanoq iliussappat? Inatsisartuni ilaasortaq, Hans Enoksen, Naleraq Inatsisartuni ilaasortaq, Hans Enoksen, Naleraq

Tiguneqarpoq: 17/04/2024
Naalakkersuisunut nassiunneqarpoq: 17/04/2024
068.Inatsisartunut ilaasortaq Asii Chemnitz Narup, Inuit Ataqatigiit
1. Qarasaasiakkut saassussisarnerit saassussisarnerit ukiuni kingullerni amerliartornerannut atatillugu Naalakkersuisut isumaliutiminnik nassuiaaqqullugit qinnuigineqarput. 2. Tassunga ilanngullugu saassuseriaannaanerat pinngitsoortinniarlugit Naalakkersuisut sunik suliniuteqarnersut aamma Kalaallit Nunaanni suliffeqarfiit, kattuffiit oqartussallu digitalikkut illersorneqarnerat qanoq annertusitinneqarsinnaanersoq. Inatsisartunut ilaasortaq Asii Chemnitz Narup, Inuit Ataqatigiit Inatsisartunut ilaasortaq Asii Chemnitz Narup, Inuit Ataqatigiit

Tiguneqarpoq: 15/04/2024
Naalakkersuisunut nassiunneqarpoq: 15/04/2024
067.Inatsisartunut ilaasortaq Najaaraq Møller, Siumut
1. Kalaallit Ilinniarsimasut nunatsinni suliffeqarnikkut aaqqissuussaasumik atorluarneqarnissaannik Naalakkersuisut siunertaqarnerlutik? 1a. Pilersaaruteqartoqarpat tamanna qanoq pilersaaruteqarfigineqarpa? 2. Piginnittuunermut politikkip ingerlanneqarnerani ingerlatseqatigiiffinni kalaallit ilinniarsimasut aqqutissiuunneqarlutillu atorluarneqarnissaannut aaqqissuussamik pilersaaruteqartoqarpa? 4. Allanik Naalakkersuisut qulequttamut ilassutissaqarpat? Inatsisartunut ilaasortaq Najaaraq Møller, Siumut Inatsisartunut ilaasortaq Najaaraq Møller, Siumut

Tiguneqarpoq: 12/04/2024
Naalakkersuisunut nassiunneqarpoq: 12/04/2024
066.Inatsisartunut ilaasortaq Najaaraq Møller, Siumut
1) Air Greenland ulloq manna tikillugu kalaallit qassit timmisartortartutut ilinniartissimavai? Akissummi nalunaarsorfimmik ilanngussinissaq kissaatiginarpoq. a. Ullumikkut Air Greenlandimi kalaallit timmisartortartutut ilinniarsimasut qassit sulippat? Timmisartuni aammalu qulimiguulinni. b. Ullumikkut timmisartortartutut ilinniarsimasut taakkua kalaallit tamarmik Air Greenlandimi atorfeqanngikkunik, sunamita tamassumunnga peqqutaava? c. Avataaniit timmisartortartut Air Greenlandimi ullumikkut atorfillit qassiuppat, matumani timmisartuni qulimiguulinnilu? d. Air Greenland kalaallinik timmisartortartunik attassiinnarnissamut qanoq periuseqarpa? 2) Air Greenlandip aaqqissuussaanikkut ilusilersugaanera qanoq isikkoqarpa? a. Aamma suliffeqarfiup sulisuminik attassiinnarnissaanut periuseqarnissamut pilersaarutit takorluukkallu suut pigai? Inatsisartunut ilaasortaq Najaaraq Møller, Siumut Inatsisartunut ilaasortaq Najaaraq Møller, Siumut

Tiguneqarpoq: 12/04/2024
Naalakkersuisunut nassiunneqarpoq: 12/04/2024
065.Inatsisartuni ilaasortaq Pele Broberg, Naleraq
Apeqqut 1: Qanoq ililluni maanna INI A/S-mi ineqarnermut akiliut pisisartut aningaasartuutaannut tunngaviusumit aaqqiissut sinnerujussuarluni qaffassinnaava? Nikolaj Heinrich assersuutigalugu ukiut 52 sinnerlugit ingerlaneranni 1000 %-p missaannik qaffassimavoq, uffa piffissami tassani pisisartut aningaasartuutaannut tunngaviusoq aallaavigissagaani 300 %-imik agguaqatigiissillugu qaffattussaagaluarpoq1. Apeqqut 2: Sooq aamma qanga Naalakkersuisut inigisamut akiliutip qaffaataa ukiumut qaffaatip nalinginnaasumit – tassa imaappoq pisisartut aningaasartuutaannut tunngaviusumik allannguut uniorlugu inimut akimik allaanermik qaffasinnerusumillu akuersigamik? Apeqqut 3: Sooq Naalakkersuisut Naleqqap attartortut inigisaannik namminneq inigisinnaangornissaannik siunnersuutaat tapersinngilaat aamma suna patsisigalugu siunnersuut taanna taperserneqanngila? Apeqqut 4: Naalakkersuisut sunik pilersaaruteqarpat attartortut inigisamik attartukkaminni Inatsisartuni ilaasortaq Pele Broberg, Naleraq Inatsisartuni ilaasortaq Pele Broberg, Naleraq

Tiguneqarpoq: 11/04/2024
Naalakkersuisunut nassiunneqarpoq: 11/04/2024
064.Inatsisartunut ilaasortaq Anna Wangenheim, Demokraatit
1. Naalakkersuisut paasissutissiissutigisinnaanerpaat DIH-p illuutaani tarnikkut katsorsaavittaani oqoqarneranik ilisimasaqarnerlutik? a. Kisitsisaateqartoqarpa imaluunniit misissuinerit, ilisimasamik taassuminnga aappimik naaggamilluunniit uppernarsaataasinnaasunik? (Nalunaarusiamik assigisaanilluunniit ilanngussinissaq kissaatigineqarpoq) 2. Naalakkersuisut ilisimasaqarnerpat sulisoqarnersoq oqoqarnerup aamma/imaluunniit illup iluata silaannalunnerata kingunerisaanik malunniutinik peqartoqarneranik? a. Ilumoorpat, periarfissat suut piffissap sivikitsup iluani aaqqiissutissatut periarfissaappat? 3. Naalakkersuisut tarnikkut katsorsaavimmi sillimaniarnermut pissutsit qanoq misigaat eqqarsaatigigaanni, Danmarkimi arlalinnik toqutsisoqarnera sillimaniarnermut amigaateqarneq peqqutigalugu? a. Naalakkersuisut oqaatigisinnaanerlugu, suut sillimaniarnermut suliniutit, pitsanngorsartariaqarneri piffissami sivikitsumi piffissarlu ungasinnerusoq eqqarsaatigalugu? b. Naalakkersuisut tarnikkut nappaatinut inatsisip allanngortinnissaa tamakku tunngavigalugit tunngavissaqartippaat? 4. Qaqugumut Naalakkersuisut naatsorsuutigaat, maani nunatsinni tarnikkut napparsimasunut aalajangersimasumik Region Hovedstaden-miit tarnip nappaataanut immikkut ittumik nakorsamik aalajangersimasumik atuisoqalernissaa, arlallit, tassanilu aamma Folketingip, ikiorniarluta neriorsuereernerisigut? 5. Inersimasunut tarnikkut napparsimasunut Naalakkersuisut politikkikkut pingaartitaat suuppat? 6. Nuna tamakkerlugu ADHD-mik innarluuteqartut amerliartornerinut Naalakkersuisut politikkikkut pingaartitaat suuppat? 7. Qaqugu Naalakkersuisut tarnimikkut napparsimasunut katsorsaaviup allilerneqarneranut atasumik aammalu tarnikkut napparsimasunut sulisut amerlassusissaannik inatsisiliornermut atasumik nukinnik aningaasanillu pisariaqartinneqartunik tunniussaqarniarpat? 8. Naalakkersuisut suliamut soqutiginaatilinnik allanik paasissutissiisinnaava? Inatsisartunut ilaasortaq Anna Wangenheim, Demokraatit Inatsisartunut ilaasortaq Anna Wangenheim, Demokraatit

Tiguneqarpoq: 11/04/2024
Naalakkersuisunut nassiunneqarpoq: 11/04/2024
063.Inatsisartunut ilaasortaq Anna Wangenheim, Demokraatit
1. Naalakkersuisut oqaatigisinnaanerpaat, qassit, pisortat illuutaanniit attartortittakkaniit ineqarnermut akiliinngitsoornermik kingunerisaanik anisitaasimanersut ukiuni 2021, 2022, 2023 aamma 1. marts 2024 ilanngullugu? a. Taakkunannga qassit politiit ikiorsiullugit anisinneqarsimappat? b. Anisitaasunit qassit ilaqutariiusimappat 18-nit inorlugit ukiulinnik meerartallit? i. Taakkunannga qassiit inissarsisitseqqinneqarsimappat? c. Suliani qassini anisitaanerni akiitsoqartunut siunnersuineq atorneqarsimava? 2. Eqqartorneqartumut attuumassutilinnik allanik Naalakkersuisut paasissutissiisinnaappat? Inatsisartunut ilaasortaq Anna Wangenheim, Demokraatit Inatsisartunut ilaasortaq Anna Wangenheim, Demokraatit

Tiguneqarpoq: 11/04/2024
Naalakkersuisunut nassiunneqarpoq: 11/04/2024
062.Inatsisartuni ilaasortaq Jens Napâtôk, Naleraq
1. Taxa-nik ingerlatsineq pillugu Kalaallit Nunaanni malittarisassat suut atuuppaat? 2. Sooruna kommunit taxa-nut akuersissutinik suliaqarsinnaajunnaarsimasut? 3. Taxa-tillip nammineerluni taxameterinut tunngasut allanngutsaalisat nakkutilliinermullu tunngasat ilanngullugit allanngortissinnaangai tunngavissaqarpa? 4. Politiit taxanut tunngasunik misissuiumajunnaarsimanerannut suliaqarumajunnaarsimanerannullu suna pissutaava? a. Naalakkersuisut siuliani eqqartorneqartut akuerisinnaavaat? 5. Taakku pillugit Naalakkersuisut qanoq iliuuseqarnialersaarpat? Inatsisartuni ilaasortaq Jens Napâtôk, Naleraq Inatsisartuni ilaasortaq Jens Napâtôk, Naleraq

Tiguneqarpoq: 10/04/2024
Naalakkersuisunut nassiunneqarpoq: 10/04/2024
061.Inatsisartunut ilaasortaq Hans Enoksen, Naleraq
1) Taasiilami eqqaanilu najugallit sunngiffimmi piniartartut qilalugartassaqanngitsut pisassiissuteqarfigineqassappaat qilalugartassaqartilerlugit? 2) Ittoqqoortormiuni najugallit sunngiffimmi piniartartut qilalugartassaqanngitsut pisassiissutinik tunineqassappaat? Inatsisartunut ilaasortaq Hans Enoksen, Naleraq Inatsisartunut ilaasortaq Hans Enoksen, Naleraq

Tiguneqarpoq: 10/04/2024
Naalakkersuisunut nassiunneqarpoq: 10/04/2024
060.Inatsisartunut ilaasortaq Lars Poulsen, Siumut
1) Nunaqarfiit pineqartut Kulusuk, Qeqertarsuatsiaat, Qassiarsuk, Atammik, Attu, aamma Ittoqqortoormiit nukissiuutinik piujuartunik, assersuutigalugu erngup nukinganik, anorip nukinganik seqernulluunniit qinngorneranik sarfamik pilersuisinnaasunik nukissiorfinnik pilersitsivigineqassappata inuiaqatigiinnut qanoq naleqassava? a) Nunaqarfinni pineqartuni taamatut pilersitsisoqqassagaluarpat suut periarfissaappat? b) Aningaasatigut allaffissornikkullu pisortanut qanoq kinguneqassappat? Inatsisartunut ilaasortaq Lars Poulsen, Siumut Inatsisartunut ilaasortaq Lars Poulsen, Siumut

