Ataatsimiititaliap angalanera

Inuussutissarsiornermut Aatsitassanullu Ataatsimiititaliamit ilaasortat amerlanerussuteqartut Bruxellesimut Københavnimullu ulluni 17.-21. nov 2025-mi angalasimapput. 

Bruxellesimut angalanermut siunertaavoq ataatsimiititaliap EU-Greenland Weekimut peqataanissaa, tassani Naalakkersuisut, nunatsinni suliffeqarfiit europamilu sumiiffinni assigiinngitsuni suleqataasut, soorlu inuussutissarsiornerup, nukissiuuteqarnerup, IT aamma sillimaniarnermut suliaqartut iluanneersut peqataaffigisaanni saqqummiunneqarput paasissutissanik katersiviit (datacentre), erngup nukissiorfiit, nukissiuummik-tunisassiorneq ilaalu ilanngullugit. 

Suliassaqarfinni pineqartuni ineriartornermut ilisimasaqarnerulerneq ataatsimiititaliamit pissarsissutigineqarpoq, aamma suut periarfissaasut aporfiusullu ullutsinni nassaassaasut ilaatigut erngup nukissiorfiinik pilersitsinissamut aamma nunatsinni paasissutissanik katersiviit (datacentre) pillugit, EU-mik europamilu assigiinngitsut suleqataasut suleqatigiinnerisigut saqqummiinerni oqaloqatigiinnernilu aallaavigineqarput.  

Taassuma saniatigut ataatsimiititaliap Minik Rosing Københavnimi ataatsimeeqatigaa, tassani nunatsinni sermimit aanikumit sioraaqqanik atuisinnaanerup ingeriartortinneqarnera pillugu paasisassarsiorluni. Ataatsimiinnermi Minik Rosingip suliffeqarfia saqqummiivoq, suliffeqarfimmit tamakkiisumik isiginninnerit kiisalu siunissami sermimit aannikumit sioraaqqanik-tunisassiorfeqalersinnaanermik pilersitsinerup nunatta aningaasatigut sunnerneqarsinnaanera eqqartorneqarput. 

Inuussutissarsiornermut Aatsitassanullu Ataatsimiititaliaq