Pingasunngornermi ulloq 12. november 2025, nal. 17.00-imut kinguartinneqarpoq Inatsisartulluunniit ataatsimiittarfianni ataatsimiinnerup kingorna ataatsimiittarfik Erling Høeghimi Aningaasa-qarnermut Ataatsimiititaliami siunersiuinissamut aggeqqusissut.

 

Inatsisartut suleriaasianni § 19 naapertorlugu siunersiorneqarnissamut Isumaginninnermut, Suliffeqarnermut, Nunamut Namminermut Avatangiisinullu Naalakkersuisoq Aningaasa-qarnermut Akileraartarnermullu Ataatsi¬miititaliamit matumuuna aggersarneqarpoq.

 

https://www.twitch.tv/inatsisartut

 

Suliffissanut isertarfiup nutaap ineriartortinnissaanut missingersuutinut sunniuteqanngit¬sumik ilassutitut aningaasaliissuteqarnissamik Naalakkersuisut qinnuteqaataata siusinneru¬sukkut suliarineranut atatillugu ataatsimiititaliaq aggersaavoq. Ataatsimiititaliap suliaa nr. 01.31.06-01143 ima inassuteqaatitalik:

 

”Naalakkersuisut inassutigaat,

Konto pingaarneq 31.07.02 Piginnaasanik ineriartortitsiviusumik pikkorissarnerit pillugit aningaasaliissutit  2025-mi 4.873.000 kr-inik.annikillineqassasut aamma 
Konto pingaarneq 82.20.03 Isumaginninnermut tunngatillugu IT-atortulersuusit, suliniut nr.40 088 Suliffissanut isertarfik nutaaq pillugu aningaasaliissutit 2025-mi 4.873.000 kr-inik qaffanneqassasut.”

 

Aningaasaqarnermut Ataatsimiititaliap oqaaseqaatai apeqqutaalu

Ataatsimiititaliap ulloq 8. oktober aalajangiinerani Naalakkersuisut ataatsimiititaliamit nalunaarfigineqarput inassuteqaatit siuliani allassimasut akuerineqanngitsut. Kinguarsaaq-qinnissaq pinngitsoorumallugu aalajangiinerup nassiunnissaa ataatsimiititaliamit pingaartin-neqarpoq, tamatumalu kingorna taanna suliamut apeqqutinik erseqqinnerusunik malitseqar-tinneqassamaarluni. Siuliani allassimasut tunngavigalugit suliaq pillugu apeqqutit matuma kingulianiittut Naalakkersuisunit akineqarnissaat ataatsimiititaliamit kissaatigineqarpoq.

 

Ataatsimiititaliap suliami aalajangiinerata malitsigisaanik pilersuisup Knowit Experience Danmark A/S-ip (Knowitip) eqqartuussissuserisuanit saaffiginnissummik tigusaqarsimalluni Naalakkersuisup ulloq 24. oktober nalunaarutigaa paasisaqartoqariarpallu Naalakkersuisup suliaq uterfigissanerarpaa.

 

Eqqartuussissuserisup saaffiginnissutaa suliffissanut isertarfiup aaqqissuussat arlallit im-minnut suleqatigiissinnaanngorlugit ineriartortinneqarnissaa, ingerlanneqarnissaa aammalu aserfallatsaalineqarnissaa pillugu Naalakkersuisoqarfimmut isumaqatigiissuteqarsimanermut tunngavoq. Kiisalu paasissutissiissutigineqarpoq tamatuma kingorna Knowitip ersarinne-rusumik paasisaqarnissap tungaanut suliniummik suliaqarnini unitsikkaa.  

Nalilinnik maangaannartitsinissaq aammalu suliap eqqartuussivikkut malersorneqarnissaa pinngitsoorniarlugu suliniut Naalakkersuisoqarfimmit piaarnerpaamik aallarteqqinneqassa¬soq Knowit sinnerlugu eqqartuussissuserisup allakkani kaammattuutigaa.

 

Apeqqut 1:
Allakkani 24. oktoberimeersuni Knowitip Naalakkersuisumit pilersuisutut taaneqarne-ranut suna tunngaviua, naak Naalakkersuisup 1. oktober nammineq allagai malillugit isumaqatigiissut atuuttussanngorlugu atsiorneqarsimanngitsoq allassimasoq? 

 

Allakkani ataatsimiititaliap Naalakkersuisunit ulloq 1. oktober tigusaani ilaatigut allas-simavoq isumaqatigiissutip atsiorneqarnissaanut ilassutitut aningaasaliissuteqarnissaq pillu¬gu suliassap nassuinneqareersup Aningaasaqarnermut Akileraartarnermullu Ataatsimiitita¬liamit aalajangiiffigineqarnissaa utaqqineqassasoq.