Tiguneqarpoq: 18/03/2024
Naalakkersuisunut nassiunneqarpoq: 18/03/2024
059.Inatsisartunut ilaasortaq Jens Kristian Therkelsen, Siumut
1. Air Greenland A/S ilaaffigalugu angalagaanni kinguaattoornermi, qanoq ilinikkut aningaasanngorlugu taarsiiffigitissinnaaneq atuutsilertarpa? 2. Nunaqarfinniit nunaqarfinnut angalagaanni kinguaatoornerlu pissutigalugu utimut aallanngitsooraanni, illoqarfinnut angalaneq assigalugu unnuiffissaq nerisaqarnerlu Air Greenland A/S-mit isumagineqartarpat? 3. Nunani allani kinguaattoortoqartillugu nalunaaquttap akunneri arlallit qaangiukkaangata taarsiiffigitissinnaaneq piulersarpoq. Tamanna nunatsinni sooq atuutsinngila? 4. Teknikimik pissuteqartumik Uummannami Upernavimmilu angallassinngitsoortarnerit 2023-mi qanoq amerlatigaat? 5. Immikkut qulimiguulimmik sillimmataasussamik Uummannami Upernavimmilu inissiinissaq pilersaarutigineqarpa? Inatsisartunut ilaasortaq Jens Kristian Therkelsen, Siumut Inatsisartunut ilaasortaq Jens Kristian Therkelsen, Siumut

Tiguneqarpoq: 13/03/2024
Naalakkersuisunut nassiunneqarpoq: 15/03/2024
058.Inatsisartunut ilaasortaq Jens-Frederik Nielsen, Demokraatit
1. Inoqarfiit qassit eqqakkanik annertusigaluttuinnartunik ajornartorsiuteqarpat? a. Tassunga suna peqqutaava? b. Unammilligassap taassuma aaqqinniarneranut Naalakkersuisut sunik aallartitsissallutik eqqarsaateqarpat? 2. Piffissaq qanoq ippa, qaqugukkut nunatsinni piffinni tamani eqqagassat silap pissusaanut avatangiisinullu ajoqutaanngitsumik peernissaannut? 3. Eqqartorneqartumut attuumassutilinnik allanik Naalakkersuisut paasissutissiisinnaappat? Inatsisartunut ilaasortaq Jens-Frederik Nielsen, Demokraatit Inatsisartunut ilaasortaq Jens-Frederik Nielsen, Demokraatit

Tiguneqarpoq: 12/03/2024
Naalakkersuisunut nassiunneqarpoq: 12/03/2024
057.Jens-Frederik Nielsen, Demokraatit
1. 1. August 2023-miilli Ilisimatusarfiup allaffeqarfiani pisortat (katillugit inui arfineq marluk, ilisimatusarfimmi pisortaq ilanngullugu) qassit atorfimminniit soraarniuteqarsimappat? 2. Ilisimatusarfimmi Ph.d.-ngorniarlutik ilinniartut 1. Januar 2020-miit maannamut qassit inaarutaasumik misilitsissutertik illersorlugulu angusiffigereerpaat? (Ilisimatusarfiit immikkoortortakkaarlugit allattorsimaffiliorneqarnissaat kissaatigineqarpoq) a. Taakkunani qassit immikkoortortaqarfimminni piffissaq tamaat atorfininnikuuppat? 3. Ilisimatusartut Ph.d.-mik tunuliaquteqarlutik piffissaq tamaat atorfeqartuusut 1. Januar 2022-mi qassit Nuuk avataani najugaqarlutik nalunaarsorsimappat? (Ilisimatusarfiit immikkoortortakkaarlugit allattorsimaffiliorneqarnissaat kissaatigineqarpoq) a. Ilisimatusartut Ph.d.-mik tunuliaquteqarlutik piffissaq tamaat atorfeqartuusut 7. Marts 2024-mi qassit Nuuk avataani najugaqarlutik nalunaarsorsimappat? (Ilisimatusarfiit immikkoortortakkaarlugit allattorsimaffiliorneqarnissaat kissaatigineqarpoq) 4. Ilisimatusartut Ph.d.-mik tunuliaquteqarlutik piffissap ilaannaa atorfeqartuusut 1. Januar 2022-mi qassit Nuuk avataani najugaqarlutik nalunaarsorsimappat? (Ilisimatusarfiit immikkoortortakkaarlugit allattorsimaffiliorneqarnissaat kissaatigineqarpoq) a. Ilisimatusartut Ph.d.-mik tunuliaquteqarlutik piffissap ilaannaa atorfeqartuusut 7. Marts 2024-mi qassit Nuuk avataani najugaqarlutik nalunaarsorsimappat? (Ilisimatusarfiit immikkoortortakkaarlugit allattorsimaffiliorneqarnissaat kissaatigineqarpoq) 5. Nalakkersuisut suliamut tunngasunik paasissutissanik allanik paasissutissiisinnaappat? Jens-Frederik Nielsen, Demokraatit Jens-Frederik Nielsen, Demokraatit

Tiguneqarpoq: 11/03/2024
Naalakkersuisunut nassiunneqarpoq: 11/03/2024
056.Inatsisartunut ilaasortaq Lars Poulsen, Siumut
1. 12. Februar 2024 Atuisartoqarnermut unammilleqatigiinnermullu aqutsisoqarfik ulluinnarni nioqqutissat akiinik misissuereerluni inernerinik nalunaaruteqarpoq, tassani nalunaarutigineqarluni ulluinnarni nioqqutissat akiisigut niuertarfinni iluanaarniapiluttoqanngitsoq – suna periuseq atorlugu atuisoqarnermut unammilleqatigiinnermullu aqutsisoqarfik misissuinermik taamatut inerniliussaqartumik ingerlatsisimava? Inatsisartunut ilaasortaq Lars Poulsen, Siumut Inatsisartunut ilaasortaq Lars Poulsen, Siumut

Tiguneqarpoq: 06/03/2024
Naalakkersuisunut nassiunneqarpoq: 06/03/2024
055.Inatsisartunut Ilaasortaq Mariane Paviasen, Inuit Ataqatigiit
1. Avinngarusimasuni najugalinnut attaveqaatit oqarasuaatit internettikkullu ajortittarnerat attaveerutillattaarnerat Tusass’imit qanoq iliuuseqqarfiginiarneqarpa? 2. Savaatillit attaveqaatitigut ajornartorsiuteqartuarnerat qaangerniarlugu Tusass’ qanoq pilersaaruteqarpa? 3. Illoqarfinni mikinerusuni Tusass’ip allaffiinik matooraaneq qanoq Tusass’imut sipaarutaatigiva? 4. Naalakkersuisut illoqarfinni mikinerusuni namminersornerullutik oqartussat suliffeqarfiini allaffinnik matooraaneq qanoq isigaat? Inatsisartunut Ilaasortaq Mariane Paviasen, Inuit Ataqatigiit Inatsisartunut Ilaasortaq Mariane Paviasen, Inuit Ataqatigiit

Tiguneqarpoq: 06/03/2024
Naalakkersuisunut nassiunneqarpoq: 06/03/2024
054.Kuno Fencker, Siumut
1. Danmarkimi naalagaaffiup oqartussaasuinut saaffiginninnissaminnut Naalakkersuisut sumut killippat, pineqarlutik imm. UKA2023/115 aamma UPA2023/115? 2. Soqutigisaqartunut kalaallinillu sullissisunut allanut Naalakkersuisut attaveqarsimanerpat, taakku ikinnerussuteqartutut akuerineqarnissaminnut qanoq inissisimanerat tusarniarlugu? 3. Naalakkersuisut qaqugu Inatsisartunut nalunaarusiamik saqqummiussinissartik naatsorsuutigaat? Kuno Fencker, Siumut Kuno Fencker, Siumut

Tiguneqarpoq: 28/02/2024
Naalakkersuisunut nassiunneqarpoq: 28/02/2024
053.Pele Broberg, Naleraq
1. Naalakkersuisut uppernarsarsinnaavaat Inatsisartut taamaallaat akuersissutiginikuugaat Mittarfeqarfiit A/S ukiumut 105mio tapiissutaasussat, naatsorsuutit malillugit nunap iluani mittarfittut ingerlatsilluni (Dash 8) Kangerlussuaq takussutissartaa malillugu? 2. Naalakkersuisut inuiaqatigiinnut kingunissaat suunersut nassuarsinnaavaat, maanna Mittarfeqarfiit A/S kangerlussuaq imarpik qulaallugu nunani tamaniit tikinneqarinnaanera neriorsuutigimmassuk? 3. Qanga Naalakkersuisut Inatsisartut aaliangiussaat, kangerlussuup nunap iluani mittarfiunissaa, qimakkamikku? 4. Namminersorlutik oqartussat pigisaat suliffeqarfiit nammineerisaminnik aaliangiisinnaappat mittarfeqarfeqarnermut tunngasunik, Inatsisartut akuutinnagit? 5. Naalakkersuisut tamanut saqqummiussamaarpaat Mittarfeqarfiit A/S kiffartuussinissamut isumaqatigiissutaa, Mittarfeqarfiit A/S ingerlanneqarneranut kiffartuussineq pillugu? 6. Naalakkersuisut qulakkiissamaarpaat isumaqatigiissutit tamarmik KAIR aamma Mittarfeqarfiit A/S-imut tunngasut saqqummiunneqarnissaat? 7. Naalakkersuisut qulakkeersinnaavaat mittarfissuit atuutilernerannut tunngatillugu, nunatsinni innuttaasunut akisunerulersitsinermik pisoqassanngitsoq, soorlu akiisitsilluni biilinik inunngaveqarneq aammalu akiliutit? 8. Naalakkersuisut qulakkeersinnaavaat Mittarfeqarfiit A/S kiffartuussinissamut isumaqatigiissutaani isertitsiviusut tapiissutit avataaneersut, landskarsimut iluaqutaanissaat taamaasillutillu tapiissutit minnerpaaffianiitinnissaat? Pele Broberg, Naleraq Pele Broberg, Naleraq

Tiguneqarpoq: 26/02/2024
Naalakkersuisunut nassiunneqarpoq: 27/02/2024
052.Siverth K. Heilmann, Atassut
1. UPA2022-mi siunnersuut imm. 155 Inatsisartuniit tamakkiisumik taperserneqarluni Naalakkersuisut peqquneqarput oqaluffinni pattattut atugaat pillugit nalunaarusiussasut, UPA2023-mi agguaanneqartussaagaluarluni. Suliaq sumut killippa? 2. Naalakkersuisut Inatsisartut suliakkiussaannik allanik piffissaliussap iluani naammassinngitsuugaqarpat? Siverth K. Heilmann, Atassut Siverth K. Heilmann, Atassut

Tiguneqarpoq: 26/02/2024
Naalakkersuisunut nassiunneqarpoq: 26/02/2024
051.Anna Wangenheim, Demokraatit
1. Qanoruna ililluni Aningaasaqarnermut Akileraartarnermullu Naalakkersuisoq Stavangerimi VM-ertoqarneranut atatillugu angalanermut aningaasartuutai taamaallaat 4.719 koruuniusut? 2. Ilumut angalanermut aningaasartuutigineqarsimasut aqqut tamakkerlugu Nuummiit Stavangerimut siumut utimullu ilanngunneqarsimappat, imaluunniit Københavnimiit Stavangerimut siumut utimullu kisimik ilanngunneqarpat? a. Angalanermut aningaasartuutigineqarsimasut Københavnimiit Stavangerimut siumut utimullu kisimi ilanngunneqarsimappata, Aningaasaqarnermut Akileraartarnermullu Naalakkersuisoq Nuummiit Københavnimut, Stavangerimut angalaneq tamaat ilanngullugu, taamatuttaarlu Naalakkersuisup Københavnimi angalanerminut atatillugu ataatsimiissutigisimanerai paasissutissatut ilanngoqquneqarput. 3. Aningaasaqarnermut Akileraartarnermullu Naalakkersuisoq Stavangerimi VM-ertoqarnanut atatillugu ullut qassit Kalaallit Nunaanniit aallaqqasimava? a. Stavangerimi VM-ertoqarneranut atatillugu Aningaasaqarnermut Akileraartarnermullu Naalakkersuisoq angalanermini unamminerit qassit isiginnaarpai? 4. TAAK-mi siulittaasoq naapinniaraanni Stavangerimiunngitsoq kisiannili Nuummi naapiinnarsinnaaneranut tulluarnerusoq, Demokraatit isumaat, Naalakkersuisuniit ilalerneqarnerluni? a. Aningaasaqarnermut Akileraartarnermullu Naalakkersuisup TAAK-mi siulittaasoq naapinnissaanut Stavangerimi pinissaa aaliangersimaneranut suut tunngavilersuutigai? b. Aningaasaqarnermut Akileraartarnermullu Naalakkersuisoq TAAK-mi siulittaasoq naapinnissaata avataasigut Stavangerimi suliaminut atatillugu allanik siunertaqarpa? 5. Aningaasaqarnermut Akileraartarnermullu Naalakkersuisoq arnat assammik arsarlutik VM-erneranni isiginnaartuinnaanissaminut kisimi siunertaqarluni angalasimaguni, allanillu suliaminut atatillugu siunertaqarani, taava angalasimanerminut aningaasartuutit Nunatta Karsianut uterteqqinniarpai? 6. Nalakkersuisut suliamut tunngasunik paasissutissanik allanik paasissutissiisinnaappat? Anna Wangenheim, Demokraatit Anna Wangenheim, Demokraatit

