Inatsisartunut ilaasortat tamarmik Inatsisartut ataatsimiinnissaannut siunnersuutinik saqqummiussinissamut periarfissaqarput

UKA2026-mi oqaluuserisassat tamanut saqqummiunneqarnerannut atatillugu assigiinngitsunik qisuariaateqartoqartoq Siulittaasoqarfimmit maluginiarneqarpoq.

Tassunga atatillugu erseqqissaatigissavara ilaasortat partiilluunniit siunnersuutinik saqqummiussinissamut periarfissaat killiliivigineqarsimanngimmat. Siunnersuutinik Inatsisartut maanna ataatsimiinnissaanni angumerineqarsinnaasunit amerlanerujussuarnik nassiussisoqarsimavoq.

Taamaattumillu sorliit Inatsisartut maanna ataatsimiinnissaanni suliarineqarsinnaanersut aammalu sorliit Inatsisartut tullianik ataatsimiinnissaannut kinguartinneqarsinnaanersut partiit namminneq pingaarnersiortariaqarsimavaat. Qulakkeerniarneqarsimasoq tassatuaavoq ilaasortat ataasiakkaat, ataatsimiititaliat allaffeqarfillu eqqarsaatigalugit Inatsisartut ataatsimiinnerata illersorneqarsinnaasumik ingerlanneqarnissaa.

Ikinngutinnersumik inuulluaqqusillunga

Kim Kielsen
Inatsisartut Siulittaasuat