Inatsisartoqarfik
UPA2015
Arlaat toqqaruk

Oqaluuserisassat oqaluuserineqarfissaasalu ullui

2015-imi Upernaakkut ataatsimiinneq
Print
Immikkoortup normua / Suliarineqarnissaata ullua
Siunnersuutit qulequtaat
Imm./pkt.: 37-5
Nal. 11:00-imiit 12:00-imut akunneq apeqquteqarfissaq.
( § 37 imm. 5, naapertorlugu) Uani tulleriiaarneri takuneqarsinnaapput.
()
Imm./pkt.: 1
Ataatsimiinnerup ammarneqarnera.
(Inatsisartut Siulittaasoqarfiat )
Imm./pkt.: 2
Ullormut oqaluuserisassanut nassuiaat.
(Inatsisartut Siulittaasoqarfiat)
Imm./pkt.: 4
Inatsisartut ataatsimiititaliaannut ataavartunut sinniisoqarfinnullu ilaasortassanik sinniisussaannillu qinersineq.
(Inatsisartut Siulittaasoqarfiat )
Imm./pkt.: 6
2015-mi Inatsisartut ukiakkut ataatsimiinnissaata aalajangiiffigineqarnera.
(Inatsisartut Siulittaasoqarfiat)
Imm./pkt.: 7
2015-mut aningaasanut inatsisissatut siunnersuut.
(Aningaasaqarnermut Aatsitassanullu Naalakkersuisoq)
Imm./pkt.: 8
2014-imut Ilassutitut aningaasaliissutissanut inatsisissatut siunnersuut.
(Aningaasaqarnermut Aatsitassanullu Naalakkersuisoq)
Imm./pkt.: 9
Inatsisartut Ombudsmandiata 2013-imut ukiumoortumik nalunaarutaata Inatsisartunit tusaatissatut tiguneqarnissaanik Inatsisartut aalajangiiffigisassaattut siunnersuut.
(Inatsisinut ataatsimiititaliaq)
Imm./pkt.: 10
Aningaasaqarnikkut ingerlatsineq pillugu nalunaarut 2015.
(Aningaasaqarnermut Aatsitassanullu Naalakkersuisoq)
Imm./pkt.: 11
2013-imut Nunatta Karsiata naatsorsuutaasa akuersissutigineqarnissaannik siunnersuut.
(Aningaasaqarnermut Aatsitassanullu Naalakkersuisoq)
Imm./pkt.: 12
2016-imi akileraarutitigut ilanngaatissat il.il. imatut angissusilerneqarnissaannik Inatsisartut aalajangiinissaannik siunnersuut:
1. Inummut ilanngaat.........................kr. 48.000 (ukiumut)
2. Ilanngaat aalajangersimasoq................kr. 10.000 (ukiumut)
3. Aningaasarsiat B-t akileraaruteqaataasussaanngitsut..kr. 5.000 (ukiumut)
4. Killilimmik akileraartussaatitaasut ilanngaataat.kr. 1.000 (ukiumut)
5. Kommuninut ataatsimut akileraarut..................................6%
(Aningaasaqarnermut Aatsitassanullu Naalakkersuisoq)
Imm./pkt.: 16
Illoqarfinni nunaqarfinnilu amerlasuuni aqquserngit aserfallassimaqisut qanoq pitsanngorsarneqarsinnaanerat pillugu apeqquteqaat aallaavigalugu oqallinnissamik siunnersuut.
(Inatsisartunut ilaasortaq Anders Olsen, Siumut)
Imm./pkt.: 17
Uummasuutillit tunisassiornikkut, ingerlatsinikkut malitsigisaanillu uummasuutit pissarsissutaanerat annertusarniarlugu pissutsit atugaat pillugit pitsaangorsaanissaq pillugu apeqquteqaat aallaavigalugu oqallinnissamik siunnersuut.