Tiguneqarpoq: 26/02/2024
Naalakkersuisunut nassiunneqarpoq: 26/02/2024
050.Jens-Frederik Nielsen, Demokraatit
1. Attaveqaatinut internettimullu allanik suliaqartoqarnissaanik ammaassinissamut Naalakkersuisut qanoq isumaqarpat? 2. Attaveqaatinut internettimullu unammilleqatigiinnerup ammaanneqarnissaanut intsisitigut suut aporfiuppat? 3. Attaveqaatinut internettimullu unammilleqatigiinneq ammaanneqassappat pisortanut aningaasatigut allaffissornikkullu kinguneri qanoq issappat? 4. Attaveqaatinut internettimullu unammilleqatigiinneq ammaanneqassappat namminersorlutik suliffeqarfiutilinnut aningaasatigut allaffissornikkullu kinguneri qanoq issappat? 5. Attaveqaatinut internettimullu unammilleqatigiinneq ammaanneqassappat innuttaasunut aningaasatigut allaffissornikkullu kinguneri qanoq issappat? 6. Naalakkersuisut paasissutissanik eqqartukkamut attuumassuteqarsinnaasunik allanik peqarpat? a.Maani nunatsinni roaming-ip sul taama akisutiginera sumik peqquteqarpa? Naalakkersuisut suliniutiginerlugu, Kalaallit Nunaata nunat allat assigalugit takornarianut nioqqutilinnullu neqerooruteqarnissaq namminneerlutik oqarasuaatimik atornissaannut roaming-imut akiliinngikkaluarlutik? 7. Eqqartorneqartumut attuumassutilinnik allanik Naalakkersuisut paasissutissiisinnaappat? Jens-Frederik Nielsen, Demokraatit Jens-Frederik Nielsen, Demokraatit

Tiguneqarpoq: 26/02/2024
Naalakkersuisunut nassiunneqarpoq: 26/02/2024
049.Knud Mathiassen, Naleraq
Apeqqut 1: Nunatsinni nunaqarfiit kommunefogedeqanngitsut sorliuppat? Apeqqut 2: Kommunefogedeqarfiunngitsut upalungaarsimaniarnikkut qanoq periuseqarpat? Apeqqut 3: Nunaqarfik ataaseq kommunefogedeqalernissaanik ukiumut qanoq aningaasatigut naleqarpa? Apeqqut 4: Naalakkersuisut kommunefogedeqarneq pillugu Naalagaaffik suleqatigineqarpa? Knud Mathiassen, Naleraq Knud Mathiassen, Naleraq

Tiguneqarpoq: 23/02/2024
Naalakkersuisunut nassiunneqarpoq: 23/02/2024
048.Aqqalu Jerimiassen, Atassut
1. Inatsisartut Naalakkersuisunut § 37 aallaavigalugu apeqquteqartarnerat agguaqatigiisillugu ukiumut nunatta karsianut qanoq aningaasartuutaatigisarpa? 2. Naalakkersuisunut apeqquteqarneq ataaseq agguaqatigiisillugu qanoq naleqarpa? 3. Partiikkaartumik kiisalu Inatsisartut ataasiakkaat 2023-mi qassinik apeqquteqarsimanersut qanorlu aningaasatigut naleqarnersut takussutissanngorlugu uani akissummi Naalakkersuisut saqqummiussaqarsinnaappat? 4. Naalakkersuisut Inatsisartuniit § 37 aallaavigalugu aperineqaraangamik sulianik aallartitsinernik malitseqartarpa? 5. Apeqquteqartarneq Naalakkersuisoqarfinni sulisunik amerlisaataava? Aqqalu Jerimiassen, Atassut Aqqalu Jerimiassen, Atassut

Tiguneqarpoq: 23/02/2024
Naalakkersuisunut nassiunneqarpoq: 23/02/2024
047.Anna Wangenheim, Demokraatit
1. Amerluutilinnik passussinermik pikkorissaasarnermut qanoq innersuussinerit ingerlasarpat? a. Kikkunnut tulluussagaava? 2. Inuit ikiorserneqarnissaminnik pisariaqartitsisut, inatsi malillugu ikiorserneqarnissaminnik pisinnaatitaaffeqartussaagaluit, meeqqat sakkortuumik amerluuteqarnermikkut eqqarotumik misissorneqarnissaat ikiorserneqarnissaallu angussagunikkit nittartakkatigut inuit naapittarfii aqqutigalugit katersuiniarnernik pilersitsisariaqartartut Naalakkersuisut qanoq isumaqarfigaat? a. Qulaani eqqaaneqartoq aallaavigalugu inatsisitigut aaqqiisoqarnissaanik Naalakkersuisut naliliinerlutik? 3. Peqqinnissaqarfimmi nakorsianut ilitsersuisartunik amerlanerusunik peqarnissaanik pisariaqartitsinersoq Naalakkersuisut nalilerpaat? 4. Pinaveersaartitsinissamut aalasuliaq maannakkut ingerlaartup avataasigut paasititsiniaanermik pisariaqartitsisoqarnersoq Naalakkersuisut nalilerpaat? 5. Innuttaasut ikiorserneqarnissamut aammalu akiliutsilluni sanileqarnissamut pisinnaatitaaffeqarnermut paasisimasaqarnerat naammattumik qulakkeerneqarnersoq Naalakkersuisut qanoq nalilerpaat? 6. Innuttaasunut paasititsiniaalluni nittarsaassinissamik Naalakkersuisut pilersaaruteqarnerlutik, taamaasilluni neqeroorutit ersarissarneqarlutik aammalu innuttaasut peqqinnissaqarfiup inuttassaqarniarnikkut naammaginartumik inissisimanersoq innuttaasut naatsorsuutigisaanut atatillugu paasititsiniaalluni? Akissut tunngavilersoqquneqarpoq. 7. Nakorsiat pisinnaatitaaffii pillugit innuttaasunut paasititsiniaanermik Naalakkersuisut pilersaaruteqarnerlutik? Akissut tunngavilersoqquneqarpoq. 8. Naalakkersuisut illoqarfinni sorlerni pinaveersaartitsinissamut ataatsimiitsitalianik pilersitsinikuuppat, Naalakkersuisullu ataatsimiitsitaliap sulinerannut eqikkaasinnaappat? 9. Eqqartukkamut tunngasunik allanik soqutiginaatilinnik Naalakkersuisut paasissutissiisinnaappat? Anna Wangenheim, Demokraatit Anna Wangenheim, Demokraatit

Tiguneqarpoq: 23/02/2024
Naalakkersuisunut nassiunneqarpoq: 23/02/2024
046.Inatsisartunut ilaasortaq Knud Mathiassen, Naleraq
Apeqqut 1: Naalakkersuisut Tasiilamiit Tiilerilaamut ATV-nut aqqusiniornissamik pilersaaruteqarpat? a. Aqqusiniornissaq pilersaarutaappat qanoq akeqassava? Inatsisartunut ilaasortaq Knud Mathiassen, Naleraq Inatsisartunut ilaasortaq Knud Mathiassen, Naleraq

Tiguneqarpoq: 21/02/2024
Naalakkersuisunut nassiunneqarpoq: 22/02/2024
045.Inatsisartunut ilaasortaq Doris J. Jensen, Siumut
1. Nuummi mittarfiup tikittunut aallartunullu illorsuartaata saavanut taxat uninnerminni nunamik atuinerannut atatillugu, Kalaallit Airportsimik piginnittutut Naalakkersuisut akiliisitsisalernissaat inatsisitigut qanoq tunngavissaqarpa? Inatsisartunut ilaasortaq Doris J. Jensen, Siumut Inatsisartunut ilaasortaq Doris J. Jensen, Siumut

Tiguneqarpoq: 21/02/2024
Naalakkersuisunut nassiunneqarpoq: 21/02/2024
044.Inatsisartunut ilaasortaq Kuno Fencker, Siumut
1. Naalakkersuisut umiartornerup iluani ilinniartitaanernik siuarsaanissamut aamma nukittorsaanissamut pilersaarutaat suuppat, tassani ilanngullugit umiartortut maannakkutut inissisimasut piginnaanngorsaaviginissaat qulakkeerniarlugu, soorlu tuluttut oqaatsitigut piginnaasat qaffassarneqarnissaat aqqutigalugit? 2. Naalakkersuisut qanoq pilersaaruteqarpat umiarsuarnik aquttunik aamma umiarsuarni kilisaatinilumi inuttanik pikkorissunik amigaateqarnermut akiuussinnaanissamut, tassani ilanngullugit umiartortut maannakkutut inissisimasut piginnaasaannik pitsanngorsaanissamut pisariaqartitsineq? 3. Ilinniartitaanernut soqutiginnittunut amerlanerusunut pilerinarsaaniarnermi aqqutissiuussisutut pilersaarutit suuppat, taamaattoqarpallu suuppat? a. Naalakkersuisut qanoq iliuuseqarfiginiarpat umiartortut maannakkutut inissisimasut piginnaasaannik qaffassaanissamut tapersiinissamik, taamaalillutik umiartornermi suliallit piumasaqaataannik naammassinnissinnaanerat qulakkeerniarlugu? 4. Umiartornermi ingerlatseqatigiiffiit ilinniarfiillu Naalakkersuisunit suleqatigineqarnerat qanoq ippa, tamatumani qulakkeerniarlugu ilinniartitaanerit suliffeqarfiit pisariaqartitaannut naapertuuttumik ineriartortinneqarnissaannik qulakkeerinninnissamut, matumani ilanngullugu umiartortut maannakkutut inissisimasut piginnaasaasa pitsanngorsarnissaannut pisariaqartitsineq? 5. Naalakkersuisut qanoq aningaasaliissuteqartarpat umiartornermi ilinniarfiit atortulersuutillu Kalaallit Nunaanni pisariaqartitsineq naapertorlugu amerlanerusunut pitsanngorsaaviginissaannut, matumani ilanngullugu umiartortut maannakkutut inissisimasut piginnaasaasa qaffassarnissaannut pisariaqartitsineq? 6. Naalakkersuisut pilersaaruteqarpat aningaasaliissutinik imaluunniit kajumissaasiinernik ilinniartunut neqerooruteqarnissamut, taakkulu uniartornerup iluani ilinniarusulernissaanut iliuuseqarfigineqassappat, sunalu iliuuseqarfigineqassava? Aamma taamaattoqassappat umiartortut maannakkutut inissisimasut piginnaasaasa qaffassarnissaannut tapersiisoqassava? Inatsisartunut ilaasortaq Kuno Fencker, Siumut Inatsisartunut ilaasortaq Kuno Fencker, Siumut

Tiguneqarpoq: 20/02/2024
Naalakkersuisunut nassiunneqarpoq: 20/02/2024
043.Inatsisartunut ilaasortaq Anders Olsen, Siumut
1) Alluitsup paani tunisassiorfiup matoqqatinneqarnera sumik tunngaveqarpa? 2) Alluitsup paani tunisassiorfiup ammaqqinnissaa siunertaralugu pilersaaruteqartoqarpa? a) Aappiuppat qanoq? b) Naamiuppat sooq? 3) Naalakkersuisut qulaani apeqqutigineqartut saniatigut arlaannik paasissutissaateqarpat? Inatsisartunut ilaasortaq Anders Olsen, Siumut Inatsisartunut ilaasortaq Anders Olsen, Siumut

