Ilaqutariinnermut Peqqissutsimullu Ataatsimiititaliaq avannaanut paasisassarsiorluni angalavoq

Ilaqutariinnermut Peqqissutsimullu Ataatsimiititaliami ilaasortat amerlanerussuteqartut ulluni 22.-27. juni 2026 Ilulissanut, Qeqertarsuarmut Qasigiannguanullu angalavoq.

Ilulissanut, Qeqertarsuarmut Qasigiannguanullu angalanermi peqqinnissaqarfik, kigutigissaasarneq, utoqqaat atugaat, meeqqat meeqqerivinniittut peqqissusaat, meeqqat inuusuttullu atugaat inuillu innarluutillit angerlarsimaffiat pulaarneqartut pillugit paasisaqarfiginissaat siunertaavoq.    

Ataatsimiititaliaq Upernavimmukartussaagaluarpoq, timmisartuussinissarli kinguaattoormat taarsiullugu Qeqertarsuarmut Qasigiannguanullu angalanissamut allanngortinneqarluni. Angalanerup siunertaa allanngortinneqanngilaq, tikinneqartussanili suliffeqarfiit takuniarneqartussat amerlineqarlutillu naleqqussarneqarlutik.

Peqqinnissaqarfimmi aamma kigutigissaanermi inuit ulloq unnuarlu meeqqanik, inuusuttunik utoqqarnillu sullissisut atugaat pillugit aammalu inuit innarluutillit najugaqarfii utoqqaallu najugaqarfii nunap immikkoortuiniittut ataatsimiititaliap angalanermini paasisaqarfigai.

Illoqarfinni tikitamini tikilluaqqusaanerminut tikinneqartunilu suliffeqarfinni sulisunut naapitaminut ataatsimiititaliaq qujassuteqarpoq.  

Pipaluk Olsen

Ilaqutariinnermut Peqqissutsimullu Ataatsimiititaliap siulittaasua