(Inatsisartunut ilaasortaq Suka K. Frederiksen, Siumut)
Imm./pkt.: 18
Aalisariutit 19,99 BRT / 31,99 BT-imit anginerusut aalajangiiffigisassatut siunnersuutip tungavilersuutaani ilanngussamilu ilitsersuutigineqartut naapertorlugit aalisarsinnaaffii killeqarfilerneqarsinnaanersut - aningaasaqarnikkut kinguneqaatissat ilanngullugit - Naalakkersuisut UKA2015-imi saqqummiunneqartussamik misissueqqullugit peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Nikolaj Jeremiassen, Siumut)
Imm./pkt.: 19
Raajanut qaleralinnullu licensit killeqanngitsumik piffissalerlugit pigineqartarnerisa Aalisarneq pillugu inatsisartut inatsisaat nr. 18, 31. oktober 1996-imeersoq-mi § 14 atorlugu, ukiunik tallimanik sioqqutsisumik ilimasaaruteqarnikkut killilerneqartalersinnaanerat aningaasaqarnikkullu kinguneqaatissat ilanngullugit - Naalakkersuisut UKA2015-imi saqqummiussassamik misissueqqullugit peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Nikolaj Jeremiassen, Siumut)
Imm./pkt.: 20
Utoqqalinersiaqartut qanigisaannik toqusoqartillugu Kalaallit Nunaanni ilisiartornissamut ukiumut ataasiarlutik pisortanit akiliunneqartalernissaat isumageqqullugu Naalakkersuisut peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Nikolaj Jeremiassen, Siumut)
Imm./pkt.: 22
Nunatta inuiattut timersornikkut unammersuartarfissaanik qulisamik "National stadion"-imik pilersitsinissaq siunertaralugu Naalakkersuisut pilersaarummik kingusinnerpaamik UKA2016-mi saqqummiunneqartussamik suliaqaqqullugit peqquneqarnissaanik Inatsisartut aalajangiiffigisassaattut siunnersuut. Pilersitsinissamut pilersaarummi misissorneqassapput unammersuartarfissap ingerlanneqarnerani sanaartornissamilu aningaasatigut pissutsit atuuttussat.
(Inatsisartunut ilaasortaq Anders Olsen, Siumut)
Imm./pkt.: 23
Allanut ajunngitsuliorneq inuiaqatigiinnik kivitseqataaneq, utertitsiffigineqarnissamik akissarsinissamilluunniit siunertaqanngitsoq, inooriaatsitsinni annertunerujussuarmik ileqquliuteqqittariaqarnerata qanoq iliornikkut aaqqissuussamik piviusunngortinneqarsinnaanera pillugu apeqquteqaat aallaavigalugu oqallinnissamik siunnersuut.
(Inatsisartunut ilaasortaq Vivian Motzfeldt, Siumut)
Imm./pkt.: 31
Inuiaqatigiit kissaataat tunngavigalugit nunap ilaani aatsitassarsiorfissanik inerisaaviusussanik pilersitsinissaq aammalu nunap ilaani allani avatangiisit, ilorrisimaarneq, inuussutissarsiutit pioreersut assigisaalluunniit tunngavigalugit aatsitassarsiorfigineqarusunngitsunik pilersitsinissaq pillugu oqallisissiamik saqqummiusseqqullugit Naalakkersuisut peqquneqarnissaanik Inatsisartut aalajangiiffigisassaattut siunnersuut. Oqallisissiaq innuttaasunik, soqutigisaqaqatigiinnik aalajangiisartunillu peqataatitsinikkut amerlasuunit akuuffigineqartumik oqallinnissamut toqqammaviussaaq. Oqallisissiaq 2016-imi upernaakkut ataatsimiinnissaq nallertinnagu naammassineqareersimassaaq.
(Inuit Ataqatigiit Inatsisartunut ilaasortaatitaat)
Imm./pkt.: 32
Allannguutissatut siunnersuut Kultureqarnermut, Ilinniartitaanermut Ilisimatusarnermut Ilageeqarnermullu Ataatsimiititaliamit saqqummiunneqartoq,
"Kulturikkut ingerlatsineq sunngiffimmilu sammisassaqartitsineq pillugit Inatsisartut peqqussutaata nr. 10-p, 21. maj 2002-meersup allannguutissaatut siunnersuummik kingusinnerpaamik UPA 2016-imi saqqummiusseqqullugit Naalakkersuisut peqquneqarnissaannik Inatsisartut aalajangiiffigisassaattut siunnersuut, taamaaliornikkut kulturimut immikkut inatsimmik aammalu timersornermut immikkut inatsimmik suliaqartoqarsinnaaqqullugu."