Tiguneqarpoq: 20/02/2024
Naalakkersuisunut nassiunneqarpoq: 20/02/2024
042.Inatsisartunut ilaasortaq Anna Wangenheim, Demokraatit
1. Una siunnersuut akuerineqarsimasoq suliarinera sumut killippa ”Peqqinnissaqarfimmi tarnip pissusaanut, tassunga ilanngullugit meeqqanut inuusuttunullu tarnip pissusaanik ilisimasalinnut tunngasutigut ineriartortitsinissamut Naalakkersuisut pilersaarummik suliaqarnissaannut peqquneqarnissaannik Jnatsisartut aalajangiifjigisassaattut siunnersuut. Pilersaarut pitsaanerusumik paasiniaasarnissamut, paasiniaaqqissaartarnermut tarnip pissusaanillu ilisimasalimmit katsorsaasarnermut suliniutissatut siunnersuutinik tigussaasunik imaqassaaq. Ineriartortitsinissamut pilersaarut kingusinnerpaamik UKA2023-mi saqqummiunneqassaaq.”? 1 2. Una siunnersuut akuerineqarsimasoq suliarinera sumut killippa “"Naalakkersuisut Dronning Ingridip Napparsimavissuani nuna tamakkerlugu meeqqanut immikkoortortaqarfimmik pilersitsinikkut atugassarititaasunik pitsanngorsaanissaannik aammalu Meeqqanut Inuusuttunullu tarnip pissusaanut ilisimasalinni atugassarititaasut utaqqisarnerillu sivikillisinnissaannut peqquneqarnissaannik Inatsisartut aalajangiiffigisassaattut siunnersuut. Tamatuma saniatigut suliamut ilisimasatigut piginnaasanik isumalluutinillu pisariaqartitsisoqassappat, taakku misissoqqissaarneqassapput taamaalilluni paasiniaaqqissaarnissat pinasuanngitsut annerpaamik qaammammik ataatsimik sivisutigisumik utaqqineqartalerniassammata. Naalakkersuisut nassuiaammik, aningaasaqarnikkut naatsorsuinernik imalimmik kingusinnerpaamik UP A2024-mi saqqummiissapput. ”? 2 3. Angjoqqaat imaluunniit atorfillit ilisimasaqartuusut ADHD, autisme imaluunniit unammillernartut assingusinnaasunik ilimattaassaqartillugit, meeqqat inuusuttullu sukkanerusumik paasineqarnissaannik aammalu suussusersineqarnissaannik qulakkeerinnittussanik Naalakkersuisut tigussaasunik suut suliniutissatut aallarnisarnikuuaat? a. Paasineqarnissamut utaqqisarnerit qanoq sivisutigippat? i. Utaqqisarnerup sivisussusaa ullumikkut atuuttumut Naalakkersuisut naammaginartuusoq isumaqarpat? b. Qulaani pineqartut aallaavigalugit meeqqat inuusuttullu sukkanerusumik paasineqartalernissaannut qulakkeerinnittussanik peqqinnissaq pillugu isumaqatigiissutigineqarsimasumi tigussaasumik suliniutigineqartussat suut Naalakkersuisut tikkuarsinnaavaat? 4. Isertuussassaanngilaq tarnikkut nappaatilinnut katsorsaavik immikkoortuni arlalitsigut unammillernartumiimmat. Immikkoortut sorliit Naalakkersuisut pingaarnersiuiffigissallugit toqqarnikuuaat? a. Malitsigisaanik immikkoortut suut Naalakkersuisuniit pingaarnersiorneqanngillat? 5. Tarnikkut nappaatilinnut katsorsaavik immikkoortortaqarfianut aningaasat qassit ullumikkut immikkoortinneqarsimappat? a. Immikkoortortaqarfiup unammillernarsinnaasut tamarmik peernissaannut qulakkeerinnissagunik aningaasat qanoq annertutigisut immikkoorteqqinneqassanersut Naalakkersuisut qanoq annertutigissangasorivaat? 6. Nalakkersuisut suliamut tunngasunik paasissutissanik allanik paasissutissiisinnaappat? Inatsisartunut ilaasortaq Anna Wangenheim, Demokraatit Inatsisartunut ilaasortaq Anna Wangenheim, Demokraatit

Tiguneqarpoq: 01/03/2024
Naalakkersuisunut nassiunneqarpoq: 04/03/2024
041.Pele Broberg, Naleraq
1. Naalakkersuisut pilersaaruteqarpat Kalaallit Nunaani Tusass A/S aqqutiginagu satelitsikkut kiffatuunneqarsinnaanissamut ammaassinissamut? 2. Inatsisit suut allanngungassaappat tamanna anguneqassappat? 3. Pisortanut aningaasatigut allaffissornikkullu kingunerisassai suussappat, killeqanngitsumik satelitsikkut kiffartuussineq atuutilissappat, soorlu internet aamma radio? 4. Namminersortunut aningaasatigut allaffissornikkullu kingunerisassai suussappat, killeqanngitsumik satelitsikkut kiffartuussineq atuutilissappat, soorlu internet aamma radio? 5. Innuttaasunut aningaasatigut allaffissornikkullu kingunerisassai suussappat, killeqanngitsumik satelitsikkut kiffartuussineq atuutilissappat, soorlu internet aamma radio? Pele Broberg, Naleraq Pele Broberg, Naleraq

Tiguneqarpoq: 14/02/2024
Naalakkersuisunut nassiunneqarpoq: 14/02/2024
040.Jens NapãtôK´, Naleraq
Apeqqut 1: Kullorsuaq palaseqarfinngorlugu palaseqalerpat pisortanut aningaasartuutitigut qanoq sunniuteqassava? Apeqqut 2 Kullorsuaq palaseqarfinngorlugu palasip illua allaffissaalu pisortat ingerlatsineranut qanoq sunniuteqassava? ? Jens NapãtôK´, Naleraq Jens NapãtôK´, Naleraq

Tiguneqarpoq: 13/02/2024
Naalakkersuisunut nassiunneqarpoq: 13/02/2024
039.Jens NapãtôK´, Naleraq
Pisassiivimmi Upernavimmi qassit PNNK (IOK) malillugu pisassinneqassagaluarpat biologit pisassanik siunnersuutaat qalerallit 6.070 tonsit aallaavigalugit, aalisartut qassit PNNK-nik (IOK-nik) iluaquserneqassagaluarpat? a. Umiatsiaararsortut angallataatitsillu qassit iluaquserneqarlutillu pisassinneqassagaluarpat? Apeqqut 2 Pisassiivimmi Uuummannami qassit PNNK (IOK) malillugu pisassinneqassagaluarpat biologit pisassanik siunnersuutaat qalerallit 5.153 tonsit aallaavigalugit, aalisartut qassit PNNK-nik (IOK-nik) iluaquserneqassagaluarpat? a. Umiatsiaararsortut angallataatitsillu qassit iluaquserneqarlutillu pisassinneqassagaluarpat? Apeqqut 3: Pisassiivimmi Diskobugtimim qassit PNNK (IOK) malillugu pisassinneqassagaluarpat biologit pisassanik siunnersuutaat qalerallit 5.225 tonsit aallaavigalugit, aalisartut qassit PNNK-nik (IOK-nik) iluaquserneqassagaluarpat? a. Umiatsiaararsortut angallataatitsillu qassit iluaquserneqarlutillu pisassinneqassagaluarpat? Apeqqut 4: Naalakkersuisut aalisarnermut inatsit malillugu agguaariaatsit nutaat siunissami atuutilerpata agguaariusinnaasunik allanik takoorluugaqarpat imalluunniit siunnersuutissaqarpat? Apeqqut 5 Pisassat annerpaamik 2,5%-imik qilaalerneqarpata, umiatsiaararsortut angallataatilillu ajornerpaamik ikinnerpaaffinniilernissaat missingersorneqarnikuulluni aalisartut qassit PNNK-mik (IOK) tunineqarnissaat naatsorsuutaava? a. Aalisartut tamarmik siunissami PNNK-mut (IOK) nooreerpata? (Inatsisartunut ilaasortaq Jens NapãtôK´, Naleraq) Jens NapãtôK´, Naleraq Jens NapãtôK´, Naleraq

Tiguneqarpoq: 09/02/2024
Naalakkersuisunut nassiunneqarpoq: 09/02/2024
038.Doris J. Jensen, Siumut
1. Attartornissamut isumaqatigiissutit tamarmik sanaartukkamik piginnittup aammalu Kommuneqarfik Sermersuup akornanni inuussutissarsiornermi attatornissamut isumaqatigiissutitut taallugit sananeqartarput. Tamanna Naalakkersuisunit isumaqarfigineqarnerluni pisortanik taarsigassarsinissamut piumasaqaatinik naammassinniffiusoq? a. Taamaanngippaat, kinguneqartitsinissat qanoq ingerlanneqarniarpat? b. Naalakkersuisoqarfimmit soormita suliap aallartinneqarneraniit aatsaat ukiuni 5-ni naammassisimalereerneranut sanaartukkanik piginnittunut mianersoqqussummik nassiussisoqarnissaanik utaqqisitsisoqarsimava? 2. Sermitsiaq.ag-mi allakkiami “Namminersorlutik Oqartussat ilimasaarummik Ejendomsselskabet Sermersooq ApS-imut allagaqaatiminnik atorunnaarsitsinissaannut pilersaarutit naammattut kommuni neriuppoq, allaffissornikkut attartornerit ingerlaannarniassammata.” allanneqarpoq “Namminersorlutik Oqartussat ilimasaarummik Ejendomsselskabet Sermersooq ApS-imut allagaqaatiminnik atorunnaarsitsinissaannut pilersaarutit naammattut kommuni neriuppoq, allaffissornikkut attartornerit ingerlaannarniassammata.” Illuliortarnermut aningaasalersuisarneq pillugu Inatsisartut Inatsisaanni § 12 nr. 39 23. November 2017-meersumi imaluunniit illuliortarnermut aningaasalersuineq pillugu Inatsisartut peqqussutaanni 7. Maj 2007-meersumi § 15-mi piumasaqaatip kinguartinneqarnissaanut inatsisitigut sukkut tunngavissaqarpa? 3. Illuliornermut aningaasalersuisarneq pillugu Inatsisartut Inatsisaat nr. 39 23. November 2017-meersumi § 12-mi atorunnaarsitsinissamut allassimasumut kommuunimit taarsigassarsiat inatsisitigut atuutsitsiffiusumut inimik attartortitsisoqarpat akiligassiissutigineqassasut. Kommuneqarfik Sermeersooq, matumani inuussutissarsiornermi attartornissamut isumaqatigiissutini attartortuusoq immikkut inatsisitigut atuutsitsiffiusutut isigineqarnerluni? a. Kommuneqarfik Sermersooq inatsisitigut atuutsitsiffiusutut isigineqarpat, taava suna pillugu pisortanit taarsigassarsiat inatsit naapertorlugu akiligassanngortinneqarnissaat suli nalunaarutigineqarsimanngila? 4. § 37 naapertorlugu illuliornermut aningaasalersuineq pillugu Inatsisartut inatsisaat nr. 39 23. November 2017-meersumi pisortanit taarsisassarsiat akikillisaavigineqarlutik taarsigassarsiat matussuserneqarsimanerat Naalakkersuisut iliuuseqarfiginialersaarnerlunikku? a. Soorlu assersuutigalugu akiitsut tamaasa akileqquneqarlutik aammalu ernialerneqarlutik? 5. Matumuni suliap saniatigut neriorsuutigineqarsimasunut allanut Naalakkersuisut nalilersuinermik ingerlatsisimanerlutik? 6. Sermitsiaq.ag-mi allakkiaq 21. Aggustusi 2023-meersumi allaqqavoq ineqarnermut suliamik unioqqutitsisumik ingerlatsisoqarsimasoq – Naalakkersuisunit piumasaqaatit kommuneqarfik sermersuumut tunniunneqarsimappat, aammalu tunngavilersuutit suut tunngavigineqarsimappat? 7. Inuussutissarsiornermi attartornermut isumaqatigiissummi ukiumut procentikkaartumik qaffaatit attartortitsisumit ilisimatitsissutigineqaratik attartortunut akiligassanngortinneqarsinnaanerat Naalakkersuisut nalilersimanerlunikku? 8. Suliamup tunngatillugu Naalakkersuisut allanik ilisimatitsissutissaqarpat? Doris J. Jensen, Siumut Doris J. Jensen, Siumut

Tiguneqarpoq: 09/02/2024
Naalakkersuisunut nassiunneqarpoq: 09/02/2024
037.Harald Bianco, Inuit Ataqatigiit
1. Tasiilap Islandillu akornanni Tusass.-i immap naqqani missisuinissamik pilersaaruteqarnersoq Nalakkersuisut ilisimasaqarpat? 2. Islandimiit Tasiilamut immap naqqatigut kabelisiisoqassagalarpat qanoq akeqassangatinneqarpa? Harald Bianco, Inuit Ataqatigiit Harald Bianco, Inuit Ataqatigiit

