Ullormut oqaluuserisassat
Ullut ataatsimiiffiusut 22-iat, sisamanngorneq 5. novembarip 2026, nal. 11:00
Immikkoortup normua / Suliarineqarnissaata ullua
Siunnersuutit qulequtaat
Imm./pkt.: 2
Ullormut oqaluuserisassanut nassuiaat.
Inatsisartut Siulittaasoqarfiat
Imm./pkt.: 11
2025-mut Nunatta Karsiata naatsorsuutaasa akuersissutigineqarnissaannik siunnersuut.
Aningaasaqarnermut Naalakkersuisoq
Imm./pkt.: 326
Qasigiannguani, Qeqertarsuarmi, Kangaatsiami, Narsami Nanortalimmilu mittarfinnik sanaartornissamut aningaasalersuinissaq qulakkeerniarlugu Naalakkersuisut sulineq aallartissagaat peqquneqarnissaannik Inatsisartut aalajangiiffigisassaattut siunnersuut
Inatsisartuni Siumup eqimattaa
Imm./pkt.: 334
Kalaallit Nunaata siunissami pisortatigoortumik inuiattut erinarsuutissaa pillugu qanoq aalajangiisoqarsinnaaneranut periaatsinik assigiinngitsunik imalimmik aalajangiinissamut tunngavissiamik Naalakkersuisut suliaqarnissaat, kingusinnerpaamillu UKA 2027-mi Inatsisartunut saqqummiussinissaat pillugu Inatsisartut aalajangiiffigisassaattut siunnersuut. Aalajangiinissamut tunngavissiami maanna aaqqissuussinerup ingerlatiinnarneqarsinnaanera, inuiattut erinarsuutit maanna atorneqartut arlaata pisortatigoortumik toqqarneqarsinnaanera imaluunniit inuiattut erinarsuummik nutaamik pilersitsinissaq siunertaralugu suliassap aallartinneqarsinnaanera qulaajarneqassapput. Aamma politikkikkut, eqqumiitsuliornikkut innuttaasullu peqataatinneqarnissaannut periarfissat nassuiarneqassapput.
Inatsisartunut ilaasortaq Aqqalu C. Jerimiassen, Atassut
Imm./pkt.: 258
Aallarnisaasunut nuna tamakkerlugu ukiumoortumik Nersornaasiisarnermik pilersitsinissamik, Naalakkersuisut peqquneqarnissaannik Inatsisartut aalajangiiffigisassaattut siunnersuut. Naalakkersuisut unammisitsineq kisiat aqqutissiuutissavaat, tassanilu akissarsiaasinnaasut, agguaassinerusinnaasut, angalanerusinnaasut, assigisinnaasaallu suliffeqarfinnit namminersortunit, aaqqissuussisimanernit, aningaasaateqarfinnit imaluunniit avataani suleqatigisanit aningaasalersorneqassallutik.
Inatsisartunut ilaasortaq Napaartoq Isak Petrussen, Demokraatit
Imm./pkt.: 280
Naalakkersuisut kingusinnerpaamik UPA2027-imi Radiukkut tv-kkullu aallakaatitsisarneq pillugu Inatsisartut inatsisaata nr. 7-ip, 8. juni 2014-imeersup allanngortinneqarnissaanut siunnersuummik saqqummiussinissamut kiisalu nalunaarasuartaatitigut atassuteqarneq nalunaarasuartaatitigullu kiffartuussinerit pillugit inatsisinut allannguutinik pisariaqartunik suliaqarnissamut peqquneqarnissaat pillugu Inatsisartut aalajangiiffigisassaattut siunnersuut. Allannguutini qulakkeerniarneqarpoq kalaallit radioqarfiisa tv-qarfiisalu akuersissummik pigisaqartut nuna tamakkerlugu ammasumik, naligiimmik teknologimullu aalajangersimasumut pituttorneqanngitsumik siammarterneqarsinnaanissaat, KNR-imi pilerisaarutit aallakaatitassiallu niuernerpalaartumik aningaasaliiffigineqartut atorunnaarnissaat kiisalu Inatsisartuni ataatsimiinnerit tamanut ammasut toqqaannartumik aaqqissorneqarnatillu aallakaatinneqartarnissaannut nuna tamakkerlugu immikkut radiukkut kanalimik pilersitsisoqarnissaa.
Inatsisartunut ilaasortaq Pele Broberg, Naleraq
Imm./pkt.: 298
Deepfakesinik ajoqusiisunik sananermik, siaruarterinermik atuinermillu inerteqquteqalernissaq siunertaralugu silassorissuusiap maleruagassiuunneqarnissaa pillugu Inatsisartut inatsisissaattut siunnersuummik saqqummiussinissamik Naalakkersuisut peqquneqarnissaat pillugu Inatsisartunut aalajangiiffigisassatut siunnersuut. Inatsisartut inatsisissaatut siunnersuut kingusinnerpaamik UPA 2027-mi saqqummiunneqassaaq.
Inatsisartunut ilaasortaq Pipaluk Lynge, Inuit Ataqatigiit