(Inatsisartunut ilaasortaq Peter Olsen, Inuit Ataqatigiit)
Imm./pkt.: 33
Aappass. UKA 2015
Naalagaaffiit Peqatigiit meeqqat pillugit isumaqatigiissutaata ilanngunneqarnissaa pillugu kingusinnerpaamik 2016-imi ukiakkut ataatsimiinnermi Inatsisartut inatsisaattut siunnersuuteqaqqullugit Naalakkersuisut peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Aaja Chemnitz Larsen, Inuit Ataqatigiit)
Imm./pkt.: 35
Aappass. UKA 2015
Inuit Pisinnaatitaaffii pillugit Sullissivimmik pilersitsinissaq sulissutigeqqullugu aamma Naligigiimmik pineqarnissaq pillugu Ataatsimiititaliamik pilersitseqqullugit Naalakkersuisut peqquneqarnissaannik Inatsisartut aalajangiiffigisassaattut siunnersuut. Inuit Pisinnaatitaaffii pillugit Sullissiviup Inuit Pisinnaatitaaffiinut Kalaallit Nunaata Siunnersuisooqatigiivinik allatsitut sullissineq tigussavaa taamatullu Naligigiimmik pineqarnissaq pillugu Ataatsimiititaliaq allatseqarfittut sullisissallugu.
(Inatsisartunut ilaasortaq Aaja Chemnitz Larsen, Inuit Ataqatigiit)
Imm./pkt.: 36
Piitsuussutsip killinganik kingusinnerpaamik UPA 2016-imut atatillugu aalajangersaaqqullugit Naalakkersuisut peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Aaja Chemnitz Larsen, Inuit Ataqatigiit)
Imm./pkt.: 37
Allannguutissatut siunnersuut Naalakkersuisunit saqqummiunneqartoq akuerineqarpoq.
Ilaqutariit meerartallit akornanni piitsuussuseq immikkut ukkataralugu aningaasatigut naligiinnginnerup piitsuussutsillu akiorneqarnissaanut iliuusissatut pilersaarusioqqullugit Naalakkersuisut peqquneqarnissaannik Inatsisartut aalajangiiffigisassaattut siunnersuut. Iliuusissatut pilersaarut kingusinnerpaamik UKA 2016-imut atatillugu inaarsarneqareersimassaaq.
(Inatsisartunut ilaasortaq Aaja Chemnitz Larsen, Inuit Ataqatigiit)
Imm./pkt.: 38
Allannguutissatut siunnersuut Naalakkersuisunit saqqummiunneqartoq akuerineqarpoq.
Kommunini sulisut meeqqanik inuusuttunillu ajornartorsiuteqartunik tunngasunik oqaloqatigiinnissat siunertaralugit sulisut pineqartut qanoq assigiinngitsunik amerlatigisunik, kiisalu suliassiissutinik sulinerminnilu qanoq nammataqartiginersut, taamatullu suliassanut nukissanik naammaattunik peqartitsinersoq, kiisalu isumaginnittunut suliassat qanoq amerlassuseqarnissaat pillugu periarfissaqarnersoq, tamannalu pissusissamisoortuunersoq pillugit oqaloqateqarnissaq. Naalakkersuisut peqquneqarnis-saannik Inatsisartut aalajangiiffigisassaatut siunnersuut. Naalakkersuisut misissuinerisa naliliinerisalu inernera nalunaarusiorneqarluni kingusinnerpaamik 1. april 2016 Inatsisartunut tunniunneqassaaq.
(Inatsisartunut ilaasortaq Aaja Chemnitz Larsen, Inuit Ataqatigiit)
Imm./pkt.: 39
Pittuffik, Thule Air Base, pillugu apeqquteqaat aallaavigalugu oqallittoqarnissaanik siunnersuut. Amerikkarmiut nunatsinniinnerannit Kalaallit Nunaat sutigut iluaquserneqassava? Aningaasatigut pissarsiassatigut qanoq piumasaqaateqassaagut, isumaqatigiissutillu sorliit isumaqatigiinniutigineqaqqinnissaannik piumasaqaateqassaagut?
(Inatsisartunut ilaasortaq Sara Olsvig, Inuit Ataqatigiit)
Imm./pkt.: 40
Innuttaasut pisariaqartitsilernerni ukioq kaajallallugu kigutigissaasoqarfi-unngitsuni najugaqartut tassanngaannartumik suliaritittariaqartut isumagineqarfissaminnut qaninnermut angalanissaminnut akiliutissaannik ikiorserneqarsinnaaqqullugit Peqqinnissaqarfiup sullissineri il.il. pillugit Inatsisartut peqqussutaata nr. 15-ip, 6. november 1997-imeersup allanngortinnissaanik Naalakkersuisut peqquneqarnissaannik Inatsisartut aalajangiiffigisassaattut siunnersuut.