Tiguneqarpoq: 09/02/2024
Naalakkersuisunut nassiunneqarpoq: 09/02/2024
036.Najaaraq Møller, Siumut
1) Naqinnernik ilisarinnissinnaanngitsuunermut naqissusiinissamut kalaallisut oqaasertalersukkamik misissuutiliornermut suliaqartorneqarnersoq Naalakkersuisunit ilisimasaqarnerpat? a. Taamaappat, misissuut qaqugu naammassilluni atorneqarsinnaalissava? b. Misissuutiliorneq qanoq suliarineqarpa? i. Naqqaneerpiaq suliaq suliarineqarpa? Imaluunniit pioreersumit kalaallisuumut nutserlugu suliarineqarpa? ii. Naqqaneerpiaq suliarineqarsimassappat, taamatut sulineq sumik tunngaveqarpa? c. Kikkut misissuisinnaatitaajumaarpat? d. Nuna tamakkerlugu siaruarnissaanut qanoq suliniuteqartoqarpa? e. Misissuutip ineriartortinneqarnera ingerlanneqanngippat, suna tunngaviua taamatut suliaqartoqannginneranut? 2) Meeqqat atuarfianni 1.-3. Klassemi atuartunut screenerisinnaalernermut suliaq Naalakkersuisut sumut killinnersoq oqaluttuarisinnaavaat? Siunniussallu suuppat? 3) Naqinnernik ilisarinnissinnaanngitsunut misissuutiliornermut maannamut aningaasat qassit atorneqalereersimalerpat? 4) Kalaallisut naqinnernik ilisarinnissinnaanngitsunik misissuutiliorneq katillugu tamarmi qanoq akeqarpa? 5) Atuarfimmi naammagisimaarinninnermut ilinniarsinnaassutsimullu qulakkeerniarlugu sakkussanik piareersaasiortoqarpa? a. Taamaanngippat, sanasoqarpa? Sanasoqassava? b. Qanoq akeqarpa? c. Taamaappat, ilinniartitsisunik pikkorissaasoqarnikuua? Najaaraq Møller, Siumut Najaaraq Møller, Siumut

Tiguneqarpoq: 09/02/2024
Naalakkersuisunut nassiunneqarpoq: 09/02/2024
035.Anna Wangenheim, Demokraatit
1. Inatsisit atuutsinneqarnerinut oqartussaqarfiup aammalu Rigsmyndighed suleqatigiinnerisa eqaannerusumik ingerlalernissaa qulakkeerniarlugu Naalakkersuisut suliniutinik aallarnisaanerlutik? 2. Justitsministeriamiit 9. Januar 2024 allakkiaq nassiussimasaat imatut qulequtserneqarsimasoq: ”Statusbrev årsskiftet 2023/24” taamatuttaarlu Naalakkersuisut tassunga akissutaat, ilanngutassiami uani eqqaaneqartoq: “Inatsisinut atortitsinermut suliniut pillugu Naaja: - Atuagaq nikallornartoq” Sermitsiaq.AG-mi Naalakkersuisut nassiussinnaavaat? 3. Nunatsinni pillaasarnermut inatsimmik eqqussisoqarnissaanik Naalakkersuisut qanoq isumaqarfigaat? a. Pillaasarnermut inatsimmik eqqussisoqassagaluarpat piareersaasiorluni suliassat suut pisariaqartinneqassanersut Naalakkersuisut naatsorsuutigaat? b. Piareersaasiorluni sulineq tamanna Naalakkersuisuniit qanoq sivisutigissanersoq naatsorsuuteqarfigineqarpa? 4. Nalakkersuisut suliamut tunngasunik paasissutissanik allanik paasissutissiisinnaappat? Anna Wangenheim, Demokraatit Anna Wangenheim, Demokraatit

Tiguneqarpoq: 09/02/2024
Naalakkersuisunut nassiunneqarpoq: 09/02/2024
034.Jens NapãtôK´, Naleraq
Apeqqut 1: Kalaallit Nunaanni stress pillugu pisortatigoortumik paasissutissaateqarpugu?t a. Assersuutigalugu Kalaallit Nunaanni stress peqqutigalugu sulinngiffeqartitaasut qassiuneri kisitsisaatigaagut? Apeqqqut 2 Peqqinnissaqarfiup inuiaqatigiinni stressimik eqqugaaneq qanoq misilittagaqarfigaat annertussusaalu qanoq annertutigaa? a. Nunatsinni stress annertusiartuinnartumik ajornartorsiutinngoriartortoq, Naalakkersuisut inuiaqatigiinni stress pillugu ilisimasakippallaarneq Naalakkersuisut qanoq nalilerpaat? Apeqqut 3 Inuiaqatigiinni stress pillugu ilisimasaqarnerusariaqartugut Naalakkersuisut qanoq isumaqarpat? a. Taamatuttaaq stress pinaveersaartissagutsigu ilisimasaqarnerunissaq annertusartariaqarpa inuiaqatigiinnilu ammasumik oqallisigineqartanissaanik ingerlanneqassava annikillisarnissaanillu anguniagaqartoqarluni? Apeqqut 4 Misissuisarnerit takutippaat stress meeqqani aamma atugaasartoq nalinginnaasumik takussutissaasarluni niaqukkut annerisaqarnermik, naakkut naggusserillunilu anniarneq uippallerluni ilisimajunnaarlunilu aammalu isigiarsulernermik eqqarsarluarsinnaajunnaanermillu kinguneqartartunik. Nunatsinni meeqqat aamma stress-ertartut Naalakkersuisut ilisimaarivaat? a. taamatullu Naalakkersuisut stress—imik meeqqanut atugaqalersartunut pinaveersaartitsinissamik pilersaaruteqarpat iliuuseqarnanimi taamatut aqqusaagaqartartunut ilungersunartorujussuusinnaammat. Jens NapãtôK´, Naleraq Jens NapãtôK´, Naleraq

Tiguneqarpoq: 09/02/2024
Naalakkersuisunut nassiunneqarpoq: 09/02/2024
033.Dines Mikaelsen, Siumut
1. Naalagaaffimmit imaluunniit Namminersorlutik Oqartussanit atorfeqartinneqartut atorfimminnullu atatillugu sumiiffimmiit sumiiffimmut nuuttarlutik sulisariaqartartut, soraarnerussutisiaqaleraangamik Naalagaaffimmiit imaluunniit Namminersorlutik Oqartussanit illusissunneqarnissaanut isumagineqartarpat? Dines Mikaelsen, Siumut Dines Mikaelsen, Siumut

Tiguneqarpoq: 09/02/2024
Naalakkersuisunut nassiunneqarpoq: 09/02/2024
032.Emanuel Nûko, Naleraq
1. Kalaallit Nunatsinni inoqutigiit paaqqinninnersiutillit qassiuppat? 2. Kalaallit Nunatsinni paaqqinninnersiutit qanoq agguaanneqartartut annertutigippat? 3. Paaqqinninnersiutit akileraarutaaruppata qanoq naleqassua pisortanut? 4. Paaqqinninnersiutit qaffanneqarsinnaapput 700 % angullugu tamanna 500 %-timut apparneqarsinnaappat qanoq naleqassua? 5. Paaqqinninnersiutit minnerpaaffia 5.518 kr, 7518 kr-nimut qaffanneqarpa qanoq naleqassua? 6. Paarineqartup kaasarfimmiussai, atisassarsiniutissai allallu qanoq naleqarpat? 7. Paarineqartup kaasarfimmiussai, atisassarsiniutissa 75 % angullugu qaffanneqarpata qanoq naleqassua? 8. Pisortanut allaffisornikkut aningaasaqarnikkullu qanoq kinguneqassua? 9. Namminersortunut allaffissornikkut aningaasaqarnikkullu qanoq kinguneqassua? 10. Innuttaasunut allaffissornikkut aningaasaqarnikkullu qanoq kinguneqassua? Emanuel Nûko, Naleraq Emanuel Nûko, Naleraq

Tiguneqarpoq: 09/02/2024
Naalakkersuisunut nassiunneqarpoq: 09/02/2024
031.Inatsisartunut ilaasortaq Doris J. Jensen, Siumut
1. Qitiusumik allattoqarfiup avataanut, ingerlatsivinnut aamma/imaluunniit suliffeqarfinnut allanut, pisortat suliassaanik Naalakkersuisut isumaginnittussanngortitsisimappat? Naalakkersuisut sinnerlugit suliassat avataanut suliakkiissutigineqarsimappata: 2. Ingerlatsiviit/suliffeqarfiit suut pineqarpat? 3. Sammisassarisat suut pineqarpat? 4. Allattoqarfiup avataanut isumaginnittussanngortitsineq pillugu Naalakkersuisut nalunaarusiorsimappat?1 5. Oqartussaasumut qulliunerusumut pisinnaatitaaqqaartumut suliassanik utertitseqqissinnaaneq pillugu Naalakkersuisut qulakkeerinnissimappat? Inatsisartunut ilaasortaq Doris J. Jensen, Siumut Inatsisartunut ilaasortaq Doris J. Jensen, Siumut

Tiguneqarpoq: 08/02/2024
Naalakkersuisunut nassiunneqarpoq: 08/02/2024
030.Inatsisartunut ilaasortaq, Emanuel Nûko, Naleraq
1. Tasiilami eqqaanilu nunaqarfinni attaveqaatit qaqugu aaqqinneqassappat eqqortumik? Inatsisartunut ilaasortaq, Emanuel Nûko, Naleraq Inatsisartunut ilaasortaq, Emanuel Nûko, Naleraq

Tiguneqarpoq: 07/02/2024
Naalakkersuisunut nassiunneqarpoq: 07/02/2024
029.Emanuel Nûko, Naleraq
1. Tasiilami Inuusuttut inissaataat maannakkut suliarineqartut kuutittakkanik anartarfilerneqassappat? 2. Kuutittakkanik imeqassappat? 3. Taamaanngippat periarfissiisoqassanngila suliariummannittussarsiuussisoqarluni kuuginnartunik anartarfittaarnissaannut aammalu kuuginnartumik imeqalernissaannut? 4. Illoqarfinni allani inuusuttuni inissiat suliarineqalersut qanoq inissisimappat anartarfinnik imermillu kuuginnartunik pilersorneqassappat? Emanuel Nûko, Naleraq Emanuel Nûko, Naleraq

Tiguneqarpoq: 07/02/2024
Naalakkersuisunut nassiunneqarpoq: 07/02/2024
028.Emanuel Nûko, Naleraq
1. Kalaallit Nunatsinni inoqutigiit paaqqinninnersiutillit qassiuppat? 2. Kalaallit Nunatsinni paaqqinninnersiutit qanoq agguaanneqartartut annertutigippat? 3. Paaqqinninnersiutit akileraarutaaruppata qanoq naleqassua pisortanut? 4. Paaqqinninnersiutit qaffanneqarsinnaapput 700 % angullugu tamanna 500 %-timut apparneqarsinnaappat qanoq naleqassua? 5. Paaqqinninnersiutit minnerpaaffia 5.518 kr, 7518 kr-nimut qaffanneqarpa qanoq naleqassua? 6. Paarineqartup kaasarfimmiussai, atisassarsiniutissai allallu qanoq naleqarpat? 7. Paarineqartup kaasarfimmiussai, atisassarsiniutissa 75 % angullugu qaffanneqarpata qanoq naleqassua? 8. Pisortanut allaffisornikkut aningaasaqarnikkullu qanoq kinguneqassua? 9. Namminersortunut allaffissornikkut aningaasaqarnikkullu qanoq kinguneqassua? 10. Innuttaasunut allaffissornikkut aningaasaqarnikkullu qanoq kinguneqassua? Emanuel Nûko, Naleraq Emanuel Nûko, Naleraq

Tiguneqarpoq: 07/02/2024
Naalakkersuisunut nassiunneqarpoq: 07/02/2024
027.Anna Wangenheim, Demokraatit
1. “Atuarfimmi naliliisarneq uppernarsaasiortarnerlu pillugit Namminersornerullutik Oqartussat nalunaarutaat” malillugu kommuunit naliliisarnerat uppernarsaasiortarnerallu ilumut naammassineraat Naalakkersuisut qanoq qulakkeerinnippat? a. Piumasaqaatit taakku kommuunit tamarmik nammassivaat? 2. Piffissami 2017-2023 paasissutissat ataaniittut Naalakkersuisuniit nassuiarneqassasut piumasarineqarpoq. Paasissutissat kommuunikkaartuni tallimaasunut agguataarnissaat aammalu sanillersuussinnaanngorlugit allattorsimaffikkaartumik saqqummersinnissaat piumasarineqarpoq: - Tiimit atuartitsinermut naammassineqarsimasut - Tiimit taartaasunut atorneqartut - Tiimit atuanngiffiit - Ilinniartitsisuniit napparsimalluni sulinngittoornerit - Atuartuniit napparsimalluni atuanngitsoornerit - Napparsimaneq pinnagu allanik peqquteqarluni takkutinngitsoornerit 3. Kommuunikkaartuni ilinniartitsisutut atorfiit inuttalerneqarsimanngitsut qassiuppat? a. Ilinniartitsisut ilinniarsimasut ilinniarsimanngitsullu akunnerminni procentinngorlugu agguataarsimaneq qanoq inissisimava? (Uunga akissutit atuarfimmiit atuarfimmut, ilanngunneqarsinnaasutullu kommuunimiit kommuunimut agguataaqquneqarput) 4. Meeqqat atuarfiannut tunngatillugu suliniutit pilersaarutillu tigussaasut Naalakkersuisunit maannakkoqqissaaq suut ingerlanneqarpat? a. Immikkut atuartitsinermut allannguutissatut aallartisarneqarsimasut taakkartorneqartariaqartut suut taaneqarsinnaappat? 5. Naalakkersuisut §37-apeqqummut nr.010/2024-mut akissutigaat, meeqqat atuarfiat nalilersornissaanut avataaniit naliliisussatut suleqatissat aaneqassasut. Naalakkersuisut naliliinissaq qaqugu aallartinniarpaat? 6. Nalakkersuisut suliamut tunngasunik paasissutissanik allanik paasissutissiisinnaappat? Anna Wangenheim, Demokraatit Anna Wangenheim, Demokraatit

