Tusagassiorfinnut nalunaarut

Aalisarnermut, Piniarnermut Nunalerinermullu Ataatsimiititaliami ilaasortat 2025-mi piffissami 5. decemberimiit 12. decemberimut Norgemut Danmarkimullu paasisassarsiorlutik angalapput. Paasisassarsiorluni angalanermi aalisarnerup iluani ilisimasanik isumassarsiorlunilu pissutsinut ineriartornermullu tunngasunik paasisaqarnissaq siunertaavoq.

Ataatsimiititaliaq ilisimatusartunit, CEO-nit kiisalu pisortani atorfilinnit aalisarnermut tungasunik saqqummiussiffigineqarput. Ataatsimiititaliap Norgemi Danmarkimilu tigulluarneqarnertik nuannaarutigaa. Ataatsimiititaliamit ukua pulaarneqarput:

•    NOFIMA (Norwegian Institute of Food, Fisheries and Aquaculture Research)
•    The Institute of Marine Research
•    SINTEF
•    Danmarks Fiskeriforening
•    Miljø- og Fødevareudvalget i Folketinget
•    Ministeriet for Fødevarer, Landbrug og Fiskeri
•    Landbrugs- og Fiskeristyrelsen
•    Fødevarestyrelsen

Angalanermi ataatsimiititaliaq periarfissinneqarpoq ilinniartitaanermut aaqqissuussaaneq, aqutseriaatsit kiisalu nammineq aalisarnermi nioqqutissanik tunisassiornissamut tuniniaanissamullu periarfissat nalilersornissaannut.

Lars Poulsen (siulittaasoq), Iddimanngiiu J. Bianco, Jørgen Rosbach, Jens Napãtôk’ (siulittaasup tullia) aamma Knud Kleemann Aalisarnermut, Piniarnermut Nunalerinermullu Ataatsimiititaliami ilaasortaapput. Angalanermi Lars Poulsen, Iddimanngiiu J. Bianco aamma Jørgen Rosbach ataatsimiititaliap angalaneranut peqataanissamut periarfissaqarsimapput.

Aalisarnermut, Piniarnermut Nunalerinermullu Ataatsimiititaliaq sinnerlugu
Lars Poulsen, siulittaasoq
Annertunerusumik paasisaqarusukkaanni ataatsimiititaliap siulittaasua oqarasuaammut attavigineqarsinnaavoq +299 55 18 84.