(Inatsisartuni ilaasortaq Juliane Henningsen, Inuit Ataqatigiit)
Imm./pkt.: 41
Allannguutissatut siunnersuut Suleriaatsimut Ataatsimiititaliamit isumaqatigiittumit saqqummiunneqartoq akuerineqarpoq.
Inatsisartunut ilaasortat ulloq taanna Inatsisartunut qinerneqarnerminniit (ulloq qinersivik) aatsaat akissarsiaqartalernissaat pillugu Inatsisartuni Naalakkersuisunilu il. il. ilaasortat aningaasarsiaqartitaanerat il. il. pillugit Inatsisartut inatsisissaani nr. 22-mi, 18. december 2003-meersumi (Aningaasarsiat pillugit Inatsit) § 2 imm. 1-p allanngortinnissaanut siunnersuuteqaqqullugit Naalakkersuisut peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Randi Vestergaard Evaldsen, Demokraatit)
Imm./pkt.: 42
Inatsisartuni Naalakkersuisunilu il. il. ilaasortat aningaasarsiaqartitaanerat il. il. pillugit Inatsisartut inatsisissaani nr. 22-mi, 18. december 2003-meersup (akissarsiaqarnermut Inatsit) imatut allanngortinnissaanut siunnersuuteqaqqullugit Naalakkersuisut peqquneqarnissaannik Inatsisartut aalajangiiffigisassaattut siunnersuut:
1. Naalakkersuisuni Inatsisartuniluunniit ilaasortaasimasut sivisunerpaamik ilaasortaajunnaarnersiaqarsinnaatitaanerat apparneqassaaq qaammatini aqqaneq-marlunniit qaammatinut arfinilinnut.
2. Inatsisartuni Naalakkersuisuniluunniit ilaasortat ukiup atuuffiusup ataatsip allartinnerani ilaasortaajunnaarnersiutisiassaat qaammammik ataatsimik ilaneqartassapput.
3. Ilaasortaajunnaarnersiutisiaqarnissap sivikinnerpaaffia maannakkut qaammatinik pingasunik sivisussuseqartoq qaammammut ataatsimut apparneqassaaq.
(Inatsisartunut ilaasortaq Randi Vestergaard Evaldsen, Demokraatit)
Imm./pkt.: 43
Inatsisartut aamma Inatsisartut allaffeqarfiani aningaasartuutit tamanit takuneqarsinnaanngornissaat kiisalu kialluunniit paasiniaasinnaanngornissaa anguniarlugu Inatsisartut Suleriaasiata allanngortinnissaanut Inatsisartut Siulittaasoqarfia saqqummiusseqqullugu peqquneqarnissaanik Inatsisartut aalajangiiffigisassaattut siunnersuut.
(Inatsisartunut ilaasortaq Randi Vestergaard Evaldsen, Demokraatit)
Imm./pkt.: 44
Naalakkersuinikkut sulinermut aningaasatigut tapiissuteqartarneq pillugu Inatsisartut inatsisaata allanngortinneqarnissaanut Naalakkersuisut UKA15-imi allannguutissatut siunnersuuteqaqqullugit peqquneqarnissaannik Inatsisartut aalajangiiffigisassaattut siunnersuut, § 2 naapertorlugu partiinut tapiissutaasartut ersoqatigiinnerusumik agguataarneqarnissaat anguniarlugu, partiimut qinigaasumut tunngaviusumik tapiissutit 900.000 koruuninut annertusillugit, Inatsisartunullu ilaasortaatitamut ataatsimut tapiissutit 150.000 koruuninut annikillisillugit. Allannguut januaarip aallaqqaataani 2016-imi atuutilersinneqassaaq.