Tiguneqarpoq: 02/02/2024
Naalakkersuisunut nassiunneqarpoq: 02/02/2024
026.Anna Wangenheim, Demokraatit
1. Naalakkersuisut oqaatsit pillugit tapinik tunisisarnissamut inatsisitigut tunngaveqalernissamik atuutilersitsinissamut pilersaaruteqarnerlutik, taamaasilluni peqqissaanermik professionalimik suliaqartuusut, nutserinermut tapisiaqartanngitsut, aningaasarsiatigut isumaqatigiissutit atuuttut aqqutigalugit isumaqatiginninniuteqarsinnaangortillugit? a. Peqqinnissaqarfimmi sulisuusunut ullumikkut oqaatsit pillugit tapisiaqartinnissaat pillugit inatsisitigut aporfiusinnaasut suuppat? b. Peqqinnissaqarfimmi sulisuusunut oqaatsit pillugit tapisiaqartitsinissamut periarfissaqartitsilerniaraanni pisortanut aningaasatigut allaffissornikkullu suut kingunissarai. 2. Peqqinnissaqarfimmi sulisut kalaallisut oqaaseqartuunngitsunut kalaallisut oqaatsitigut pikkorissarnissamik neqerooruteqarfigisarnissaannut Naalakkersuisut pilersaaruteqarnerlutik? a. Peqqinnissaqarfimmi sulisut kalaallisut oqaaseqartuunngitsunut kalaallisut oqaatsitigut pikkorissaasarnissamut neqerooruteqartalernissaq pissusissamisoornersoq Naalakkersuisut isumaqarnerlutik, imaluunniit piffissaq aaliangersimasup iluaniittariaqartumik, taartaagallarlutik tikittut oqaatsitigut pikkorissarnissamut neqerooruteqarfigineqartassanngitsut? b. Peqqinnissaqarfimmi sulisut kalaallisut oqaaseqartuunngitsunut kalaallisut oqaatsitigut pikkorissarnissamik neqerooruteqarfigineqartalissappata pisortanut aningaasatigut allaffissornikkullu kingunissat suuppat? 3. Nalakkersuisut suliamut tunngasunik paasissutissanik allanik paasissutissiisinnaappat? Anna Wangenheim, Demokraatit Anna Wangenheim, Demokraatit

Tiguneqarpoq: 02/02/2024
Naalakkersuisunut nassiunneqarpoq: 02/02/2024
025.Anna Wangenheim, Demokraatit
1. Angajoqqaat timikkut tarnikkulluunniit piginnaasakitsunik meeralinnut atugassarititat pitsanngorsarniarlugit Naalakkersuisut maannakkut suut tigussaasumik suliniutigaat? 2. Angajoqqaat meeqqaminnik piginnaasakillisimasunik tapersersortaanissaminnut suut periarfissagivaat? a. Angajoqqaat qanoq amerlatigisut ullumikkut meeqqaminnut tapersersortaappat? b. Angajoqqaat imminneq aaliangikkaminnik neqeroorutiginiarunik meeqqaminnut tapersersortaanissaminnut ajoqutaasinnaasut suut tunngavilersuutigineqassappat? 3. Nuna tamakkerlugu meeqqat qassit tapersersorteqarnissaminnik utaqqippat? a. Tapersersorteqarnissamik aaliangiinermiit piviusunngornissaanut agguaqatigiissillugu qanoq sivisutigisoq atorneqartarpa? 4. Meeqqat piginnaasakitsunut angerlarsimaannartussanut angajoqqaat ilaannakortumik sulisalernerisigut pisortaniit tamakkiisumik akissarsiatigut taarsiivigineqartalissagaluarpata pisortat allaffissornerannut aningaasatigullu kingunissaat suuppat? (Akissarsiatigut tamakkiisumik taarsiivigitinnermut ilaannakortumik sulinissamut 5, 10, 15, 20, 25 tiimillu aallaavigalugit kisitsisoqarnissaa kissaatigineqarpoq). 5. Nalakkersuisut suliamut tunngasunik paasissutissanik allanik paasissutissiisinnaappat? Anna Wangenheim, Demokraatit Anna Wangenheim, Demokraatit

Tiguneqarpoq: 02/02/2024
Naalakkersuisunut nassiunneqarpoq: 02/02/2024
024.Inatsisartunut ilaasortaq Anna Wangenheim, Demokraatit
1. Angajoqqaat erninermi sulinngiffeqarnerat sapaatit akunneri 21-niit 37-nut sivitsorneqassagaluarpat pisortanut aningaasatigut allaffissornikkullu suut kingunerissagaluarpai? 2. Angajoqqaat erninermi sulinngiffeqarnerat sapaatit akunneri 21-niit 37-nut sivitsorneqassagaluarpat inuussutissarsiornermut aningaasatigut allaffissornikkullu suut kingunerissagaluarpai? 3. Angajoqqaat erninermi sulinngiffeqarnerat sapaatit akunneri 21-niit 37-nut sivitsorneqassagaluarpat innuttaasunut aningaasatigut allaffissornikkullu suut kingunerissagaluarpai? 4. Ulluunerani paaqqinnittarfiit pineqartillugit angajoqqaat erninermi sulinngiffeqarnerat sapaatit akunneri 37-nut sivitsorneqassagaluarpat qanoq sipaarutaatigissava, naatsorsuutigineqassaarlu meeraq paaqqinnittarfimmi aallartinnissaa sapaatit akunneri 16-ninik kinguartinneqarnissaa. 5. Nalakkersuisut suliamut tunngasunik paasissutissanik allanik paasissutissiisinnaappat? Inatsisartunut ilaasortaq Anna Wangenheim, Demokraatit Inatsisartunut ilaasortaq Anna Wangenheim, Demokraatit

Tiguneqarpoq: 30/01/2024
Naalakkersuisunut nassiunneqarpoq: 30/01/2024
023.Inatsisartut Ilaasortaq Jens NapãtôK´, Partii Naleraq
Apeqqut 1: Allaffissornikkut qanoq kinguneqassavar ESU atorlugu attartuisarneq aalisartunut piniartunullu eqquteqqineqassappat/atuutilertinneqaqqissappat? Apeqqut 2 Qanoq aningaasatigut kinguneqassava ESU atorlugu aningaasanik Inatsisartut Ilaasortaq Jens NapãtôK´, Partii Naleraq Inatsisartut Ilaasortaq Jens NapãtôK´, Partii Naleraq

Tiguneqarpoq: 29/01/2024
Naalakkersuisunut nassiunneqarpoq: 30/01/2024
022.Inatsisartunut ilaasortaq Jens NapãtôK´, Naleraq
Apeqqut 1: Pisassiivimmi Upernavimmi qassit PNNK (IOK) malillugu pisassinneqassagaluarpat biologit pisassanik siunnersuutaat qalerallit 6.070 tonsit aallaavigalugit, aalisartut qassit PNNK-nik (IOK-nik) iluaquserneqassagaluarpat? a. Umiatsiaararsortut angallataatitsillu qassit iluaquserneqarlutillu pisassinneqassagaluarpat? Apeqqut 2 Pisassiivimmi Uuummannami qassit PNNK (IOK) malillugu pisassinneqassagaluarpat biologit pisassanik siunnersuutaat qalerallit 5.153 tonsit aallaavigalugit, aalisartut qassit PNNK-nik (IOK-nik) iluaquserneqassagaluarpat? a. Umiatsiaararsortut angallataatitsillu qassit iluaquserneqarlutillu pisassinneqassagaluarpat? Apeqqut 3: Pisassiivimmi Diskobugtimim qassit PNNK (IOK) malillugu pisassinneqassagaluarpat biologit pisassanik siunnersuutaat qalerallit 5.225 tonsit aallaavigalugit, aalisartut qassit PNNK-nik (IOK-nik) iluaquserneqassagaluarpat? a. Umiatsiaararsortut angallataatitsillu qassit iluaquserneqarlutillu pisassinneqassagaluarpat? Apeqqut 4: Naalakkersuisut aalisarnermut inatsit malillugu agguaariaatsit nutaat siunissami atuutilerpata agguaariusinnaasunik allanik takoorluugaqarpat imalluunniit siunnersuutissaqarpat? Apeqqut 5 Pisassat annerpaamik 2,5%-imik qilaalerneqarpata, umiatsiaararsortut angallataatilillu ajornerpaamik ikinnerpaaffinniilernissaat missingersorneqarnikuulluni aalisartut qassit PNNK-mik (IOK) tunineqarnissaat naatsorsuutaava? a. Aalisartut tamarmik siunissami PNNK-mut (IOK) nooreerpata? Inatsisartunut ilaasortaq Jens NapãtôK´, Naleraq Inatsisartunut ilaasortaq Jens NapãtôK´, Naleraq

Tiguneqarpoq: 29/01/2024
Naalakkersuisunut nassiunneqarpoq: 29/01/2024
021.Inatsisartunut ilaasortaq Kuno Fencker, Siumut
1. Nunatsinnit USA-mut aalisakkanik aamma raajanik toqqaannartumik avammut tunisassiorniarnerup periarfissaasinnaanissaanut piumasaqaatit periutsillu sooqqissaarnerinik Naalakkersuisut ersarissaasinnaappat? 2. Arlaatigut matumunnga sunniuteqaataasunik Inuussutissalerinermik Aqutsisoqarfimmit aaliangersagaqarpa matumani pineqartumi avammut tunisassiorsinnaanermut sunniuteqartunik? 3. Aalisakkat raajallu USA-mut ingerlatinneqannginnerini Danmarkimut assartorneqaqqaartassappat? 3a. Tamaappat, marloqiusamik taamatut assartuussineq danskit avammut tunisassiaatut nioqqutissanut qanoq sunniuteqarnerluttarpa? 4. Arlaatigut amerikami eqqussuinissamut maleruaqqusaasunut aamma-periuserisanut qulakkeerinnissamanissamut aaliangersimasunik uppernarsaateqaqqaarnissamut imaluunniit akuersissuteqaqqaarnissamut piumasaqaateqarpa? 5. Kalaallit Nunaata aammalu USA-p akornanni ilanngaaserinikkut akigititaasut imaluunniit niuernikkut isumaqatigiissutaasut qanoq aalisannik aamma raajanik toqqaannartumik niuersinnaanermut sunniuteqarpat? Inatsisartunut ilaasortaq Kuno Fencker, Siumut Inatsisartunut ilaasortaq Kuno Fencker, Siumut

Tiguneqarpoq: 26/01/2024
Naalakkersuisunut nassiunneqarpoq: 26/01/2024
020.Inatsisartuni ilaasortaq Peter Olsen, Inuit Ataqatigiit
1. Ukioq 2022 naalersoq eqqumiitsuliorneq kulturilu pillugit isumasioqatigiittoqarpoq. Taassuma kingorna suleqatigiit inassuteqaasiortussat suliassanik pingaarnersiuillutik inassuteqaatinik qulinik Naalakkersuisunut inassuteqaasiorput. Inassuteqaatit taakku qulit suuppat? 2. Inassuteqaatit taakku qulit pillugit Naalakkersuisut qanoq pilersaaruteqarpat? 3. Tassunga tunngasumik allamik naalakkersuisut oqaasissaqarpat? Inatsisartuni ilaasortaq Peter Olsen, Inuit Ataqatigiit Inatsisartuni ilaasortaq Peter Olsen, Inuit Ataqatigiit

