Ullormut oqaluuserisassat
Ulloq immikkut ataatsimiiffiusoq siulleq, ataasinngorneq 4. maajip 2026, nal. 10:00
Immikkoortup normua / Suliarineqarnissaata ullua
Siunnersuutit qulequtaat
Imm./pkt.: 2
Ullormut oqaluuserisassanut nassuiaat.
Inatsisartut Siulittaasoqarfiat
Imm./pkt.: 169
Naartunermi, erninermi meeravissiartaarnermilu sulinngiffeqartarneq pillugu anaanaasut tamarmik sapaatip akunneranut akunnernik 40-nik erninerminnik, sapaatit akunnerini 19-ini, siornatigut suliffigisimasaq apeqqutaatinnagu ullormusiaqarnissaasa pisinnaatitaaffigilernissaannut, Inatsisartut inatsisaasa allanngortinnissaanut Naalakkersuisut peqquneqarnissaannik Inatsisartut aalajangiiffigisassaattut siunnersuut.
Inatsisartunut ilaasortaq Jens NapãtôK’, Naleraq
Imm./pkt.: 64
Meeqqat atuarfiani klassimi ataatsimi annerpaamik 18-inik atuartoqarnissaanik qulakkeerisumik inatsimmik atortuulersitsinissamik, Naalakkersuisut peqquneqarnissaannik Inatsisartut aalajangiiffigisassaattut siunnersuut.
Demokraatit inatsisartuni eqimattaa
Imm./pkt.: 143
3. aamma 7. klassimi alloriarfinni allattariarsornermi pinngitsuugassaanngitsunik misilitsissutinik qitiusumit aalajangersarneqartunik atorunnaarsitsissallutik inatsisinut, malittarisassanullu allannguutinik pisariaqartunik saqqummiussinissaannik, Naalakkersuisut peqquneqarnissaannik Inatsisartut aalajangiiffigisassaattut siunnersuut. Inatsisit, malittarisassallu ukiumi atuarfiusumi 2027/28-mi atuutsilersinneqarsinnaanngorlugit naammassineqassapput.
Demokraatit inatsisartuni eqimattaa
Imm./pkt.: 100
Meeqqat atuarfianni annerni aalisarneq piniarnerlu pillugit siunnersorneqartarnerat qanoq nukittorsarneqarsinnaanersoq iliuusissatut pilersaarummik Naalakkersuisut peqquneqarnissaannik Inatsisartut aalajangiiffigisassaattut siunnersuut, aalisarnermik ilinniartitaanermut sulisussarsiortarnerup annertusarneqarnissaa kiisalu Kalaallit Nunaata imarsiornerup iluani piginnaasaasa nukittorsarneqarnissaat siunertaralugu. Siunnersuut EM2026-imut tunniunneqassaaq.
Inatsisartunut ilaasortaq Jens NapãtôK’, Naleraq
Imm./pkt.: 42
Kalaallit Nunaanni Namminersorlutik Oqartussanit uuma akuerineqarnissaa pillugu Inatsisartut aalajangiiffigisassaattut siunnersuut: Nunani allamiut pillugit inatsisip allannguutaa pillugu inatsisit assigiinngitsut ilaannik Kalaallit Nunaannut atuutilersitsineq pillugu peqqussummut siunnersuut (Kalaallit Nunaanni najugaqarsinnaanermut suliat suliarineqarnerinut akiliut pillugu malittarisassanik atulersitsineq, sivisunerusumik najugaqarsinnaanermut visumimik atuutilersitsineq, Schengeninformationssystem (SIS)-mik atuineq, killeqarfinnik avasinnerusunik il.il. nakkutilliinerup sunniuteqarluarnissaanik pitsanngorsaaneq siunertaralugu Schengenimut malittarisassanik naammassisaqarneq siunertaralugit, nunamut isertitsisinnaatitaannginneq pillugu aalajangiinermut aamma nunamiit aallarnissamut piffissaliussat pillugit malittarisassanik allannguineq)
Isumaginninnermut, Suliffeqarnermut, Ilaqutariinnut Nunamullu Namminermut Naalakkersuisoq