(Inatsisartunut ilaasortaq Justus Hansen, Demokraatit)
Imm./pkt.: 45
Naalakkersuisut danskit naalagaaffiannik kiisalu danskit soraarnerussutisiaqalernissamut aningaasaateqarfiinik Kalaallit Nunaannut aningaasaliisarfimmik aningaasaateqarfiliortoqarnissaa namminersorlutik oqartussanut soqutiginaateqarnera pillugu apeqquteqaat aallaavigalugu oqallinnissamik siunnersuut. Aningaasaateqarfiliortoqarnissap anguniangarivaa siunissami inuussutissarsiornikkut suliassanut, ilaatigut aatsitassarsiornikkut, takornariaqarnermut, aalisarnermut, ataqatigiinnermullu aaqqissuussinermi suliassanut avataaniik aningaasaliisalernissaq.
(Inatsisartunut ilaasortaq Justus Hansen, Demokraatit)
Imm./pkt.: 48
Kalaallit Nunaanni kisitsisit atukkagut danskinit pissarsiarisagut taarserlugit asiamiut kisitseriaasiannik taarserneqarsinnaanerat pillugu apeqquteqaat allaavigalugu oqallinnissamik siunnersuut.
(Inatsisartunut ilaasortaq Michael Rosing, Demokraatit)
Imm./pkt.: 50
Nunatsinni tamani utoqqaat illuisa pilersaarusiorfigineqarnissaanik siunnersuut apeqquteqaat aallavigalugu oqallittoqarnissaanik siunnersuut tamatumuuna saqqummiuppara.
(Inatsisartunut ilaasortaq Hans Enoksen, Partii Naleraq)
Imm./pkt.: 51
Pisortat inissiattaannik aqutsinermi akissaajaatit ikililerneqarsinnaanerannik periarfissat pillugit misissuisoqarnissaanik apeqquteqaat aallaavigalugu oqallinnissamik siunnersuut.
(Inatsisartunut ilaasortaq Hans Enoksen, Partii Naleraq)
Imm./pkt.: 52
Sul. UKA 2015
Apeqquteqaat aallaavigalugu oqallisissatut siunnersuut, qanoq aaqqissuussinikkut nunatsinni inuiaqatigiinni sapinngisamik pitsaanerpaamik meeqqat suli atualinngitsut illoqarfinni nunaqarfinnilu paaqqutarineqarnissamik pisariaqartitsisut ulluunerani paaqqinnittarfinni angerlarsimaffinniluunniit paarineqarnissamik neqeoorfigineqarsinnaanersut pillugu.
(Inatsisartunut ilaasortaq Hans Enoksen, Partii Naleraq)
Imm./pkt.: 53
Sul. UKA 2015
Nunatsinni sulisinnaasut tamarmik atorneqalernissaat anguniarlugu, minnerunngitsumillu kalaallinik atorfilinnik qaffakkiartortitsinissamik anguniaqartumik, atorfilinnik pikkorissaasanerup kalaallinut iluaqutaanerusumik aaqqissuunneqarnissaanik oqallinnissamik siunnersuut.
(Inatsisartunut ilaasortaq Hans Enoksen, Partii Naleraq)
Imm./pkt.: 54
Upernaviup eqqaani nunaqarfimmi Kullorsuarmi timersortarfiliornissamut Naalakkersuisut AIS 2016-mut 25 mio. koruninik immikkoortiteqqullugit peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Hans Enoksen, Partii Naleraq)
Imm./pkt.: 55
2015-imi Inatsisartut ukiakkut ataatsimiinnissaannut Nuussuarmi Upernaviup nunaqarfiisa ilaanni nutaamik illu sullivimmik nakorsiartarfittalerlugu sananermut atatillugu pissutsinik aningaasatigullu tunngasunik misissuinissamut Naalakkersuisut peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Hans Enoksen, Partii Naleraq)
Imm./pkt.: 56
Aalisarnermut immikkoortitat pillugit Inatsisartut inatsisaata allanngortinnissaanut Naalakkersuisut peqquneqarnissaannik Inatsisartut aalajangiiffigisassaattut siunnersuut, taamaalilluni isaterinissamut tapiissutinik akiliuteqarnermi aalisarsinnaanermut akuersissutit siunissami atorunaarsinnissaat periarfissaajunnaassalluni.
(Inatsisartunut ilaasortaq Hans Enoksen, Partii Naleraq)
Imm./pkt.: 57
Meeqqanut suli atualersimanngitsunut naleqquttumik Kullorsuarmi perorsaanikkut ineriartornissamut neqerooruteqalersinnaanermut tunngatillugu sanaartornikkut pisariaqartitsinerup misissuiffigneqarnissaanik Naalakkersuisut peqquneqarnissaat pillugu Inatsisartut aalajangiiffigisassaattut siunnersuut. Misissuinermut ilaliullugu kommunimut pineqartumut inassuteqaatinik suliaqartoqartariaqarpoq, nammineq killiliussat iluanni pisariaqartitsinerup tamatuma naammassiniarneqarsinnaanera pillugu.