Tiguneqarpoq: 25/01/2024
Naalakkersuisunut nassiunneqarpoq: 26/01/2024
019.Inatsisartunut Ilaasortaq Mariane Paviasen, Inuit Ataqatigiit
1. Utoqqalinersiaqarneq pillugu Inatsisartut inatsisaat pillugu Namminersorlutik Oqartussat nalunaarutaat § 10 imm. 2-mi utoqqalinersiaqartup aappaqarpallu ukiumut ilanngaataanngitsumik isertitarineqarsinnaasut killeqartinneqarput. Utoqqalinersiallit isertitaqassusaat apeqqutaatinnagu utoqqalinersiat tunniunneqartarnissaat qanoq aningaasatigut kinguneqassava? a. Utoqqalinersiaqartumut kisimiittumut, pisortanut aningaasatigut allaffissornikkullu kingunissaat nassuiaqquneqarput. b. Utoqqalinersiaqartumut aappaqartumut pisortanut aningaasatigut kingunissaat nassuiaqquneqarput. 2) Naalakkersuisut isumaqarpat inuit 67-ileereersumasut utoqqalinersiatigut ilannartuunneqanngikkaluarlutik sulisinnassariaqartut? a. Akissut aappiuppat, sooq? b. Akissut naamiuppat, suna tunngaviua? Inatsisartunut Ilaasortaq Mariane Paviasen, Inuit Ataqatigiit Inatsisartunut Ilaasortaq Mariane Paviasen, Inuit Ataqatigiit

Tiguneqarpoq: 26/01/2024
Naalakkersuisunut nassiunneqarpoq: 26/01/2024
018.Inatsisartunut ilaasortaq Jens NapãtôK´, Naleraq
Apeqqut 1: Nunarsuaq tamakkerlugu assammik arsaannermik pissartanngorniunnermut atatillugu Naalakkersuisunut ilaasortat qassit, Naalakkersuisoqarfimmi atorfeqartut qassit unammersuarnernut atatillugu akiliunneqarlutik Stavangerimut angalappat? Apeqqut 2: Naalakkersuisunut ilaasortat kikkut Stavangerimiippat? Apeqqut 3: Nunarsuaq tamakkerlugu assammik arsaannermik pissartanngorniunnermut atatillugu Naalakkersuisunut ilaasortanut taakkulu atorfilittaannut Nunatta Karsia qanoq aningaasartuuteqarpa? 1 Inatsisartunut ilaasortaq Jens NapãtôK´, Naleraq Inatsisartunut ilaasortaq Jens NapãtôK´, Naleraq

Tiguneqarpoq: 25/01/2024
Naalakkersuisunut nassiunneqarpoq: 26/01/2024
017.Inatsisartut Ilaasortaq, Jens NapãtôK´, Partii Naleraq
1. Sooq-una utoqqaat aappaasup isertitai apeqqutaatinnangit utoqqalinersiuteqalernissaat 1. januar 2024-imiit atuutilersinneqanngitsoq ? 2. Sooq-una utoqqaat kisimiittut utoqqalinersiutit saniatigut immikkut tapermik pisarsimangaluartut immikkut tapermik pisinnaajunnaarsimasut ? 3. Utoqqaat pilersueqatigiittussaatitaanerat suli atuutsinneqaramii ? Inatsisartut Ilaasortaq, Jens NapãtôK´, Partii Naleraq Inatsisartut Ilaasortaq, Jens NapãtôK´, Partii Naleraq

Tiguneqarpoq: 24/01/2024
Naalakkersuisunut nassiunneqarpoq: 24/01/2024
016.Inatsisartuni ilaasortaq Mariane Paviasen , Inuit Ataqatigiit
1. Naalakkersuisut oktober 2023-mi ilisimatitsissutigaat Neqi-p siunissaata nalorninaallisinnissaa siunertaralugu suleqatigiissitaliortoqarsimasoq naalakkersuisoqarfinniit attuumassuteqarfiusuniit aammalu KNI-mit inuttalerneqartumik. Suleqatigiissitap Neqi A/S-p siunissaa pillugu tikkuussillunilu siunnersuuteqarnissaa qaqugu pinissaa naatsorsuutigineqarsinnaava? 2. Naalakkersuisut Neqi A/S siunissami ukiup qanoq ilinera malillugu ingerlatsisarluni ingerlaannartussatut isumaqarpat? 3. Neqi A/S-imi 2023-mi ukiup ilaannaani suliaqarfiusumi atorfeqartartut aammalu aalajangersimasumik atorfeqartitat qassiusimappat? 4. Neqi A/S-imi 2023-ip naanerani aammalu 2024-p aallartinnerani aalajangersimasumik atorfeqartitanik soraarsitsisariaqarnikuuva? A) Aappiuppat, soraarsitsinermut suut peqqutaappat? 5. Naalakkersuisut Neqi A/S pillugu suliamut allanik paasissutissaateqarpat? Inatsisartuni ilaasortaq Mariane Paviasen , Inuit Ataqatigiit Inatsisartuni ilaasortaq Mariane Paviasen , Inuit Ataqatigiit

Tiguneqarpoq: 23/01/2024
Naalakkersuisunut nassiunneqarpoq: 23/01/2024
015.Peter Olsen, Inuit Ataqatigiit
1. Savalimmiuni efterskolerniaruma tapiiffigineqarsinnaavunga? A. Aappiuppat, taava efterskolit sorliit tapiiffigineqarsinnaappat? B. Naamiuppat, taava sooq Savalimmiuni efterskolerniaruma tapiiffigineqarsinnaanngilanga? 2. Naalakkersuisut Savalimmiuni efterskolerusuttunut tapiissuteqartalernissamik suliniuteqarniarpat? A. Naamiuppat sooq? B. Aappiuppat taava tapiiffigineqarsinnaalernissaq qaqugu atuutilissava? 3. Tassunga tunngasumik allamik naalakkersuisut oqaasissaqarpat? Peter Olsen, Inuit Ataqatigiit Peter Olsen, Inuit Ataqatigiit

Tiguneqarpoq: 18/01/2024
Naalakkersuisunut nassiunneqarpoq: 18/01/2024
014.Harald Bianco, Inuit Ataqatigiit
1. Avanersuarmi Ittoqqortoomiinilu piniartut aalisartullu ajunaarnersuartut ittumik pisoqarnerani sooruna ilaannat tapiiffigineqartut? 2. Piniarttut aalisartullu Tasiilami aamma nunaqarfianiittut sooruna tapiiffigineqanngitsut? Harald Bianco, Inuit Ataqatigiit Harald Bianco, Inuit Ataqatigiit

Tiguneqarpoq: 18/01/2024
Naalakkersuisunut nassiunneqarpoq: 18/01/2024
013.Najaaraq Møller, Siumut
1) Isumaginninnermut Aqutsisoqarfiup tungaanit, kommunit meeqqanut ikorfartortarialinnut pinasuartumik angerlarsimaffiup avataanut inissiisarnerannut atatillugu nakkutilliinikkut sullissineq Naalakkersuisut qanoq isumaqarfigaat? 2) Kommunit nakkutilliinerannut kiisalu ulloq unnuarlu inissiisarfinnut nakkutilliinerup nukittorsarnissaannut Naalakkersuisut qanoq pilersaaruteqarpat? 3) Kommunini allaffissornikkut sullissinerup pitsanngorsarnissaanik Naalakkersuisut pilersaarusiaqarpat? Soorlu makkunani: a. Pinasuartumik angerlarsimaffiup avataanut inissiigasuartariaqarnerni. b. Meeqqanut pinasuartumik angerlarsimaffiup avataanut inissinneqartartunut inissarititaasartunut akuersissutit qulaajarnissaannut. c. Meeqqat pinasuartumik angerlarsimaffiup avataanut inissinneqartartut sullissisuisa sumik ilinniagaqarsimanerannik nakkutilliinikkut qulaajaanissamut. d. Meeqqat pinasuartumik angerlarsimaffiup avataanut inissinneqarsimasut periusissiuunnissaannut. 4) Naalakkersuisut takornarialerisunik allanilluunniit suliffeqarfinnik ”immikkoortoqarfiuteqartunik” ilisimasaqarpat, meeqqanik immikkut pisariaqartitsisunik angerlarsimaffiullu avataanut inissinneqarsimasunik sullitalinnik, naak tamakkuninnga ukkatarinnissinnaanermut tunngaviliisussamik ilinniagaqarsimanngikkaluarlutik imaluunniit sulisussaalatsigaluarlutik suli paaqqutarinnittunik? a. Taamaattoqarsimappat, tamanna Naalakkersuisut qanoq isumaqarfigaat? b. Inatsisitigut tunngavissaqarnerluni, kommunit; meeqqanik immikkut pisariaqartitsisunik taamak sumulluunniit inissiisinnaanerinut, taamatullu aamma tulluuttumik tamakkununnga tunngassutilinnut ilinniagaqarsimanngikkaluartunut? 5) Meeqqanut ullut unnuarlu paaqqinnittarfiusuni sulisut, meeqqanik aliasunnermik ilungersunartumillu nalaataqarsimasunik, sullissisussatut inissisimasut qanorlu iliuseqarnissamik ilinniagaqarsimannginnerat Naalakkersuisut qanoq isumaqarfigaat? 6) Suliaq maanna nalunnginneqartutut saqqumilaartinneqarluni ingerlasoq eqqarsaatigalugu, Naalakkersuisut Kommuneqarfik Sermersuup meeqqanut inissiisarnerata aaqqiivigineqarnissaata tungaanut nakkutigineqarnissaa eqqarsaatersuutigisimanerlugu? Najaaraq Møller, Siumut Najaaraq Møller, Siumut

Tiguneqarpoq: 18/01/2024
Naalakkersuisunut nassiunneqarpoq: 18/01/2024
012.Najaaraq Møller, Siumut
1) Ilinniartitsisutut perorsaasutullu professionsbacheloritut naammassinikut Kandidatimut ilisimatusaqqinnissaminnut Ilisimatusarfik sunik neqeroorteqarpa? 2) Naalakkersuisut Ilisimatusarfimmi pædagogikimi kandidatitut ilinniarfissamik pilersaaruteqarpat aammalu a. Naalakkersuisunit taamatut ilinniarfissamut ilinniarfissap aaqqissugaaneranik (studieordning) maannamut suliarinnittoqarnersoq ilisimasaqarpat? b. Taamaappat, sammivik sorlermita kandidatitut ilinniagassaq pilersaarutigineqarpa? c. Taamaappat, tamanna sumik tunngaveqarpa aammalu kikkut tassunga qinnuteqarsinnaajumaassappat? d. Eqqortuusimappallu, ilumoorpa Ilisimatusarfiup ilinniakkamik nutaamik neqerooruni ilinniakkap aaqqissuussaanera (studieordning) ukiuni marlunni nittartakkaminni neqeroorutigeqqaarlugu ilinniagaq aallartissinnaasartoq? e. Taamaappat, ilinniagaq tamakkiisumik qanoq akeqassangatinneqarluni naatsorsuutigineqarpa? 3) Taamaappat, suna tunngavigalugu taamaappa aammalu tamanna taamaassimappat imatut allanngortinneqarsinnaanerpa, ilinniakkap aaqqissuussaanera (studieordning) aammalu imarisassaanut suliarinnittussat piareeqqappata ilinniagaq ukiut marluk nittartakkamiitseqqaanngikkaluarlugu erngertumik aallartinneqarsinnaanissaa? Najaaraq Møller, Siumut Najaaraq Møller, Siumut

Tiguneqarpoq: 18/01/2024
Naalakkersuisunut nassiunneqarpoq: 18/01/2024
011.Najaaraq Møller, Siumut
1. Naalakkersuisut Kalaallit Nunaata naalagaaffinngornissaanut inerisarnermut atatillugu iliuusissatut pilersaaruteqalernissamut sunik siunnerfeqarpat (Nationbuilding)? 2. Inatsit Tunngaviusussap saniatigut Namminersorlutik Oqartussat naalagaaffittut ikaarsaarnissaanut kulturikkut, ilinniartitaanikkut, inuiaqatigiittut, oqaatsitigut illersornissakkut assigisaatigullu ataqatigiissaarinissamut Naalakkersuisut pilersaaruteqarpat? Najaaraq Møller, Siumut Najaaraq Møller, Siumut

Tiguneqarpoq: 18/01/2024
Naalakkersuisunut nassiunneqarpoq: 18/01/2024
010.Najaaraq Møller, Siumut
1) Atuarfitsialak Naalakkersuisunit nalilersorneqassamaarpa? a. Taamaappat, tamanna qaqugu pissava? b. Qanoq akeqassangatinneqarpa? 2) Naalakkersuisut nalilersuinianngippata suna tunngavigalugu Atuarfitsialak nalilersorneqarnianngila? Najaaraq Møller, Siumut Najaaraq Møller, Siumut