 

Apeqqut 2:
Eqqartuussissuserisup allagaani ulloq 24. oktober tiguneqartuni paasissutissiissutigine-qarpoq isumaqatigiissut Knowitip atsioreerlugu ulloq 12. junimili utertissimagaa, tamatumalu kingorna Naalakkersuisoqarfimmi suliamik ingerlatsisumut suliniummut piffissalersuummik erseqqinnerusumik isumaqatigiissutigineqartoq naapertorlugu suliniut aallartinneqartoq. Ilassutitut aningaasaliissuteqarnissamik Naalakkersuisunit qinnuteqaammik ataatsimiititaliaq aatsaat ulloq 11. august tigusaqarmat Naalak-kersuisut ataatsimiititaliamit qinnuigineqarput nassuiaatigeqqullugu suliniummut piffissalersuut naapertorlugu aammalu Naalakkersuisoqarfimmut erseqqinnerusumik isumaqatigiissuteqarnikkut Knowit aamma Naalakkersuisoqarfik qanoq ilillutik isumaqarsinnaanersut suliniummik 12. junip kingornali aallartitsisinnaallutik? 

 

Apeqqut 3:
Suli¬niummik suliarinninnerup ingerlasup unitsinneqarnissaanik Naalakkersuisoqarfimmit ulloq 9. oktober qinnuigineqarsimanini sooq Knowitip paasissutissiissutigineraa Naalakkersuisunit akissuteqarfigineqassasoq tassunga atatillugu ataatsimiititaliamit kissaatigineqarpoq.

 

Apeqqut 4:
Isumaqatigiissutip siuliani taaneqartup atuuttussanngorlugu isumaqatigiissutigine-qarsimannginnera Naalakkersuisup allakkatigut ulloq 1. oktoberimeersutigut nutaatut paasissutissiissutigaa. Naalakkersuisup paasissutissiissutigaa isumaqatigiissut suliamik taamaallaat isumaginnittumit ulloq 8. september 2025-mi atsiorneqarsima¬soq, tigusi-sussamulli naalakkersuisoqarfimmit nassiunneqarsimanngitsoq.
Aningaasaqarnermut Akileraartarnermullu Ataatsimiititaliap suliami aalajangiinera suli tiguneqanngitsoq atorfilittat Knowitimut isumaqatigiissummik sooq atsiuisima¬nersut nassuiaatigeqqullugu Naalakkersuisut ataatsimiititaliamit qinnuigineqarput.

 

Apeqqut 5:
Naalakkersuisut suliami matumani inassuteqaataasa akuerineqannginnerat ataatsimiiti-taliap 8. oktobarimi aalajangiinermini Naalakkersuisunut nalunaarutigereermagu illua-tungeriit ilaatigut suliniutip inaarsarneqarnissaanik oqaloqatigiinnerannik imaqartumik Knowitip Naalakkersuisoqarfiullu akornanni kingullermik ulloq 8. oktober ataatsi-miittoqarsimaneranik Knowitip sooq paasissutissiissutigineraa Naalakkersuisumit akineqassasoq ataatsimiititaliamit kissaatigineqarpoq. Knowit naapertorlugu suliniutip ingerlanneqarnissaanut aningaasalersuinissaq apeqqutaasoq tamanna tikillugu Knowi-timut ilisimatitsissutigineqarsimanngilaq.

 

Apeqqut 6: 
Suliffissanut isertarfimmut atatillugu neqerooruteqartitsinermi piumasaqaatit tunngavissallu Aningaasaqarnermut Akileraartarnermullu Ataatsimiititaliami siusinnerusukkut ulloq 29. september siunersiuinermi Naalakkersuisup nassuiaatigai.

Neqerooruteqartitsinermi piumasaqaatit eqqortinneqarsimasut Naalakkersuisumit uppernarsarneqarsinnaava?

 

Apeqqut 7: 
Suliamut atatillugu Naalakkersuisoqarfimmi inatsisitigut misissuineq ingerlanneqarsimanersoq imaluunniit maanna ingerlanneqarnersoq ilisimatitsissutigineqassasoq ataatsimiititaliamit kissaatigineqarpoq.

 

Apeqqut 8: 
Inatsisit naapertorlugu ulloq 1. januar 2026 suliffissanut nutaamik isertarfeqarnissaa Naalakkersuisunit qanoq qulakkeerneqassava?

 

Isumaqatigiissutip imminnut assortuuttunik oqaaseqarfigineqartup tigussaasumik paasi-narsisinneqarnissaa eqqarsaatigalugu isumaqatigiissutit inaarutaasut illuatungeriit tamarmik immikkut atsiugaasa assilineqarnerat ataatsimiititaliamit qinnutigineqarpoq.

 

Siunersiuinermi ataatsimiititaliap pingaarnertut kissaatigisaa tassaavoq suliap ingerlanerata tamarmiusup paasinarsisinneqarlunilu qulaajarneqarnissaa. Taamaattumillu atortussat tamatumunnga iluaqutaasinnaasut allat ataatsimiititaliamit qinnutigineqarput.

 

 

Inussiarnersumik inuulluaqqusillunga

Erik Jensen
Aningaasaqarnermut Akileraartarnermullu Ataatsimiititaliap siulittaasua

 

 

Ammasumik Siunersiuinermi apeqqutinut akissutit - 12. November 2025