(Inatsisartunut ilaasortaq Hans Enoksen, Partii Naleraq)
Imm./pkt.: 58
Inatsisit attuumassuteqartut allanngortinneqarnissaannut siunnersuummik UPA 2016-imut Naalakkersuisut suliniuteqaqqullugit peqquneqarnissaat pillugu Inatsisartut aalajangiiffigisassaattut siunnersuut, taamaaliornikkut inoqutigiit 400.000 kr.-t ataallugit isertitallit napparsimasut angerlarsimaffianni nerisaqarnermut ineqarnermullu akiliuteqartarunnaarsinnaaqqullugit.
(Inatsisartunut ilaasortaq Anthon Frederiksen, Partii Naleraq)
Imm./pkt.: 59
Apeqquteqaat tunngavigalugu oqallittoqarnissaanik siunnersuut, qanoq iliornikkut aalisartunut piniartunullu atortuminnik piniutiminnillu ajunaarnersuaqartillugu annaasaqarsimasunut pisortaniit ikiorsiisarnerup nukittorsarneqarsinnaanera pillugu.
(Inatsisartunut ilaasortaq Anthon Frederiksen, Partii Naleraq)
Imm./pkt.: 61
Allannguutissatut siunnersuut akuerineqarpoq.
Inatsisartut aalajangiiffigisassaattut siunnersuut Naalakkersuisut peqquneqassasut inuusuttunut timersornikkut piginnaasaqarluartut eqqarsaatigalugit timersornermik ingerlatsinerup saniatigut ilinniakkamik ingerlatisinnaanissaat eqqarsaatigalugu timersornermut højskolemik pilersitsisinnaanermut periarfissanik misissueqqullugit.
(Inatsisartunut ilaasortat Siverth K. Heilmann aamma Steen Lynge, Atassut)
Imm./pkt.: 63
Aappass. UKA 2015
Inatsisartut aalajangiiffigisassaattut siunnersuut Naalakkersuisut peqquneqassasut Nukissiorfinnut nalunaaruteqaqqullugit, akinut suliffeqarfiup allattorsimaffiani allaqqasut allanngortinneqassasut, siunissami ima allassimalerluni innaallagissamut atuisut nunami aalisakkanik suliffissuarnut innaallagissamut akikillisaaffigisaraat aammalu imermik atuisut nunami aalisakkanik suliffissuarnut imermik akikillisaaffigisarai, maannakkutut ikkunnaarluni Nuummiunerusut ataatsimoorullugu kiassarnermik atuisunit akilerneqartarunnaarsillugit.
(Inatsisartunut ilaasortat Siverth K. Heilmann aamma Steen Lynge, Atassut)
Imm./pkt.: 71
Uunga siunnersuut: SIKUKI Nuuk Harbour A/S aamma Nuummi umiarsualiviliorneq pillugu Inatsisartut inatsisaat nr. xx, xx.xx.2015-imeersoq.
(Naalakkersuisut Siulittaasuat)
Imm./pkt.: 72
Uunga siunnersuut: Tarnimikkut nappaatilinnik kiffaanngissusiiaaneq allatigullu pinngitsaaliissummik iliuuseqarneq pillugu Inatsisartut Inatsisaata allanngortinnera pillugu Inatsisartut inatsisaat nr. xx, xx. xxx 2015-imeersoq.
(Pinngitsaaliissummik katsorsarneqarnermi eqqarsarfissinneqarneq, Napparsimasunut siunnersortinik atorfinitsitsisarnermi aalajangiinissamut pisinnaatitsineq, Maalaaruteqartarneq aamma eqqartuussivilersuussisinnaaneq)
(Peqqissutsimut Nunanillu Avannarlernik Suleqateqarnermut Naalakkersuisoq)
Imm./pkt.: 73
Allannguutissatut siunnersuut Naalakkersuisunit saqqummiunneqartoq
Uunga siunnersuut: Umiarsualiviit pillugit Inatsisartut inatsisaat nr. xx, xx. xx 2015-imeersoq.