Tiguneqarpoq: 18/01/2024
Naalakkersuisunut nassiunneqarpoq: 18/01/2024
009.Siverth K. Heilmann, Atassut
1. Saviminilerinermik Ilinniarfiup Sisimiunut nuunneqarnissaanut suliaq sumut killippa? 2. Nuunneqarnissaanut misissuineq naammassineqarsimappat, qaqugu Inatsisartunut saqqummiunneqassava? 3. Ilinniarfiup Sisimiunut nuunneqarnissaa suli Naalakkersuisuniit aalajangiusimaneqarpaa? Siverth K. Heilmann, Atassut Siverth K. Heilmann, Atassut

Tiguneqarpoq: 18/01/2024
Naalakkersuisunut nassiunneqarpoq: 18/01/2024
008.Jens NapãtôK´, Naleraq
1. Aalisartut piniartullu 2023-ip naalernerani inuuniarnikkut ajornartorsiuteqartut ukiorserneqarnissaannik Naalakkersuisut neriorsuineranut maannamut piviusunngortinneqanngitsumut suna imaluunniit suut pissutaappat ? 2. Ilumut aalisartut piniartullu qulaani eqqartorneqartut ikiorserneqarniarpaat ? 3. Ikiorsiisoqassappat tamanna qaqugu piviusunngortinneqassua ? 4. Ikiorsiinissamut suut piumasaqaataassappat ? 5. Ikiorsiisoqassappat aalisartut piniartullu illoqarfinni nunaqarfinnilu sorlerni najungaqartut eqqartorneqarpat ? 6. Ikiorsiisoqassappat ikiorsiisssutit qanoq annertutiginissaat aamma qanoq sivisutigisumik ikiorsiineq atuutsinneqassua ? 7. qanoq suleriuseqartoqarniarpa ? 8. Ikorsiisoqassappat ikiorsiissutit qanoq agguaanneqassappat ? 9. Ikiorsiisoqassappat ilaqutariit meerartallit immikkut tapiiffigineqassappaat ? 10. Ikiorsiisoqassappat ikiorsiissutit ineqarnermut kiassarnermut kallerullu inneranut aningaasartuutit immikkut ilanngunneqassappaat ? 11. Ikiorsiisoqassappat aalisartut piniartullu qimmiisa nerukkaatissaqartinneqarnissaat ilanngullugit ikiorsiissutigineqassappaat ? 12. Siunissaq ungasinnerusoq eqqarsaatigalugu taama ikiorsiisoqarnissaanik pisariaqartitsisoqalissangaluarpoq Naalakkersuisut taamanikkussamut periusissiamik suliaqarnissamut pilersaaruteqarpaat ? 13. Ilumut Naalakkersuisut immikkut ittumik ikiorsiisarnissamut periusissiamik suliaqassangunik, periusissiassaq qaqugu piareersimassanersoq Naalakkersuisut naatsorsuutingaat ? 14. Aalisartut piniartullu nappaammik eqqorneqartut nunatsinni sumiikkaluarunilluunniit ikiorserneqarnissaminnut qanoq periarfissaqarpat ? Jens NapãtôK´, Naleraq Jens NapãtôK´, Naleraq

Tiguneqarpoq: 18/01/2024
Naalakkersuisunut nassiunneqarpoq: 18/01/2024
007.Siverth K. Heilmann, Atassut
1. Kangerlussuarmiit Kangerlussuarmullu siunissami timmisartuussisarnissamik misissueqqissaarnermik suliaqarneq sumut killippa? Qaqugulu naammassissava? 2. Niuernermik tunngaveqarlutik ingerlatseqatigiiffiit Kangerlussuarmut attuumassuteqartut misissueqqissaarnermi maannamut kikkut oqaloqatigineqareerpat? 3. Timmisartut anginerit ilanngullugit nunatta avataaniit takornarissanik ilaasoqarlutik 2025-imi, siunissamilu suli Kangerlussuarmut missinnaassappaat? Siverth K. Heilmann, Atassut Siverth K. Heilmann, Atassut

Tiguneqarpoq: 17/01/2024
Naalakkersuisunut nassiunneqarpoq: 17/01/2024
006.Bjørk Lange Olsen, Demokraatit
1. Arnat assammik arsarlutik VM-ernerini politikerit atorfilittallu angalanerinut Naalakkersuisut aningaasat (angalanerit, ineqarnerit, ullormusiat ilaalu ilanngullugit) qassit atorpaat? a. Politikerit qassit Naalakkersuisut angalatippaat? b. Atorfilittat qanoq amerlatigisut Naalakkersuisut angalatippaat? 2. Timersoqatigiiffiit Assammik Arsartartut Kattuffiat (TAAK) malunnaatilimmik tapiissutinik tunniussaqarfiginissaanut Naalakkersuisut pilersaaruteqarnerlutik, taamaasilluni VM-mut peqataanermut aningaasatigut amigartooruteqarneq kattuffiup sammisaqartitsinissaanut allanut kingunerlutsinneqarnani? 3. Timersortartut piginnaasaqarnerpaanut pisortaniit aningaasaliissutit annertusinissaanut Naalakkersuisut maannakkoqqissaaq pilersaaruteqarnerlutik? 4. Meeqqat inuusuttullu timersornerannut timimillu aalatitsinerannut pisortanit aningaasaliissutigineqartartut Naalakkersuisuniit annertusineqarnissaanik maannakkoqqissaaq pilersaaruteqartoqarnerluni? 5. Eqqartukkamut tunngasunik allanik soqutiginaatilinnik Naalakkersuisut paasissutissiisinnaappat? Bjørk Lange Olsen, Demokraatit Bjørk Lange Olsen, Demokraatit

Tiguneqarpoq: 17/01/2024
Naalakkersuisunut nassiunneqarpoq: 17/01/2024
005.Jens-Frederik Nielsen, Demokraatit
1. Royal Arctic Line A/S EU aamma EØS imaatigut angallavigissagaanni EU Emission Trading System (ETS) eqqussiniarluni aaliangersimanera aallaavigalugu, CO2-agguagartassanut atugassanik ukiumut aningaasat qassit missingersuutinut ilannguttarpaat? a. Aklitsuut taanna atuisunut akigititanut qaffassaataanissaa naatsorsuutigineqarsinnaaneranik Naalakkersuisut Demokraatinut isumaqataanerlutik? 2. Royal Arctic Line A/S aamma Naalakkersuisut CO2-agguagartassiissutinut pisisarneq annikinnerpaaffissaminiinnissaa anguniarlugu CO2-mik aniatitsinermut millisaanissamut (kigaannerusumik angalalernissap avataasigut) suliniutit suut tigussaasut aallarnisarniarpaat? 3. CO2-agguagartassissutinik pisinerup kingunerisaanik, atuisunut kalaaliusunut akiligassaq tunnginnissaa anguniarlugu inuussutissarsiortunut ikiorsiissutaasinnaasunik Naalakkersuisut tigussaasunik pilersaaruteqarnerlutik? 4. Nalakkersuisut suliamut tunngasunik paasissutissanik allanik paasissutissiisinnaappat? Jens-Frederik Nielsen, Demokraatit Jens-Frederik Nielsen, Demokraatit

Tiguneqarpoq: 16/01/2024
Naalakkersuisunut nassiunneqarpoq: 16/01/2024
004.Lars Poulsen, Siumut
1. Ulluinnarni nioqqutigineqartartut akiinik unammilleqatigiinnermut tunngasunik misissuisitsinissaq sumut killiffeqarpa? Lars Poulsen, Siumut Lars Poulsen, Siumut

Tiguneqarpoq: 16/01/2024
Naalakkersuisunut nassiunneqarpoq: 16/01/2024
003.Nivi Olsen, Demokraatit
1. KNR-mi tusagassiortut kalaallisut oqaaseqartunik amigaateqarneq anigorniarlugu sinaakkutit ikiorsiissutaasinaasut suut Naalakkersuisut suliniutigissallugit aallarnisarpaat? 2. KNR pillugu suligasuartussatut eqimattat maannakkumut qassit pilersinneqarsimappat? a. Suligasuartussatut eqimattat taakku suut sammisatut suliarivaat? b. Suligasuartussatut eqimattat innersuussutiminnik saqqummiussaqarnissaat qaqugu naatsorsuutigisinnaavarput? 3. Nalakkersuisut suliamut tunngasunik paasissutissanik allanik paasissutissiisinnaappat? Nivi Olsen, Demokraatit Nivi Olsen, Demokraatit

Tiguneqarpoq: 15/01/2024
Naalakkersuisunut nassiunneqarpoq: 15/01/2024
002.Pipaluk Lynge, Inuit Ataqatigiit
1. Naalakkersuisut pilersaarpat pisiniarfinni tunisassiat microplastikkitallit nunatsinnut eqqussorunnaarnissaannut? 2. Naalakkersuisut pilersaarpat pisiniarfinni tunisassiat eqqiaanermut salinnissamullu errorsinermullu atortut qalipaasersukkat tipigissakkallu nunatsinnut eqqussorunnaarnissaannut? 3. Naalakkersuisut pilersaarpat plastikkimik puullit pappilissamik qillertuusanilluunniit puulinnik pisiassaareersut killilersimaalernissaannut? 4. Suut plastikkinik eqqussuinermut attuumassutillit pilersaarusiorfigineqarpat? Pipaluk Lynge, Inuit Ataqatigiit Pipaluk Lynge, Inuit Ataqatigiit

Tiguneqarpoq: 12/01/2024
Naalakkersuisunut nassiunneqarpoq: 12/01/2024
001.Jens-Frederik Nielsen, Demokraatit
1. Aalisarnermut inatsisissatut siunnersuutissaq maanna tusarniaavigineqartumut suliffeqarfiit ingerlatseqatigiiffiillu sorliit ilisimasassanik tunniussaqareerpat? a. Siunnersuusiassamut allaqqasussanut suliaqarnermi nassuiaatinut ilaalu ilanngullugit Aalisarnermut Naalakkersuisoqarfimmi atorfilittat avataasigut allat peqataasimappat? 2. Nunatsinni aalisarneq saqpinngisaq tamaat ingerlalluarlunilu isaatitsilluassasoq Naalakkersuisut Demokraatit isumaqatiginerlunikku? a. Qanoq aalisarnermut inatsisissaq aalisarneq ingerlalluartumut isaatitsilluartumullu siuarsaanissaa Naalakkersuisut isumaqarfigaat? 3. Aalisarnermut inatsisissaq ilusimisut akuerineqassagaluarpat Polar Seafood Greenland pisassiissutit annertuut annaasussaavaat. Matumani suliffeqarfimmut inuiaqatigiinnullu kingunissaanut sunniutissaanullu tunngasunik Naalakkersuisut Polar Seafood Greenland kisitsisinik aallerfiginikuunerlunikku? a. Taamaanngippat; sooq taamaaliortoqanngila? 4. Royal Greenland A/S inatsisissatut siunnersuummi suliniutissanut arlariinnut ilanngunneqarsimanngilaq. Matumani suna tunngaviua? a. Inatsisissatut siunnersuummi suliffeqarfiit allat pinnagit Royal Greenland A/S pitsaaqutissanik tuniorarneqarsimavoq. Matumani suna tunngaviua? 5. Royal Greenland A/S pisortat aningaasaqarnerannut ilaaginnartussatut Naalakkersuisut isiginerlunikku? a. Inatsisissatut siunnersuummi arlaleriartumik “pisortat” aammalu/imaluunniit “pisortat aningaasaqarnerat” eqqaaneqarpoq, Royal Greenland A/S Namminersorlutik Oqartussallu innersuussutigalugit. Sooq kommuunit aningaasaqarnerat ernumassutinut eqqarsaatersuutigineqartulnullu ilanngunneqarsimanngillat? 6. Aalisarnermut inatsisissatut siunnersuusiornissamut sulinermi Aalisarnermut isumalioqatigiissitarsuup kisitsisaataat misissuisimanerallu Naalakkersuisunit qanoq tunngavigineqartiginiarpat? 7. Inatsisissatut siunnersuut utoqqalinersiassanut aningaasaateqarfiit nunatsinneersut pisassiissutinik aningaasaliisinnaanissaanut pigisaqarsinnaanissaannullu ammaassissooq. Matumani utoqqalinersiassanut aningaasaateqarfiit piginnaasaat taamatuttaarlu utoqqalinersiassanut aningaasaateqarfiit aningaasat pisariaqartinneqartunik ilumut pigisaqarsinnaanersut Naalakkersuisut misissuisimanerlutik? 8. Nalakkersuisut suliamut tunngasunik paasissutissanik allanik paasissutissiisinnaappat? Jens-Frederik Nielsen, Demokraatit Jens-Frederik Nielsen, Demokraatit

Tiguneqarpoq: 03/01/2024
Naalakkersuisunut nassiunneqarpoq: 04/01/2024