(Ineqarnermut, Sanaartornermut Attaveqaqatigiinnermullu Naalakkersuisoq)
Imm./pkt.: 74
Imaanut aqqartartutut suliaqarneq aqqartartullu atortui il.il. pillugit inatsisip allannguutai pillugit inatsisip Kalaallit Nunaannut atortuulersinneqarnissaanik kunngip peqqussutaa pillugu Kalaallit Nunanni Namminersorlutik Oqartussat oqaaseqaataat pillugu Inatsisartut aalajangiinissaat.
(Ineqarnermut, Sanaartornermut Attaveqaqatigiinnermullu Naalakkersuisoq)
Imm./pkt.: 75
Ilisimasortat pillugit inatsisip ilaata Kalaallit Nunaannut atortuulersinneqarnissaanik kunngip peqqussutaa pillugu Kalaallit Nunanni Namminersorlutik Oqartussat oqaaseqaataat pillugu Inatsisartut aalajangiinissaat.
(Ineqarnermut, Sanaartornermut Attaveqaqatigiinnermullu Naalakkersuisoq)
Imm./pkt.: 76
Imarsiornerup isumannaatsuunissaa pillugu inatsisit allannguutaat pillugit inatsisip Kalaallit Nunaannut atortuulersinneqarnissaanik kunngip peqqussutaa pillugu Kalaallit Nunaanni Namminersorlutik oqartussat oqaaseqaataat pillugu Inatsisartut aalajangiinissaat.
(Ineqarnermut, Sanaartornermut Attaveqaqatigiinnermullu Naalakkersuisoq)
Imm./pkt.: 77
Aappass. UKA 2015
Nunatta Karsiata 2014-imut naatsorsuutaasa Inatsisartunit akuerineqarnissaat pillugu Inatsisartut aalajangiiffigisassaattut siunnersuut.
(Aningaasaqarnermut Aatsitassanullu Naalakkersuisoq)
Imm./pkt.: 79
Siunnersuut Inatsisartunut aaliangigassanngorlugu Namminersorlutik Oqartussat oqaaseqaataat Kunngikkormiunut inassuteqaat Kalaallit Nunaannut atuuttussanngorlugu Inatsimmit nr. 1251 18. December 2012-meersumit, Inatsit nr. 311 29. Marts 2014-meersumit kiisalu Inatsit nr. 752 25. Juni 2014-meersumit Inuup normuanik inatsimmut allannguutissat.
(Aningaasaqarnermut Aatsitassanullu Naalakkersuisoq)
Imm./pkt.: 80
Uunga siunnersuut: Umiarsualivimmiinnermut aamma umiarsuarni takornarianik angallassisuni ilaasut akileraarutaat pillugit inatsisartut inatsisaata allanngortinneqarneranik Inatsisartut inatsisaat nr. xx, xx. xx 2015-imeersoq.
(Umiarsuarni takornarianik angallassisuni ilaasut akileraarutaannik aamma ilaasunik nalinginnaasunik takornarianillu angallassinermi ilaasut akileraarutaannik atorunnaarsitsineq)
(Aningaasaqarnermut Aatsitassanullu Naalakkersuisoq)
Imm./pkt.: 82
Uunga siunnersuut: Pisortanut akiitsut akilersinniarneqartarnerat pinaveersaartinneqarnissaallu pillugit Inatsisartut inatsisaata allanngortinneqarneranik Inatsisartut inatsisaat nr. x, xxx 2015-imeersoq
(Akilerneqarfissatut killiliussap ilanngunneqarnera)
(Aningaasaqarnermut Aatsitassanullu Naalakkersuisoq)
Imm./pkt.: 83
Uunga siunnersuut: Sulisoqarnermut akitsuut pillugu Inatsisartut inatsisaata allanngortinneqarnera pillugu Inatsisartut inatsisaat.
(Aningaasaqarnermut Aatsitassanullu Naalakkersuisoq)
Imm./pkt.: 84
Allannguutissatut siunnersuut akuerineqarpoq.
Aningaasanoorutit ilai pillugit Kalaallit Nunaannut inatsisip allannguutissaatut akuerineqarnissaa pillugu Inatsisartut aalajangiiffigisassaattut siunnersuut.
(Aningaasaqarnermut Aatsitassanullu Naalakkersuisoq)
Imm./pkt.: 85
Aappass. aamma Pingajuss. UKA 2015
Uunga siunnersuut: Nioqqutissanik eqqussuineq annissuinerlu pillugit Inatsisartut inatsisaata allanngortinneqarneranik Inatsisartut inatsisaat nr. x, xXx 2015-imeersoq.
(Timmisartuutileqatigiiffiit ilaasui pillugit paasissutissat atortutigut elektroniskiusutigut takuneqarsinnaanissaat kiisalu akitsuuserisut inunnik scannerillutik misissuisinnaanissaat)
(Aningaasaqarnermut Aatsitassanullu Naalakkersuisoq)
Imm./pkt.: 86
Uunga siunnersuut: Akiliisarnermi kiffartuussutit aningaasallu elektroniskiusut pillugit inatsisip Kalaallit Nunaannut atuutsinneqalernissaa pillugu attuutsinneqalernissaanut aaqqiissummut oqaaseqaatissaq pillugu Inatsisartut aalajangiiffigisassaat.
(Inuussutissarsiornermut, Suliffeqarnermut, Niuernermut Nunanullu Allanut Naalakkersuisoq)
Imm./pkt.: 89
Allannguutissatut siunnersuut akuerineqarpoq
Uunga siunnersuut: Aalisarneq pillugu Inatsisartut inatsisaata allanngortinnera pillugu Inatsisartut inatsisaat nr. xx, xx.xx 2015-imeersoq.
(Inuussutissarsiutigalugu aalisarsinnaanermut akuersissutit tunniunneqartarnerat ingerlaannartarnerallu pillugit allannguutit)
(Aalisarnermut, Piniarnermut Nunalerinermullu Naalakkersuisoq)
Imm./pkt.: 90
Uunga siunnersuut: Nunami sumiiffinni immikkut toqqakkani takornariartitsinermik inuussutissarsiornissamut akuersissuteqartarneq pillugu inatsisartut inatsisaata nr. 19, 3. december 2012-imeersup allanngortinneqarnissaa pillugu Inatsisartut inatsisaat nr. xx, xx. Xxxx-imeersoq.
(Inuussutissarsiornermut, Suliffeqarnermut, Niuernermut Nunanullu allanut Naalakkersuisoq)
Imm./pkt.: 91
Aappass. UKA2015
Pingajuss. UKA 20145
Siunnersuut uunga: Tuniniaanissamik nittarsaassisarneq aamma nalunaaqutsersuisarneq pillugu Inatsisartut inatsisaat nr. xx, xx 2015-imeersoq. (tuniniaanissamik nittarsaassisarnermut inatsit)
(Inuussutissarsiornermut, Suliffeqarnermut, Niuernermut Nunanullu Allanut Naalakkersuisoq)
Imm./pkt.: 92
Uunga siunnersuut: Suliffeqarnermi innersuussisarneq il.il. pillugit Inatsisartut inatsisaata nr. 5, 8. juni 2014-imeersup allanngortinnissaa pillugu Inatsisartut inatsisaat nr. xx, yy 2015-imeersoq.
(Inuussutissarsiornermut, Suliffeqarnermut, Niuernermut Nunanullu Allanut Naalakkersuisoq)
Imm./pkt.: 93
ILO-mi isumaqatigiissutinik Namminersorlutik Oqartussat akuersinerat pillugu Inatsisartut aalajangiussinerat; nr. 98 (kattuffiliorsinnaanermut pisinnaatitaaneq aamma ataatsimoorussamik isumaqatiginninniarsinnaatitaaneq pillugit), nr. 100 (assigiimmik akissarsiaqarneq pillugu), nr. 111 (atorfinitsitaaneq suliffeqartitsinerlu pillugit), nr. 138 (suliffeqarsinnaanermut ukiukinnerpaaffissaq pillugu) aamma nr. 182 (meeqqanik sulisitsisarnerit ajornerpaat pillugit)
(Inuussutissarsiornermut, Suliffeqarnermut, Niuernermut Nunanullu Allanut Naalakkersuisoq)
Imm./pkt.: 94
Kalaallit Nunaanni sulisilluni ajoqusersinnaanermut isumannaarineq pillugu inatsisissatut siunnersuutip atuutsilernissaanut tunngatillugu oqaaseqaat pillugu Inatsisartut aalajangiussinerat.
(Inuussutissarsiornermut, Suliffeqarnermut, Niuernermut Nunanullu Allanut Naalakkersuisoq)